ખડગેએ તમિલનાડુમાં AIADMK પર નિશાન સાધતા કહ્યું હતું કે, 'તે આતંકવાદી છે. તેમની પાર્ટી સમાનતા અને ન્યાયમાં નથી માનતી.' આ નિવેદન PM મોદી પર નિશાન સાધતું હોવાનું મનાયું હતું.
શોધખોળ કરો
ખડગેએ PM મોદીને કહ્યા 'આતંકવાદી', ભાજપ ભડક્યું; ચૂંટણી પંચમાં કરી ફરિયાદ
Mallikarjun Kharge PM Modi controversy: કોંગ્રેસ અધ્યક્ષના નિવેદનથી ગરમાયું રાજકારણ, ભાજપે ચૂંટણી પંચમાં કરી ફરિયાદ; ખડગેએ આપી સ્પષ્ટતા.
Kharge's "Terrorist" Remark on PM Modi Sparks Row, BJP Files EC Complaint
Source : PTI
- ખડગેએ PM મોદીને 'આતંકવાદી' કહ્યા, ભાજપે ચૂંટણી પંચમાં ફરિયાદ કરી.
- CM યોગી, ભાજપ પ્રવક્તાઓએ નિવેદનને લોકશાહીનું અપમાન ગણાવ્યું.
- ખડગેએ કહ્યું: મોદી ધમકાવે છે, તપાસ એજન્સીઓ તેમના નિયંત્રણમાં.
- કોંગ્રેસ વિકાસના મુદ્દે ઘેરાતા આવા નિવેદનો કરે છે: ભાજપ
Mallikarjun Kharge PM Modi controversy: કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે દ્વારા તમિલનાડુમાં વડાપ્રધાન નરેન્દ્ર મોદી વિશે કરવામાં આવેલી ટિપ્પણીથી રાજકીય ગરમાવો વધી ગયો છે. ખડગેએ કથિત રીતે PM મોદીને 'આતંકવાદી' કહ્યા હતા, જેને લઈને ભારતીય જનતા પાર્ટી (BJP) એ આકરો વિરોધ નોંધાવીને ચૂંટણી પંચમાં ફરિયાદ કરી છે. ઉત્તર પ્રદેશના મુખ્યમંત્રી યોગી આદિત્યનાથથી લઈને ભાજપના રાષ્ટ્રીય પ્રવક્તા સુધીના નેતાઓએ આ નિવેદનને લોકશાહી અને 1.4 અબજ દેશવાસીઓનું અપમાન ગણાવ્યું છે. ભારે હોબાળા બાદ ખડગેએ પણ પોતાના નિવેદન અંગે સ્પષ્ટતા કરવી પડી છે. ચાલો જાણીએ આ આખા વિવાદમાં કોણે શું પ્રતિક્રિયા આપી છે.
યોગી આદિત્યનાથે આપ્યો આકરો જવાબ
UP ના મુખ્યમંત્રી યોગી આદિત્યનાથે સોશિયલ મીડિયા પર પોસ્ટ કરીને કોંગ્રેસ પર આકરા પ્રહાર કર્યા હતા. તેમણે કહ્યું કે, "દેશના લોકપ્રિય અને લોકશાહી રીતે ચૂંટાયેલા વડાપ્રધાન વિશે આવી બિનસંસદીય ટિપ્પણી કરવી એ અક્ષમ્ય, નિંદનીય અને ભારતીય લોકશાહીનું ઘોર અપમાન છે. આ નિવેદન કોંગ્રેસની હતાશા, નિરાશા અને માનસિક નાદારી દર્શાવે છે." તેમણે વધુમાં કહ્યું કે, વડાપ્રધાન સામેના આવા શબ્દો એ 1.45 અબજ દેશવાસીઓનું અપમાન છે અને કોંગ્રેસે આ માટે જાહેરમાં માફી માંગવી જોઈએ.
"કોંગ્રેસ વિકાસના મુદ્દે ઘેરાઈ છે ત્યારે આવા નિવેદનો કરે છે"
ભાજપના રાષ્ટ્રીય પ્રવક્તા નીતિન નવીને કહ્યું કે જ્યારે પણ કોંગ્રેસ વિકાસ અને તથ્યોના મુદ્દે ઘેરાય છે, ત્યારે રાહુલ ગાંધી, સોનિયા ગાંધી અને તેમના શિષ્યો મુદ્દા પરથી ધ્યાન હટાવવા આવા હલકા નિવેદનો કરે છે. તો બીજી તરફ, ભાજપના પ્રવક્તા પ્રદીપ ભંડારીએ તો કોંગ્રેસને 'ટુકડે-ટુકડે ગેંગ' અને 'અર્બન નક્સલ' વિચારધારા ધરાવતી પાર્ટી ગણાવી દીધી. તેમણે કહ્યું કે કોંગ્રેસ હવે માનસિક રીતે નાદાર થઈ ગઈ છે.
ખડગેએ ખરેખર શું કહ્યું હતું?
તમિલનાડુમાં એક પ્રેસ કોન્ફરન્સ દરમિયાન મલ્લિકાર્જુન ખડગેએ AIADMK પાર્ટી પર નિશાન સાધતા કહ્યું હતું કે, "અન્નાદુરાઈનો ફોટો લગાવનારા AIADMK ના સભ્યો મોદીને કેવી રીતે ટેકો આપી શકે? તે આતંકવાદી છે. તેમની પાર્ટી સમાનતા અને ન્યાયમાં નથી માનતી. આ લોકો તેમની સાથે જોડાઈને લોકશાહીને નબળી પાડી રહ્યા છે."
વિવાદ વધતા ખડગેએ આપી સ્પષ્ટતા
ભાજપના ભારે વિરોધ અને હોબાળા બાદ મલ્લિકાર્જુન ખડગેએ પોતાના નિવેદન પર બચાવ કરતા સ્પષ્ટતા આપી છે. તેમણે કહ્યું કે, "મેં ક્યારેય એવું નથી કહ્યું કે પીએમ મોદી આતંકવાદી છે. મારા કહેવાનો મતલબ એ હતો કે મોદી હંમેશા લોકોને અને રાજકીય પક્ષોને ધમકાવે છે અને ડરાવે છે. ED, IT અને CBI જેવી તપાસ એજન્સીઓ તેમના કંટ્રોલમાં છે."
Frequently Asked Questions
મલ્લિકાર્જુન ખડગેએ વડાપ્રધાન નરેન્દ્ર મોદી વિશે શું ટિપ્પણી કરી હતી?
મલ્લિકાર્જુન ખડગેના નિવેદન પર ભાજપે શું પ્રતિક્રિયા આપી?
ભાજપે આ નિવેદનને લોકશાહી અને 1.4 અબજ દેશવાસીઓનું અપમાન ગણાવ્યું. યોગી આદિત્યનાથે તેને અક્ષમ્ય અને નિંદનીય ગણાવી કોંગ્રેસને જાહેરમાં માફી માંગવા કહ્યું.
વિવાદ વધ્યા પછી મલ્લિકાર્જુન ખડગેએ શું સ્પષ્ટતા કરી?
ખડગેએ જણાવ્યું કે તેમણે ક્યારેય PM મોદીને આતંકવાદી કહ્યા નથી. તેમના કહેવાનો અર્થ એ હતો કે મોદી લોકોને અને પક્ષોને ધમકાવે છે અને તપાસ એજન્સીઓ તેમના નિયંત્રણમાં છે.
ભાજપના પ્રવક્તાઓએ આ મુદ્દે શું કહ્યું?
ભાજપના પ્રવક્તા નીતિન નવીને કહ્યું કે કોંગ્રેસ વિકાસના મુદ્દે ઘેરાય ત્યારે ધ્યાન હટાવવા આવા નિવેદનો કરે છે. પ્રદીપ ભંડારીએ કોંગ્રેસને 'ટુકડે-ટુકડે ગેંગ' ગણાવી.
ટોપ સ્ટોરી
દેશ
સુખોઈ, રાફેલ, તેજસ... આકાશમાં દેખાશે ભારતનો દમ, પીએમ મોદીની વારાણસી વિઝિટ
દેશ
Weather : બંગાળની ખાડીમાં સર્જાશે શક્તિશાળી વાવાઝોડું, આ રાજ્યોમાં ભારે પવન સાથે વરસાદની આગાહી
દેશ
ભારતીય બજારમાંથી બીયર અને સોફ્ટ ડ્રિંક્સના કેન કેમ ગાયબ? જાણો અછત પાછળનું મોટું કારણ
દેશ
બંગાળની ખાડીમાં આગળ વધી રહ્યું છે વાવાઝોડું, ક્યાં-ક્યાં મચાવશે તબાહી, IMDએ જાહેર કરી ચેતવણી
ટ્રેન્ડિંગ સમાચાર
