કોરોના સંકટમાં મોદી સરકારે દોઢ કરોડ કર્મચારીઓને આપી મોટી ભેટ, જાણો

કેંદ્રના આશરે દોઢ કરોડથી વધારે કર્મચારીઓના વેરિએબલ ડિયરનેસ એલાઉન્સ (VDA)એટલે કે મોંઘવારી ભથ્થું વધારીને દર મહિને 105 થી વધારીને 210 રૂપિયા કરવામાં આવ્યું છે.

દેશ હાલ કોરોના વાયરસની મહામારીની બીજી લહેર સામે લડી રહ્યો છે. ત્યારે કેંદ્રના આશરે દોઢ કરોડથી વધારે કર્મચારીઓના વેરિએબલ ડિયરનેસ એલાઉન્સ (VDA)એટલે કે મોંઘવારી ભથ્થું વધારીને દર મહિને 105 થી વધારીને 210 રૂપિયા કરવામાં આવ્યું છે. શ્રમ અને રોજગાર મંત્રાલય તરફથી શુક્રવારે આ જાહેરાત કરવામાં આવી હતી. આ 1 એપ્રિલ 2021થી લાગૂ થશે અને તેના કારણે કેંદ્રીય  કર્મચારીઓ અને કામદારોના લઘુતમ વેતનમાં પણ વધારો થશે.

આ કેન્દ્રિય ક્ષેત્રમાં નિયત રોજગાર માટે હશે. આ ઉપરાંત, આ કેન્દ્ર સરકાર, રેલ્વે પ્રશાસન, ખાણ, તેલ ક્ષેત્રો, મુખ્ય બંદરો અથવા કેન્દ્ર સરકાર દ્વારા સ્થાપિત કોઈપણ નિગમના અધિકાર હેઠળના પ્રતિષ્ઠાનો પર લાગુ થશે. દરો કરાર અથવા કેઝ્યુઅલ કર્મચારીઓ અને કામદારો માટે સમાનરૂપે લાગુ થશે.

સમાચાર એજન્સી પીટીઆઈ સાથે વાત કરતા ચીફ લેબર કમિશનર સેન્ટ્રલ (સીએલસી) ડીપીએસ નેગીએ કહ્યું - કેન્દ્રિય ક્ષેત્રમાં કામ કરતા કર્મચારીઓને મોંઘવારી ભથ્થું દર મહિને રૂ. 105 થી વધારીને 210 કરવામાં આવ્યું છે. એક નિવેદનમાં, શ્રમ મંત્રાલયે સૂચન કર્યું છે કે સુધારેલા દરનો વેરિયેબલ ડિયરનેસ  ભથ્થું (વીડીએનું નરિવાઈઝ્ડ દર 1 એપ્રિલ 2021 થી લાગુ થશે.

તેમાં વધુમાં જણાવાયું છે કે એક સમયે જ્યારે દેશ કોરોના મહામારીની બીજી લહેર સાથે ઝઝૂમી રહ્યો છે,  ત્યારે મધ્ય વિસ્તારોમાં વિવિધ અનુસૂચિત નોકરીમાં લાગેલા વિવિધ કેટેગરીના કામદારોને મોટી રાહત મળશે.  વેરિએબલ  મોંઘવારી ભથ્થુંને કન્ઝ્યુમર પ્રાઈસ ઈન્ડેક્સ ઓફ ઈન્ડસ્ટ્રીયલ વર્કસના આધાર પર રિવાઈઝ કરવામાં આવે છે.

શ્રમ મંત્રી સંતોષ ગંગવારે જણાવ્યું હતું કે, કેન્દ્રિય ક્ષેત્રમાં વિવિધ અનુસૂચિત નોકરીમાં રોકાયેલા આશરે દોઢ લાખ  કામદારોને આનો લાભ મળશે. વીડીએમાં આ વધારો તેમને રાહત આપશે, ખાસ કરીને આ મહામારીના સમયે.