PM મોદીએ તેજસ્વી યાદવને કર્યો ફોન, લાલૂ પ્રસાદ યાદવના સ્વાસ્થ અંગે જાણકારી મેળવી 

વડાપ્રધાન મોદીએ મંગળવારે બિહારના ડેપ્યુટી સીએમ તેજસ્વી યાદવ સાથે ફોન પર વાત કરી હતી. તેમણે તેજસ્વી યાદવને કિડની ટ્રાન્સપ્લાન્ટ ઓપરેશન બાદ આરજેડી પ્રમુખ લાલુ પ્રસાદ યાદવની તબિયત વિશે પૂછ્યું છે.

પ્રધાનમંત્રી મોદી

PM Modi: વડાપ્રધાન નરેન્દ્ર મોદીએ મંગળવારે (6 ડિસેમ્બર) બિહારના ડેપ્યુટી સીએમ તેજસ્વી યાદવ સાથે ફોન પર વાત કરી હતી. તેમણે તેજસ્વી યાદવને કિડની ટ્રાન્સપ્લાન્ટ ઓપરેશન બાદ આરજેડી પ્રમુખ લાલુ પ્રસાદ યાદવની તબિયત વિશે પૂછ્યું છે. સિંગાપોરમાં સોમવારે સફળ કિડની ટ્રાન્સપ્લાન્ટ ઓપરેશન બાદ લાલુ પ્રસાદ યાદવ ફરી હોશમાં આવી ગયા છે અને તેમણે તેમના સમર્થકોની પ્રાર્થના માટે આભાર માન્યો છે.

पापा का किडनी ट्रांसप्लांट ऑपरेशन सफलतापूर्वक होने के बाद उन्हें ऑपरेशन थियेटर से आईसीयू में शिफ्ट किया गया।

डोनर बड़ी बहन रोहिणी आचार्य और राष्ट्रीय अध्यक्ष जी दोनों स्वस्थ है। आपकी प्रार्थनाओं और दुआओं के लिए साधुवाद। 🙏🙏 pic.twitter.com/JR4f3XRCn2

— Tejashwi Yadav (@yadavtejashwi) December 5, 2022

તમને જણાવી દઈએ કે લાલુ યાદવની 40 વર્ષીય પુત્રી રોહિણી આચાર્યએ તેના 70 વર્ષીય પિતાને કિડની દાન કરવા બદલ સોશિયલ મીડિયા પર ઘણી પ્રશંસા મળી રહી છે. "રોક એન્ડ રોલ માટે તૈયાર. મને શુભકામનાઓ આપો," આચાર્યએ હોસ્પિટલમાંથી સર્જરી પહેલા પોતાની અને તેના પિતાની તસવીરો સાથે ટ્વિટ કર્યું હતું.

તેજસ્વી યાદવે વીડિયો શેર કર્યો છે

આ સિવાય બિહારના ડેપ્યુટી સીએમ તેજસ્વી યાદવે આરજેડી સુપ્રીમોને ઓપરેશન થિયેટરમાંથી આઈસીયુમાં મોકલવાનો વીડિયો શેર કરીને ટ્વીટ કર્યું કે, પપ્પાને કિડની ટ્રાન્સપ્લાન્ટના સફળ ઓપરેશન બાદ ઓપરેશન થિયેટરમાંથી આઈસીયુમાં શિફ્ટ કરવામાં આવ્યા હતા. બીજી તરફ પોતાની મોટી બહેન રોહિણી આચાર્ય વિશે તેજસ્વીએ કહ્યું કે, "દાન આપનાર મોટી બહેન રોહિણી આચાર્ય અને રાષ્ટ્રીય અધ્યક્ષ બંને સ્વસ્થ છે."

આગેવાનોએ જલ્દી સ્વસ્થ થવાની કામના કરી હતી

નોંધપાત્ર રીતે, તમિલનાડુના મુખ્ય પ્રધાન એમકે સ્ટાલિન અને ઝારખંડના મુખ્ય પ્રધાન હેમંત સોરેન જેવા રાજકીય સાથીઓએ પણ લાલુ યાદવને ઝડપથી સ્વસ્થ થવાની શુભેચ્છા પાઠવી છે. એમકે સ્ટાલિને એક ટ્વીટમાં કહ્યું કે, "RJD ચીફ લાલુ યાદવનું સિંગાપોરમાં સફળતાપૂર્વક કિડની ટ્રાન્સપ્લાન્ટ કરવામાં આવ્યું છે અને તેઓ જલ્દી સાજા થઈ જશે."

લાલુ યાદવની પુત્રી મીસા ભારતીએ ટ્વીટ કર્યું, "જ્યારે અમને ICUમાં પપ્પાને મળવાનો મોકો મળ્યો તે અમારા માટે ખૂબ જ રાહતની ક્ષણ હતી. તેઓ તેમના સમર્થકોને તેમની પ્રાર્થના અને આશીર્વાદ માટે  તેમનો આભાર માની રહ્યા છે."