Rahul Gandhi Attack BJP: રાહુલ ગાંધીએ આ વખતે સંસદમાં કોને ફોટો બતાવ્યો, જેના પર મચી ગયો હંગામો?
Rahul Gandhi in Lok Sabha: કોંગ્રેસ નેતા રાહુલ ગાંધીએ સોમવારે લોકસભામાં હલવા સેરેમનીનો ફોટો બતાવવાની કોશિશ કરી હતી. પરંતુ સ્પીકર ઓમ બિરલાએ આ ફોટો બતાવવાની મંજૂરી આપી નહોતી.
Rahul Gandhi Attack BJP: કોંગ્રેસના સાંસદ અને લોકસભામાં વિરોધ પક્ષના નેતા રાહુલ ગાંધીએ સોમવારે (29 જુલાઈ) સંસદમાં કેન્દ્ર સરકાર પર આકરા પ્રહારો કર્યા હતા. રાહુલ ગાંધી તેમના સંબોધન દરમિયાન એક પોસ્ટર બતાવવા માંગતા હતા, જેને લઈને ભારે વિવાદ થયો હતો. રાહુલ ગાંધીએ કહ્યું, સ્પીકર સાહેબ, હું તમારી પરવાનગીથી એક પોસ્ટર બતાવવા માંગુ છું.
જો કે, લોકસભા સ્પીકર ઓમ બિરલાએ રાહુલ ગાંધીની પોસ્ટર બતાવવાની વિનંતી પર વાંધો ઉઠાવ્યો હતો. ઓમ બિરલાએ કડક સ્વરમાં કહ્યું કે હું તમને સંસદમાં પોસ્ટર બતાવવા નહીં દઉં. ઓમ બિરલાએ કહ્યું કે આ એક ખોટો અભિગમ છે અને સંસદમાં આવું ન થઈ શકે. ભાજપના સાંસદોએ પણ રાહુલની આ વિનંતી સામે વાંધો ઉઠાવ્યો હતો.
રાહુલ ગાંધી કયું પોસ્ટર બતાવવા માંગતા હતા?
કોંગ્રેસના સાંસદ અને લોકસભામાં વિપક્ષના નેતા રાહુલ ગાંધીએ સ્પીકર ઓમ બિરલાના વાંધો બાદ સંસદમાં પોસ્ટર બતાવ્યું ન હતું. જોકે, રાહુલ ગાંધીના હાથમાં જે પોસ્ટર હતું તે સ્પષ્ટ દેખાઈ રહ્યું હતું. રાહુલ ગાંધીએ હાથમાં પકડેલા પોસ્ટરમાં નાણામંત્રી નિર્મલા સીતારમણ દેખાઈ રહ્યા હતા અને આ પોસ્ટર હલવા સેરમનીનું હતું.
આ પોસ્ટર કેન્દ્રીય બજેટની રજૂઆત પહેલાનું હતું. તમને જણાવી દઈએ કે દર વર્ષે કેન્દ્રીય બજેટ રજૂ કરતા પહેલા હલવા સેરેમનીનું આયોજન કરવામાં આવે છે. હલવા સેરેમની દર્શાવે છે કે કેન્દ્રીય બજેટને અંતિમ સ્વરૂપ આપવામાં આવ્યું છે અને હવે તેનું પ્રિન્ટિંગનું કામ શરૂ થઈ ગયું છે. આ પરંપરા ઘણા વર્ષોથી ચાલી આવે છે.
#WATCH | In Lok Sabha, LoP Rahul Gandhi shows a poster of the traditional Halwa ceremony, held at the Ministry of Finance before the Budget session.
— ANI (@ANI) July 29, 2024
He says, "Budget ka halwa' is being distributed in this photo. I can't see one OBC or tribal or a Dalit officer in this. Desh ka… pic.twitter.com/BiFRB0VTk3
રાહુલ ગાંધીએ પોસ્ટર બતાવતા શું કહ્યું?
હલવા સેરેમનીના પોસ્ટર બતાવવાની માંગ કરતા રાહુલ ગાંધીએ કહ્યું કે આ પોસ્ટરમાં એક પણ આદિવાસી, ઓબીસી કે દલિત અધિકારી દેખાતા નથી. તેમણે કહ્યું, 'દેશમાં હલવો વહેંચાઈ રહ્યો છે અને બાકીના 73 ટકા તેમાં ક્યાંય નથી.' કેન્દ્ર સરકાર પર નિશાન સાધતા તેમણે કહ્યું કે, 'તમે લોકો હલવો ખાઈ રહ્યા છો પરંતુ બાકીના દેશવાસીઓને તે નથી મળી રહ્યો.'
ઓબીસી-લઘુમતીનો ઉલ્લેખ કર્યો
તેમણે આરોપ લગાવ્યો, 'માત્ર 20 અધિકારીઓએ કેન્દ્રીય બજેટ તૈયાર કર્યું છે. હિન્દુસ્તાનનો હલવો વહેંચવાનું કામ આ લોકોએ જ કર્યું, જેમાં એક ઓબીસી છે અને એક લઘુમતી છે. ભાજપના સાંસદોએ રાહુલ ગાંધીના આરોપો સામે વાંધો ઉઠાવ્યો હતો. સંબોધન દરમિયાન રાહુલ ગાંધી અને સંસદીય કાર્ય મંત્રી કિરેન રિજિજુ વચ્ચે ઉગ્ર દલીલ પણ જોવા મળી હતી.
ટ્રેન્ડિંગ સમાચાર
ટોપ સ્ટોરી
