MCD Election 2022: AAP ધારાસભ્ય ગુલાબસિંહ યાદવ સાથે ઝપાઝપીનો કથિત વીડિયો વાયરલ, BJPએ લગાવ્યો આ આરોપ
દિલ્હીમાં MCD ચૂંટણી પહેલા સોમવારે (21 નવેમ્બર) AAP ધારાસભ્ય સાથે ઝપાઝપીનો એક કથિત વીડિયો વાયરલ થયો છે. આ વીડિયો દિલ્હી બીજેપીએ ટ્વિટર પર શેર કર્યો છે.
Delhi AAP MLA Beaten: દિલ્હીમાં MCD ચૂંટણી પહેલા સોમવારે (21 નવેમ્બર) AAP ધારાસભ્ય સાથે ઝપાઝપીનો એક કથિત વીડિયો વાયરલ થયો છે. આ વીડિયો દિલ્હી બીજેપીએ ટ્વિટર પર શેર કર્યો છે. બીજેપીએ દાવો કર્યો હતો કે AAP કાર્યકર્તાઓએ ધારાસભ્ય સાથે મારપીટ કરી હતી અને આરોપ લગાવ્યો હતો કે તેને પૈસાના બદલામાં ટિકિટ આપવાને લઈ માર માર્યો. ભાજપે દાવો કર્યો હતો કે દિલ્હીના મટિયાલાના આમ આદમી પાર્ટીના કાર્યકરોએ તેમની જ પાર્ટીના ધારાસભ્ય ગુલાબ સિંહ યાદવ સાથે મારપીટ કરી હતી.
पिट गए AAP के विधायक जी!
— BJP Delhi (@BJP4Delhi) November 21, 2022
आम आदमी पार्टी विधायक गुलाब सिंह यादव को टिकट बेचने के आरोप में आप कार्यकर्ताओं ने दौड़ा-दौड़ा करके पीटा।
केजरीवाल जी, ऐसे ही AAP के सभी भ्रष्टाचारी विधायकों का नंबर आएगा। pic.twitter.com/MArpoSi3E5
MCD ટિકિટોની વહેંચણીથી AAP કાર્યકર્તાઓ નારાજ હતા. ગુલાબ સિંહ યાદવ આમ આદમી પાર્ટીના ગુજરાતના પ્રભારી પણ છે. સોમવારે અગાઉના દિવસે, ભાજપે એક કથિત સ્ટિંગ વિડિયો બહાર પાડ્યો હતો જેમાં ઉત્તર-પશ્ચિમ દિલ્હીમાં આમ આદમી પાર્ટી (AAP) ના ભૂતપૂર્વ કાર્યકર્તાએ AAP પર દિલ્હી મ્યુનિસિપલ કોર્પોરેશન (MCD) ચૂંટણી માટે ટિકિટ વેચવાનો આરોપ લગાવ્યો હતો.
ભાજપે સ્ટિંગનો વીડિયો જાહેર કર્યો છે
ભાજપના રાષ્ટ્રીય પ્રવક્તા સંબિત પાત્રાએ પ્રેસ કોન્ફરન્સમાં આ સ્ટિંગનો કથિત વીડિયો પ્રસારિત કર્યો હતો, જેમાં આરોપ લગાવ્યો હતો કે AAP કાર્યકર બિંદુએ MCD ચૂંટણીમાં રોહિણી ડી વોર્ડમાંથી AAPની ટિકિટ માટે 80 લાખ રૂપિયાની માંગણી કરીને આ સ્ટિંગ વીડિયો બનાવ્યો હતો. વીડિયોની સત્યતા ચકાસી શકાઈ નથી.
કેજરીવાલે ગણાવી 'મનોહર કહાનિયા'
આ વીડિયો પર દિલ્હીના સીએમ અરવિંદ કેજરીવાલે કહ્યું કે આ સ્ટિંગ વીડિયો ભારતીય જનતા પાર્ટીની મનોહર કહાનિયા છે. ભાજપ દરરોજ રસપ્રદ વાર્તાઓ બહાર પાડે છે. તે સ્ટિંગ ઓપરેશન લાવે છે. દિલ્હીના લોકો પૂછે છે કે તેણે 15 વર્ષમાં મ્યુનિસિપલ કોર્પોરેશનમાં શું કર્યું અને તેની પાસે કોઈ જવાબ નથી. તેઓ (ભાજપ) રોજ નકલી સ્ટીંગ લાવે છે. લોકોને આ પ્રકારની ગંદી રાજનીતિ પસંદ નથી. જણાવી દઈએ કે, 1 ડિસેમ્બર અને 4 ડિસેમ્બરે દિલ્હીમાં 250 વોર્ડમાં MCD ચૂંટણી યોજાવાની છે. ચૂંટણીના પરિણામો 7 ડિસેમ્બરે જાહેર કરવામાં આવશે.
ટ્રેન્ડિંગ સમાચાર
ટોપ સ્ટોરી
