Kisan Yojana:આ તારીખે ખેડૂતોના ખાતામાં થશે રૂપિયા જમા, આ પ્રોસેસ નહિ કરો તો લાભથી રહેશો વંચિત
PM Kisan Yojana: ટૂંક સમયમાં 13 કરોડથી વધુ ખેડૂતોને 19મા હપ્તાના 2000 રૂપિયા તેમના ખાતામાં પહોંચશે. પણ જો આ કામ નહીં થાય તો પૈસા નહીં મળે.
PM Kisan Yojana: ભારત સરકાર દેશના લોકો માટે ઘણી યોજનાઓ ચલાવે છે. દેશના કરોડો લોકોને સરકારી યોજનાનો લાભ મળે છે. દેશની અડધાથી વધુ વસ્તી ખેતી પર નિર્ભર જીવન જીવે છે. આથી સરકાર ખેડૂતોને ઘણી બધી સહાય પણ આપે છે. વર્ષ 2019 માં, ભારત સરકારે ખેડૂતો માટે પ્રધાનમંત્રી કિસાન સન્માન નિધિ યોજના શરૂ કરી હતી. આ યોજના હેઠળ સરકાર ખેડૂતોને વાર્ષિક 6000 રૂપિયાનો આર્થિક લાભ આપે છે.
દેશના કરોડો ખેડૂતોને આ યોજનાનો લાભ મળ્યો છે. સરકાર વર્ષમાં ત્રણ વખત ખેડૂતોના ખાતામાં 2000 રૂપિયાના હપ્તા મોકલે છે. અત્યાર સુધીમાં, યોજનાના 18 હપ્તા બહાર પાડવામાં આવ્યા છે. હવે ખેડૂતો યોજનાના 19મા હપ્તાની રાહ જોઈ રહ્યા છે. જે આ મહિનાના થોડા દિવસો પછી જ રિલીઝ થશે. જો કે જે ખેડૂતોએ ઈ-કેવાયસી નથી કરાવી તેમને આ લાભ નહીં મળે.
આગામી હપ્તો આ દિવસે બહાર પાડવામાં આવશે
દેશભરના કરોડો ખેડૂતો પ્રધાનમંત્રી કિસાન સન્માન નિધિ યોજનાના આગામી હપ્તાની રાહ જોઈ રહ્યા છે. કિસાન યોજનાનો આગામી એટલે કે 19મો હપ્તો ફેબ્રુઆરી મહિનામાં બહાર પાડવામાં આવશે. આ અંગે માહિતી આપતાં દેશના કૃષિ મંત્રી શિવરાજ સિંહ ચૌહાણે પોતે કહ્યું કે, આ મહિનાની 24મી તારીખે વડાપ્રધાન પોતે જ કિસાન યોજનાનો 19મો હપ્તો જાહેર કરશે. મતલબ કે ટૂંક સમયમાં ખેડૂતોને સારા સમાચાર મળશે. 19મા હપ્તાના 2000 રૂપિયા દેશના 13 કરોડથી વધુ ખેડૂતોના ખાતામાં પહોંચશે.
પીએમ કિસાન યોજના હેઠળ લાભ લેતા ખેડૂતો માટે કેટલાક કામો પૂર્ણ કરવા માટે સરકારે પહેલાથી જ માર્ગદર્શિકા બહાર પાડી હતી. સરકારે ખેડૂતોને ઈ-કેવાયસી કરાવવા માટે સૂચનાઓ આપી હતી. પરંતુ તેમ છતાં ઘણા ખેડૂતો આવા છે. જેમણે હજુ સુધી ઈ-કેવાયસી પ્રક્રિયા પૂર્ણ કરી નથી.
આવા ખેડૂતોને આગામી હપ્તાનો લાભ મેળવવામાં મુશ્કેલી પડી શકે છે. એટલા માટે કોઈ પણ ઈશ્યુ આવે તે પહેલા KYC પૂર્ણ કરવું આવશ્યક છે. આ ઉપરાંત જમીન ચકાસણીની કામગીરી પણ કરવી જરૂરી છે. અન્યથા હપ્તાના પૈસા અટકી શકે છે.
ટોપ સ્ટોરી
ટ્રેન્ડિંગ સમાચાર
