શોધખોળ કરો
Advertisement
![ABP Premium](https://cdn.abplive.com/imagebank/Premium-ad-Icon.png)
નિર્ભયા ગેન્ગરેપઃ દોષી અક્ષયના વકીલે સુપ્રીમ કોર્ટને કહ્યું- 'મોતની સજા ના આપો'
વકીલ એપી સિંહે અરજી વાંચતાં વેદ, પુરાણ, ત્રેત્રા યુગનો ઉલ્લેખ કર્યો અને કહ્યું કે કલયુગમાં લોકો માત્ર 60 વર્ષ સુધી જ જીવી શકે છે, વળી અન્ય યુગોમાં વધુ જીવે છે
![નિર્ભયા ગેન્ગરેપઃ દોષી અક્ષયના વકીલે સુપ્રીમ કોર્ટને કહ્યું- 'મોતની સજા ના આપો' Nirbhaya case: supreme court hearing on akshay's review petition નિર્ભયા ગેન્ગરેપઃ દોષી અક્ષયના વકીલે સુપ્રીમ કોર્ટને કહ્યું- 'મોતની સજા ના આપો'](https://static.abplive.com/wp-content/uploads/sites/7/2019/12/18120347/SC-07.jpg?impolicy=abp_cdn&imwidth=1200&height=675)
નવી દિલ્હીઃ રાજધાની દિલ્હીના નિર્ભયા ગેન્ગરેપ કેસ મામલે આજે સુપ્રીમ કોર્ટમાં સુનાવણી થઇ, નિર્ભયાના હત્યારા અક્ષયની પુનર્વિચાર અરજી પર સુપ્રીમ કોર્ટેના જસ્ટીસ આર ભાનુમતિ, અશોક ભૂષણ અને એએસ બોપન્નાની બેન્ચે સુનાવણી કરી હતી. ગઇકાલે ચીફ જસ્ટીસ બોબડેએ સુનાવણીમાંથી પોતાને દુર કરી લીધા હતા, એટલા માટે નવી બેન્ચ બનાવવામાં આવી હતી.
જસ્ટીસ ભાનુમતિ અને ભૂષણ આના પહેલા ત્રણ દોષીઓની અરજી ફગાવી દેનારી બેન્ચના સભ્યો રહી ચૂક્યા છે. સુનાવણી અક્ષયના વકીલે કોર્ટને મોતની સજા ના આપવા વિનંતી કરતા કહ્યું કે, દોષીને મોતની સજા ના આપો.
દોષી અક્ષય તરફથી તેના વકીલે દલીલ કરતાં કોર્ટને કહ્યું કે, ફાંસીની સજા ના આપો, મને ફાંસી એટલા માટે આપવામાં આવી રહી છે કેમકે હુ ગરીબ છું. આ મામલે બધુ રાજકીય એજન્ડાની જેમ થઇ રહ્યું છે.
વકીલ એપી સિંહે અરજી વાંચતાં વેદ, પુરાણ, ત્રેત્રા યુગનો ઉલ્લેખ કર્યો અને કહ્યું કે કલયુગમાં લોકો માત્ર 60 વર્ષ સુધી જ જીવી શકે છે, વળી અન્ય યુગોમાં વધુ જીવે છે.
ઉલ્લેખનીય છે કે, ડિસેમ્બર 2012માં નિર્ભયા રેપ કેસમાં કુલ 6 આરોપી હતા, જેમાં એક નાબાલિગ હતો અને 18 વર્ષની ઉંમર થતાં તેને છોડી મુકવામાં આવ્યો હતો. એક આરોપી રામસિંહ તિહાડ જેલમાં જાતેજ ફાંસીના ફંદે લટકી ગયો હતો. હાલ ચાર આરોપી ફાંસીની સજા મેળવ્યા બાદ પણ હાઇકોર્ટ અને સુપ્રીમ કોર્ટમાં અપીલો કરી રહ્યાં છે, તેમની અરજીઓ પણ ફગાવી ચૂકાઇ છે. હાલ અક્ષયની પુર્નવિચાર અરજી પર સુનાવણી થઇ રહી છે.
Khelo khul ke, sab bhool ke - only on Games Live
વધુ જુઓ
Advertisement
ટ્રેન્ડિંગ સમાચાર
Advertisement
Advertisement
ટોપ સ્ટોરી
ક્રિકેટ
ગુજરાત
ક્રિકેટ
ગુજરાત
Advertisement
![ABP Premium](https://cdn.abplive.com/imagebank/metaverse-mid.png)