Noida Crime: પાડોશીના રૂમમાં લટકાવેલી લેપટૉપ બેગમાંથી મળી 2 વર્ષની બાળકીની લાશ, લોકો ચોંક્યા, આરોપી ફરાર

મૂળ ચંદૌલીના રહેવાસી દંપતી ગ્રેટર નોઈડાના દેવલા ગામમાં ભાડેથી રહેતા હતા, 7 એપ્રિલના દિવસે યુવતીના પિતા નોકરી ગયા હતા, માતા તેની બે વર્ષની પુત્રી અને 7 મહિનાના પુત્રને ઘરે મુકીને બજારમાં ગઈ હતી.

પ્રતિકાત્મક તસવીર

Noida Crime: દેશની રાજધાની દિલ્હીના ગ્રેટર નોઈડા વિસ્તારમાં એક હ્રદયદ્રાવક ઘટના સામે આવી છે. અહીં ગ્રેટર નોઇડાના દેવલા ગામમાંથી ગુમ થયેલી 2 વર્ષની બાળકીની લાશ પાડોશીના રૂમમાંથી મળી આવી છે. ખરેખરમાં, અસહ્યય દુર્ગંધ મારવા લાગી ત્યારે પરિવારના સભ્યો તાળું તોડી રૂમમાં પહોંચ્યા, તો જોયું કે દિવાલ પર લટકેલી લેપટોપ બેગમાંથી લોહી ટપકી રહ્યું છે. જે બાળકીનું જ હતુ, ખરેખરમાં, બાળકી બે દિવસ પહેલા ગુમ થઈ હતી. જે બાળકી ગુમ થઇ હતી, તે જ બાળકીની લાશ લેપટૉપ બેગમાં હતી, જોકે, બાદમાં આ ઘટના મામલે પોલીસે મૃતદેહનો કબજો લઈ પોસ્ટમોર્ટમ માટે મોકલી આપ્યો હતો. પરિવારનો આરોપ છે કે, પાડોશમાં રહેતો વ્યક્તિ સવાર સુધી બાળકીને શોધવામાં મદદ કરી રહ્યો હતો. રૂમમાંથી દુર્ગંધ આવવાની વાત શરૂ થતાં જ આરોપી ફરાર થઈ ગયો. પોલીસનું કહેવું છે કે હત્યાનું કારણ હજુ સ્પષ્ટ થયું નથી.

મૂળ ચંદૌલીના રહેવાસી દંપતી ગ્રેટર નોઈડાના દેવલા ગામમાં ભાડેથી રહેતા હતા, 7 એપ્રિલના દિવસે યુવતીના પિતા નોકરી ગયા હતા, માતા તેની બે વર્ષની પુત્રી અને 7 મહિનાના પુત્રને ઘરે મુકીને બજારમાં ગઈ હતી. આ દરમિયાન, બાળકી શંકાસ્પદ સંજોગોમાં ગુમ થઈ હતી. બજારમાંથી પાછા ફર્યા બાદ બાળકી જોવા ન મળી તો માતાએ તેને શોધવાનું શરૂ કર્યું, પરંતુ કંઈ મળ્યું નહીં. ફરજ પરથી આવ્યા બાદ બાળકીના પિતાએ રાત્રે 11 વાગ્યે સૂરજપુર પોલીસ ચોકીમાં ઘટનાની જાણ કરી હતી. પોલીસે બાળકના ગુમ થયાની નોંધ કરી શોધખોળ શરૂ કરી હતી. રવિવારે સવારે પાડોશી રાઘવેન્દ્ર મુળ બલિયાના રૂમમાંથી દુર્ગંધ આવવા લાગી.

લેપટોપ બેગમાંથી ટપકી રહ્યું હતુ લોહી - 
બાળકી અંદર હોવાની શંકા જતાં પાડોશીઓએ રૂમનો દરવાજો તોડી અંદર પ્રવેશ કર્યો હતો. રૂમમાં પહોંચેલા સંબંધીઓએ જોયું કે, દીવાલ પર લેપટોપની બેગ લટકેલી હતી. તેમાંથી દુર્ગંધ આવતી હતી. પીઠની ચારેબાજુ ઇજાઓ હતી, અને નીચે લોહી ટપકતું હતું. યુવતીના સંબંધીઓએ આ અંગે પોલીસને જાણ કરી હતી. પોલીસે ઘટનાસ્થળે પહોંચીને બેગ ખોલીને બાળકીનો મૃતદેહ બહાર કાઢ્યો હતો. આસપાસ હાજર લોકોને શંકા છે કે બાળકી પર જાતીય એટેક કર્યો હશે અને બાદમાં તેને મારીને તેની લાશને છુપાવવા માટે કોથળામાં પેક કરી દેવામાં આવી છે. આરોપી મોડી રાત્રે મૃતદેહને જંગલમાં ફેંકવાનો હતો, પરંતુ પકડાઈ જવાના ડરથી તે લાશને છુપાવી શક્યો ન હતો.

સૂરજપુર પોલીસે જણાવ્યું કે, પાડોશી રાઘવેન્દ્ર એક ખાનગી કંપનીમાં કામ કરે છે. તે પરિણીત છે અને તેની પત્ની અને બે બાળકો ગામ ગયા છે. તે રૂમમાં એકલો રહેતો હતો. તે પીડિત પરિવારના સભ્યો સાથે 2 દિવસ સુધી શોધમાં વ્યસ્ત હતી. તેને ક્યારેય એ વાતનો અહેસાસ થવા દીધો કે નહીં કે લાશ તેના રૂમમાં છે. પોલીસ સ્ટેશનથી લઈને તમામ જગ્યાએ તે પીડિત પરિવારજનો સાથે મદદ માટે ગયો હતો. રૂમમાં દુર્ગંધની ચર્ચા શરૂ થતાં જ તે ગાયબ થઈ ગયો. સૂરજપુર પોલીસ સ્ટેશનના ઈન્ચાર્જનું કહેવું છે કે, આરોપી રાઘવેન્દ્ર ફરાર છે. તેની ધરપકડ બાદ જ હત્યાનું કારણ સ્પષ્ટ થશે. પીડિત દંપતીએ જણાવ્યું કે, પાડોશી બાળકીને પોતાના ખોળામાં ખવડાવતો હતો અને તેને ચોકલેટ પણ આપતો હતો.