Jharkhand CM: આ તારીખે ઝારખંડના મુખ્યમંત્રી પદના શપથ લેશે હેમંત સોરેન 

હેમંત સોરેન ઝારખંડના નવા સીએમ બનશે અને તેમનો શપથ ગ્રહણ સમારોહ 28મી નવેમ્બરે યોજાશે.

હેમંત સોરેન

Source : તસવીર સોશિયલ મીડિયા

ઝારખંડ વિધાનસભા ચૂંટણીમાં હેમંત સોરેનની જેએમએમની બમ્પર જીત બાદ હવે એ નક્કી થઈ ગયું છે કે હેમંત સોરેન ઝારખંડના નવા સીએમ બનશે અને તેમનો શપથ ગ્રહણ સમારોહ 28મી નવેમ્બરે યોજાશે. હેમંત સોરેને સીએમ પદ પરથી રાજીનામું આપી દીધું છે અને હવે ચૂંટણીમાં જીત બાદ નવા સીએમ તરીકે શપથ લેશે. તમને જણાવી દઈએ કે વિધાનસભાની 81 બેઠકોમાંથી JMMની આગેવાની હેઠળના ઈન્ડિયા ગઠબંધનને 56 બેઠકો મળી છે. આ આંકડો 41ની બહુમતી કરતાં 15 બેઠકો વધુ છે.

JMM leader Hemant Soren to take oath as Jharkhand CM on November 28

Read @ANI Story | https://t.co/fnld0AYLPx#HemantSoren #JharkhandElection2024 #oath #JMM pic.twitter.com/nvekMscft4

— ANI Digital (@ani_digital) November 24, 2024

હેમંત સોરેને પોતે માહિતી આપી હતી

ઝારખંડના સીએમ અને જેએમએમના કાર્યકારી પ્રમુખ હેમંત સોરેને કહ્યું છે, "નવી સરકારનો શપથ ગ્રહણ સમારોહ 28 નવેમ્બરે યોજાશે..." તેમણે વધુમાં કહ્યું, "આજે અમે (ઈન્ડિયા) ગઠબંધન સરકાર બનાવવાની પ્રક્રિયા શરૂ કરી છે. તે સંદર્ભે અમે રાજ્યપાલ સમક્ષ સરકાર બનાવવાનો દાવો રજૂ કર્યો છે. મેં તેમને મારું રાજીનામું પણ આપી દીધું છે...કોંગ્રેસ અને આરજેડીના પ્રભારીઓ પણ અહીં હાજર હતા... શપથ ગ્રહણ સમારોહ 28મી નવેમ્બરે યોજાશે.

સતત બીજી વખત સીએમ બનશે

ભાજપ ગઠબંધને ચૂંટણીમાં 24 બેઠકો જીતી છે એટલે કે બહુમતીના આંકડા કરતા 13 બેઠકો ઓછી છે. જીત બાદ હેમંત સોરેને ઝારખંડના લોકોનો આભાર માન્યો હતો અને કહ્યું હતું કે તેઓ મેદાન પર હાજર નેતાઓનો પણ આભાર માને છે જેમણે જનતાની શક્તિને પાર્ટી સુધી પહોંચાડી. JMMની જીત સાથે રાજધાની રાંચીની સડકો પર પોસ્ટર લગાવવામાં આવ્યા હતા જેમાં લખવામાં આવ્યું હતું કે સબકે દિલો પે છા ગયા,  શેરદિલ સોરેન ફીર આ ગયા.  હેમંત સોરેન ઝારખંડના પહેલા મુખ્યમંત્રી હશે જે સતત બીજી ચૂંટણી જીત્યા બાદ મુખ્યમંત્રી પદ સંભાળશે.

કોંગ્રેસના નેતાઓ હેમંતને મળ્યા હતા

કોંગ્રેસના નેતાઓ હેમંત સોરેનને મુખ્યમંત્રી આવાસ પર મળ્યા હતા. ઝારખંડ કોંગ્રેસના પૂર્વ અધ્યક્ષ રાજેશ ઠાકુરે કહ્યું- અગાઉ પણ જ્યારે અમારી સરકાર સંકટમાં હતી ત્યારે અમે કહ્યું હતું કે અમે પૂરા વિશ્વાસ સાથે સરકાર બનાવીશું. અમે ફરી એકવાર સંપૂર્ણ વિશ્વાસ સાથે સરકાર બનાવવા જઈ રહ્યા છીએ. આ દરમિયાન કોંગ્રેસના નિરીક્ષક તારિક અનવરે કહ્યું - આ સારું છે, અમે જીતની અપેક્ષા રાખી રહ્યા હતા.