IPL Auction: હરાજીમાં માલામાલ થયો પંત, જુઓ સૌથી વધુ રકમમાં વેચાનારા ખેલાડીઓનું લિસ્ટ
IPL Auction: અહીં અમે તમને IPL 2025 અને હરાજીના ઇતિહાસમાં સૌથી મોંઘા ખેલાડીઓ વિશે જણાવીશું. જુઓ લિસ્ટ...
IPL Auction: IPL 2025ની મેગા ઓક્શનની બમ્પર શરૂઆત થઈ છે. ઋષભ પંત IPLના ઈતિહાસમાં સૌથી વધુ કિંમત મેળવનારો ખેલાડી બની ગયો છે. તેને લખનઉ સુપર જાયન્ટ્સે 27 કરોડ રૂપિયામાં ખરીદ્યો હતો. તેને આ મામલે શ્રેયસ અય્યરને પાછળ છોડી દીધો. પંજાબ કિંગ્સે તેને 26.75 કરોડ રૂપિયામાં ખરીદ્યો હતો. અહીં અમે તમને IPL 2025 અને હરાજીના ઇતિહાસમાં સૌથી મોંઘા ખેલાડીઓ વિશે જણાવીશું. જુઓ લિસ્ટ...
કમિન્સ-સ્ટાર્ક પર થયો હતો રૂપિયાનો વરસાદ
IPL 2024 માટે ગયા વર્ષે યોજાયેલી મીની હરાજીમાં ઓસ્ટ્રેલિયાના વિશ્વ વિજેતા કેપ્ટન પેટ કમિન્સ અને સ્ટાર્ક પર મોટી રકમનો વરસાદ થયો હતો અને બંનેએ જૂના તમામ રેકોર્ડ તોડી નાખ્યા હતા. કમિન્સને સનરાઇઝર્સ હૈદરાબાદે 20.50 કરોડ રૂપિયામાં ખરીદ્યો હતો. આ પછી, લગભગ બે કલાક પછી ઓસ્ટ્રેલિયાના ઘાતક બૉલર મિચેલ સ્ટાર્ક હરાજીના ટેબલ પર આવ્યો, અને તેને કોલકાતા નાઈટ રાઈડર્સ (KKR) એ 24.75 કરોડ રૂપિયામાં ખરીદ્યો. બંનેની બેઝ પ્રાઇસ 2 કરોડ રૂપિયા હતી. IPL ઓક્શનના ઈતિહાસમાં પ્રથમ વખત 20 કરોડ રૂપિયાનો આંકડો પાર થયો અને તે પણ એકસાથે બે ખેલાડીઓ પર.
હાલમાં જ તમામ ટીમોએ હરાજી પહેલા તેમની રીટેન્શન લિસ્ટ બહાર પાડી હતી. આ વખતે, શ્રેયસ અય્યર, ઋષભ પંત, કેએલ રાહુલ, અર્શદીપ સિંહ, જૉસ બટલર અને મિચેલ સ્ટાર્ક જેવા અનુભવી ખેલાડીઓ પર પણ બોલી લગાવવામાં આવી હતી, જેમને તેમની ટીમોએ જાળવી ન રાખવાનો નિર્ણય કર્યો હતો.
આઇપીએલ 2025 ના પાંચ સૌથી મોંઘા ખેલાડીઓ
ટ્રેન્ડિંગ સમાચાર
ટોપ સ્ટોરી
આઇપીએલ 2025ની ખાસ વાતો -
IPL 2025 માટે મેગા ઓક્શનની ઇન્તજાર આજે (24 નવેમ્બર) ખતમ થયો છે. ટૂર્નામેન્ટ માટે મેગા ઓક્શન આજથી એટલે કે 24 અને 25 નવેમ્બરે સાઉદી અરેબિયાના જેદ્દા શહેરમાં યોજાઇ રહી છે. આજે હરાજીનો પ્રથમ દિવસ હશે. આ વખતે કુલ 577 ખેલાડીઓની હરાજી થશે.
આજે 204 ખેલાડીઓની ચમકશે કિસ્મત
આ હરાજીમાં કુલ 577 ખેલાડીઓ ભાગ લઈ રહ્યા છે, જેમાંથી 367 ભારતીય અને 210 વિદેશી છે. હરાજીમાં ભાગ લેનારા તમામ ખેલાડીઓમાંથી માત્ર 204 જ ભાગ્યશાળી હશે. તમામ ટીમો પાસે 204 ખેલાડીઓ ખરીદવા માટે ખાલી જગ્યા છે, જેમાં વધુમાં વધુ 70 વિદેશી ખેલાડીઓનો સમાવેશ કરવામાં આવશે. આવી સ્થિતિમાં હરાજીમાં કયા ખેલાડીઓનું નસીબ ચમકે છે તે જોવું રસપ્રદ રહેશે. નોંધનીય છે કે હરાજી માટે કુલ 1574 ખેલાડીઓએ પોતાનું રજિસ્ટ્રેશન કરાવ્યું હતું, જેમાંથી 577 ખેલાડીઓને હરાજી માટે શૉર્ટલિસ્ટ કરવામાં આવ્યા હતા. હરાજીમાં તમામ 177 ખેલાડીઓના નામ એક પછી એક બોલાવવામાં આવશે. ત્યારબાદ 118મા ખેલાડી સાથે એક્સીલેરેશન રાઉન્ડ શરૂ થશે. સૌ પ્રથમ હરાજીમાં બે માર્કી સેટ હશે. આ પછી કેપ્ડ ખેલાડીઓના પ્રથમ સેટનો નંબર આવશે.
ક્યાંથી થઇ રહ્યું છે લાઇવ સ્ટ્રીમિંગ
આ વખતે સાઉદીમાં આઇપીએલની મેગા ઓક્શન યોજાઇ રહી છે. આ હરાજી 24 અને 25 નવેમ્બર એમ બે દિવસ ચાલશે. મેગા હરાજીનું સ્ટાર સ્પૉર્ટ્સ નેટવર્ક દ્વારા ભારતમાં ટીવી પર જીવંત પ્રસારણ કરવામાં આવી રહ્યું છે. હરાજીનું લાઈવ સ્ટ્રીમિંગ JioCinema દ્વારા કરવામાં આવી રહ્યું છે.
આ વખતે કઈ ટીમ પાસે હરાજી માટે કેટલા રૂપિયા બાકી હતા ?
પંજાબ કિંગ્સ - પર્સની કિંમત રૂ. 110.5 કરોડ બાકી હતા (રૂ. 9.5 કરોડ જાળવી રાખવા માટે ખર્ચવામાં આવ્યા)
સનરાઈઝર્સ હૈદરાબાદ - પર્સ વેલ્યૂ રૂ 45 કરોડ બાકી હતા (75 કરોડ જાળવી રાખવામાં ખર્ચ્યા)
મુંબઈ ઈન્ડિયન્સ - રૂ. 45 કરોડની પર્સ કિંમત બાકી હતા (75 કરોડ જાળવી રાખવામાં ખર્ચ્યા)
લખનઉ સુપર જાયન્ટ્સ - પર્સની કિંમત રૂ. 69 કરોડ બાકી છે (રૂ. 51 કરોડ રીટેન્શનમાં ખર્ચ્યા)
રાજસ્થાન રૉયલ્સ - પર્સની કિંમત 41 કરોડ રૂપિયા બાકી હતા (રૂ. 79 કરોડ જાળવી રાખવામાં ખર્ચવામાં આવ્યા)
ચેન્નાઈ સુપર કિંગ્સ - પર્સની કિંમત રૂ. 65 કરોડ બાકી હતા (રૂ. 55 કરોડ જાળવી રાખવા માટે ખર્ચ્યા)
કોલકાતા નાઈટ રાઈડર્સ - પર્સની કિંમત રૂ. 51 કરોડ બાકી હતા (રૂ. 69 કરોડ જાળવી રાખવા માટે ખર્ચ્યા)
ગુજરાત ટાઇટન્સ - પર્સની કિંમત રૂ. 69 કરોડ બાકી હતા (રૂ. 51 કરોડ જાળવી રાખવા માટે ખર્ચવામાં આવ્યા)
દિલ્હી કેપિટલ્સ- રૂ. 73 કરોડ પર્સની કિંમત બાકી હતા (જાળવણીમાં રૂ. 47 કરોડ ખર્ચ)
રોયલ ચેલેન્જર્સ બેંગ્લોર- રૂ. 83 કરોડ પર્સની કિંમત બાકી હતા (જાળવણીમાં 37 કરોડ ખર્ચ).
આ પણ વાંચો