Scam Alert: પોસ્ટ ઓફિસના નામ પર થઇ રહી છે છેતરપિંડી, સરકારે લોકોને કર્યા એલર્ટ
PIB Fact Check: સામાન્ય લોકો સાથે થઇ રહેલી ઓનલાઈન છેતરપિંડીથી સરકાર ચિંતિત છે. આવા કૌભાંડોમાં નાણાં ગુમાવનારા સામાન્ય લોકોને મદદ કરવા સરકાર સતત એલર્ટ જાહેર કરે છે.
PIB Fact Check: સામાન્ય લોકો સાથે થઇ રહેલી ઓનલાઈન છેતરપિંડીથી સરકાર ચિંતિત છે. આવા કૌભાંડોમાં નાણાં ગુમાવનારા સામાન્ય લોકોને મદદ કરવા સરકાર સતત એલર્ટ જાહેર કરે છે. તાજેતરમાં આવી જ એક ચેતવણીમાં સરકારે લોકોને પોસ્ટ ઓફિસના નામે કરવામાં આવતી છેતરપિંડીથી બચાવવાનો પ્રયાસ કર્યો છે.
PIB ફેક્ટ ચેકમાં ખુલાસો થયો છે
Have you also received an SMS from @IndiaPostOffice stating that your package has arrived at the warehouse, further asking you to update your address details within 48 hours to avoid the package being returned ⁉️#PIBFactCheck
✔️Beware! This message is #fake pic.twitter.com/8tRfGDqn1r— PIB Fact Check (@PIBFactCheck) June 17, 2024
PIB ફેક્ટ ચેકે ખુલાસો કર્યો હતો કે ઈન્ડિયા પોસ્ટના નામે લોકોને મેસેજ મોકલવામાં આવી રહ્યા છે અને તેમને તેમના એડ્રેસ અપડેટ કરવાનું કહેવામાં આવી રહ્યું છે. એસએમએસ દ્વારા મોકલવામાં આવતા મેસેજમાં લોકોને થોડા દિવસોનો સમય આપવામાં આવી રહ્યો છે અને તેમને કહેવામાં આવી રહ્યું છે કે જો તેઓ આપેલા સમયની અંદર તેમનું એડ્રેસ અપડેટ નહીં કરે તો તેમનું આગામી પેકેજ રિટર્ન કરવામાં આવી શકે છે.
ગુનેગારો આ રીતે છેતરે છે
આવા મેસેજમાં છેતરપિંડી કરનારાઓ દાવો કરે છે કે સંબંધિત યુઝર્સનું એક પેકેજ આવી રહ્યું છે, જો એડ્રેસ અપડેટ કરવામાં નહીં આવે તો તે પરત કરવામાં આવશે. એડ્રેસ અપડેટ ન થવાના કારણે ઉપરોક્ત પેકેજ આપવામાં આવી રહ્યું નથી અને વારંવાર રિટર્ન કરવામાં આવી રહ્યું છે. એસએમએસ દ્વારા એક લિંક પણ મોકલવામાં આવી રહી છે અને કહેવામાં આવી રહ્યું છે કે તે લિંકની મદદથી યુઝર્સ ઘરે બેઠા તરત જ તેમના સરનામાંને અપડેટ કરી શકે છે અને એડ્રેસ અપડેટ થયાના 24 કલાકની અંદર તેમને પેકેજની ડિલિવરી મળી જશે.
ખોટો સાબિત થઇ રહ્યો છે આ દાવાઓ
જો કે, આવું થતું નથી કારણ કે વાસ્તવમાં દાવા પ્રમાણે કોઈ પેકેજ આવ્યું નથી. સામાન્ય લોકો મેસેજનો શિકાર બને છે અને એડ્રેસ અપડેટ કરવા માટે લિંક ઓપન કરે છે. સંબંધિત લિંક એક શંકાસ્પદ વેબસાઇટની છે, જ્યાં વિગતો દાખલ કર્યા પછી લોકો છેતરપિંડીનો શિકાર બને છે અને તેમની મહેનતથી કમાયેલા પૈસા અને બચત ગુમાવે છે.
ભૂલથી પણ આવું ન કરો
PIB ફેક્ટ ચેક કહે છે કે આવા મેસેજ ફેક છે. ઈન્ડિયા પોસ્ટ કે પોસ્ટ ઓફિસ દ્વારા આવા મેસેજ લોકોને ક્યારેય મોકલવામાં આવતા નથી. ઈન્ડિયા પોસ્ટ ક્યારેય SMS મોકલીને સરનામું અપડેટ કરવાનું કહેતું નથી. જો તમને પણ આવો મેસેજ મળે તો તેને નજરઅંદાજ કરો અને ભૂલથી પણ શંકાસ્પદ લિંક પર ક્લિક ન કરો.
ટ્રેન્ડિંગ સમાચાર
ટોપ સ્ટોરી
