પીએમ મોદીની 24 કલાકમાં 2 વખત ઈંધણ બચાવવની અપીલ, પણ લોકડાઉન જેવી સ્થિતિ નથી, જાણો 3 મોટા કારણો

વડાપ્રધાને 24 કલાકમાં બે વાર ઈંધણ બચાવવા દેશવાસીઓને અપીલ કરી છે. જોકે, ભારતમાં પેટ્રોલ-ડીઝલનો પૂરતો સ્ટોક અને મજબૂત વિદેશી હૂંડિયામણ હોવાથી લોકોએ ગભરાવવાની કે ચિંતા કરવાની કોઈ જ જરૂર નથી.

pm modi fuel save appeal no lockdown india forex oil stock update 2026

Source : PTI

Show Quick Read

Key points generated by AI, verified by newsroom

• વડાપ્રધાને ઈંધણ બચાવવા અપીલ કરી, દેશમાં અછત નથી.
• દેશ પાસે 60 દિવસ ચાલે તેટલો ક્રૂડ ઓઈલ સ્ટોક.
• ભારતનું વિદેશી હૂંડિયામણ $703 બિલિયન, મજબૂત સ્થિતિમાં.
• ભારત ત્રીજો મોટો ઓઈલ રિફાઈનર, નિકાસમાં ચોથું સ્થાન.

PM Modi fuel saving appeal: વડાપ્રધાન નરેન્દ્ર મોદીએ છેલ્લા 24 કલાકમાં દેશવાસીઓને બે વાર ઈંધણ (પેટ્રોલ-ડીઝલ) બચાવવાની અપીલ કરી છે. રવિવારે હૈદરાબાદમાં અને ત્યારબાદ સોમવારે ગુજરાતના વડોદરામાં સરદાર ધામ છાત્રાલયના લોકાર્પણ વખતે તેમણે લોકોને ઈંધણના ઉપયોગમાં સાવચેતી રાખવા કહ્યું હતું. પીએમની આ અપીલ બાદ ઘણા લોકોના મનમાં સવાલ ઊભો થયો છે કે શું દેશમાં ઈંધણની અછત સર્જાઈ છે? શું ફરીથી લોકડાઉન જેવી સ્થિતિ આવવાની છે? પરંતુ, આવું બિલકુલ નથી. હાલમાં દેશમાં લોકડાઉન કે કટોકટી જેવી કોઈ જ પરિસ્થિતિ નથી. આવું શા માટે, તેના 3 મુખ્ય કારણો અહીં સમજીએ:

1. દેશમાં ઈંધણનો પૂરતો સ્ટોક છે

ભારત સરકારે સ્પષ્ટતા કરી છે કે દેશમાં પેટ્રોલિયમ પેદાશોની કોઈ અછત નથી. આપણી પાસે 60 દિવસ ચાલે એટલું ક્રૂડ ઓઈલ અને નેચરલ ગેસ (કુદરતી ગેસ) નો સ્ટોક પહેલેથી જ પડેલો છે. આ ઉપરાંત, 45 દિવસ સુધી ચાલે એટલો LPG (રાંધણ ગેસ) નો સ્ટોક પણ છે. વૈશ્વિક સ્તરે અત્યારે યુદ્ધ અને તણાવનો માહોલ છે તેમજ સપ્લાયમાં પણ તકલીફ છે, છતાં દેશની ઊર્જા સુરક્ષા માટે આપણો આ સ્ટોક એકદમ પૂરતો છે. પીએમની અપીલ માત્ર સાવચેતી અને વિદેશી હૂંડિયામણની બચત માટે છે.

2. ભારતનું વિદેશી હૂંડિયામણ (Forex Reserve) ખૂબ મજબૂત છે

સરકારી આંકડાઓ મુજબ, ભારતનું વિદેશી વિનિમય અનામત (વિદેશી હૂંડિયામણ) હાલમાં $703 બિલિયન છે, જે એક ખૂબ જ મજબૂત સ્થિતિ છે. ફેબ્રુઆરી 2026 માં આ આંકડો $728.5 બિલિયનના રેકોર્ડ સ્તરે હતો, તેના કરતા અત્યારે ભલે તે થોડું ઓછું હોય, પરંતુ તે દેશ માટે એક મોટા સેફ્ટી નેટ (સલામતી જાળ) સમાન છે. આપણી પાસે એટલા રિઝર્વ નાણાં છે કે આપણે આરામથી 10 થી 11 મહિના સુધીની આયાતનો ખર્ચ ઉઠાવી શકીએ છીએ.

3. ઓઈલ રિફાઈનિંગ અને નિકાસમાં ભારતનો દબદબો

ભારત દુનિયાનો ત્રીજો સૌથી મોટો ઓઈલ રિફાઈનર દેશ છે અને પેટ્રોલિયમ પેદાશોની નિકાસ કરવામાં આપણો નંબર ચોથો આવે છે. આપણી કુલ ઓઈલ રિફાઈનિંગ ક્ષમતા વાર્ષિક આશરે 250 થી 255 મિલિયન મેટ્રિક ટન છે. સરકારનું લક્ષ્ય 2030 સુધીમાં આ ક્ષમતા વધારીને 450 MMTPA કરવાનું છે. ભલે આપણે આપણી જરૂરિયાતના 85% ક્રૂડ ઓઈલ વિદેશથી આયાત કરીએ છીએ, પરંતુ તેને રિફાઈન કરીને પેટ્રોલિયમ પેદાશો બનાવીને વેચવી એ આપણી નિકાસનો સૌથી મોટો અને મજબૂત હિસ્સો છે. આથી અર્થતંત્રના મોરચે કોઈ મોટો ખતરો નથી.