ભાજપની પ્રચંડ જીત પર બોલ્યા PM મોદી, કહ્યું- દિલ્હીમાં વિકાસ, વિઝન અને વિશ્વાસની જીત થઈ 

BJP 27 વર્ષથી ચાલી રહેલા દુષ્કાળને ખતમ કરીને જંગી બહુમતી સાથે દિલ્હીમાં સરકાર બનાવવા જઈ રહી છે. આ દરમિયાન વડાપ્રધાન નરેન્દ્ર મોદીનું બીજેપી હેડક્વાર્ટર ખાતે ઉષ્માભર્યું સ્વાગત કરવામાં આવ્યું હતું.

પ્રધાનમંત્રી મોદી

Source : x/bjp

Delhi Assembly Election Result 2025: દિલ્હી વિધાનસભા ચૂંટણીમાં શાનદાર પ્રદર્શન બાદ ભાજપના કાર્યકરો દેશભરમાં ઢોલ વગાડીને ઉજવણી કરી રહ્યા છે. ભારતીય જનતા પાર્ટી (BJP) 27 વર્ષથી ચાલી રહેલા દુષ્કાળને ખતમ કરીને જંગી બહુમતી સાથે દિલ્હીમાં સરકાર બનાવવા જઈ રહી છે. આ દરમિયાન વડાપ્રધાન નરેન્દ્ર મોદીનું બીજેપી હેડક્વાર્ટર ખાતે ઉષ્માભર્યું સ્વાગત કરવામાં આવ્યું હતું. પીએમ મોદીએ પોતાના સંબોધનની શરૂઆત ભારત માતા કી જય, યમુના મૈયા કી જયથી કરી હતી. પીએમ મોદીએ કહ્યું કે, આજે દિલ્હીના લોકોમાં ઉત્સાહ અને શાંતિ છે.

#WATCH | On BJP's victory in #DelhiElections2025, PM Narendra Modi says, "Today the people of Delhi have made it clear. The real owner of Delhi is only the people of Delhi. Those who thought of being the owners of Delhi have been confronted with the truth. This is also clear from… pic.twitter.com/EkpB1PAJPB

— ANI (@ANI) February 8, 2025

પ્રધાનમંત્રી મોદીએ શું કહ્યું  ?

પીએમ મોદીએ પોતાના ભાષણની શરૂઆત યમુના મૈયા કી જયના ​​નારા સાથે કરી હતી. તેમણે કહ્યું કે આજે દિલ્હીના લોકોમાં શાંતિ અને ઉત્સાહ છે. ઉત્સાહ વિજયનો છે અને શાંતિ દિલ્હીને આફતમાંથી મુક્ત કરવાનો છે. મે દરેક દિલ્હીવાસીના નામે પત્ર લખીને 21મી સદીમાં ભાજપની સેવા કરવાની તક આપવા વિનંતી કરી હતી. દિલ્હીને વિકસિત દેશની વિકસિત રાજધાની બનાવવા ભાજપને તક આપો. હું દિલ્હીના દરેક પરિવાર, દરેક દિલ્હીવાસી પ્રત્યે માથું નમાવીને તેમનો આભાર વ્યક્ત કરું છું.

પીએમ મોદીએ કહ્યું કે દિલ્હીએ અમને દિલથી પ્રેમ આપ્યો છે. હું તેમને ખાતરી આપું છું કે અમે તમારો પ્રેમ વિકાસના રૂપમાં દોઢ ગણો વધારે આપીશું. દિલ્હીના લોકોનો વિશ્વાસ અને પ્રેમ અમારા પરનું ઋણ છે, જે ડબલ એન્જિન સરકાર ઝડપી વિકાસ દ્વારા ચૂકવશે. મિત્રો, આજે ઐતિહાસિક જીત છે. આ સામાન્ય નથી. દિલ્હીના લોકોએ આપદાને  દૂર કરી છે. દિલ્હી એક દાયકાની આફતમાંથી મુક્ત થઈ ગયું છે.

પીએમ મોદીએ કહ્યું કે આજે દિલ્હીમાં વિકાસ, વિઝન અને વિશ્વાસની જીત થઈ છે. આજે  આડંબર,  અરાજકતા, અહંકાર અને   દિલ્હી પર રહેલી આપદાની હાર થઈ છે. આ પરિણામમાં ભાજપના કાર્યકરોની દિવસ-રાતની મહેનત, તેમનો પરિશ્રમ, આ જીત ચાર ચાંદ લગાવે છે.  તમે બધા કાર્યકરો આ જીતના હકદાર છો. હું તમને બધાને જીત માટે ખૂબ ખૂબ અભિનંદન આપું છું.

પીએમએ કહ્યું કે આજે દિલ્હીની જનતાએ સ્પષ્ટ કરી દીધું છે કે દિલ્હીના અસલી માલિક માત્ર દિલ્હીના લોકો છે. જેમને દિલ્હીના માલિક હોવાનો ઘમંડ  હતો, દિલ્હીના જનાદેશથી સ્પષ્ટ છે કે રાજકારણમાં શોર્ટકટ માટે, જુઠ્ઠાણા અને છેતરપિંડી માટે કોઈ સ્થાન નથી.