Chenab Bridge: દુનિયાના સૌથી ઉંચા રેલવે બ્રિજનું ઉદ્ધાટન કરશે PM મોદી, કાશ્મીર સુધી દોડશે વંદે ભારત ટ્રેન

World Highest Railway Bridge in J-K: અશ્વિની વૈષ્ણવે કહ્યું હતું કે, “કટરામાં માતા વૈષ્ણો દેવીના ભક્તોને કાશ્મીરમાં મુસાફરી કરવા માટે ખૂબ જ સુવિધા મળશે

Chenab Bridge

Source : Twitter

World Highest Railway Bridge in J-K: દેશને કાશ્મીર ખીણ સાથે રેલ દ્વારા જોડવાનું સ્વપ્ન શુક્રવારે (6 જૂન, 2025) ના રોજ પૂર્ણ થશે, જ્યારે વડાપ્રધાન નરેન્દ્ર મોદી જમ્મુના કટરાથી શ્રીનગર સુધીની ટ્રેનને લીલી ઝંડી આપશે. રેલવે મંત્રી અશ્વિની વૈષ્ણવે તેને પીએમ મોદીની મજબૂત ઇચ્છાશક્તિનું પરિણામ ગણાવ્યું હતું.

Tomorrow, 6th June is indeed a special day for my sisters and brothers of Jammu and Kashmir. Key infrastructure projects worth Rs. 46,000 crores are being inaugurated which will have a very positive impact on people’s lives.

In addition to being an extraordinary feat of… https://t.co/cPJ15HqOTb

— Narendra Modi (@narendramodi) June 5, 2025

રેલવે મંત્રી અશ્વિની વૈષ્ણવે શુક્રવારે (6 જૂન) ના રોજ વડાપ્રધાન નરેન્દ્ર મોદીની જમ્મુ અને કાશ્મીર મુલાકાત પહેલા કટરા પહોંચ્યા હતા. કટરામાં તમામ તૈયારીઓની સમીક્ષા કર્યા બાદ તેમણે કહ્યું કે શુક્રવાર (6 જૂન) એક ઐતિહાસિક દિવસ છે કારણ કે શુક્રવારે વડાપ્રધાન નરેન્દ્ર મોદી જમ્મુથી શ્રીનગર સુધીની રેલવે લાઇન રાષ્ટ્રને સમર્પિત કરશે. તેમણે કહ્યું કે ઐતિહાસિક અને એન્જિનિયરિંગ દ્રષ્ટિકોણથી બે મોટા પુલ, ચિનાબ બ્રિજ અને અંજી બ્રિજનું પણ શુક્રવારે (6 જૂન) ઉદ્ઘાટન કરવામાં આવશે.

જમ્મુ અને કાશ્મીરને રેલવે દ્વારા જોડવાનું સ્વપ્ન પૂર્ણ થઈ રહ્યું છે

રેલવે મંત્રી અશ્વિની વૈષ્ણવે જણાવ્યું હતું કે, “દશકોથી જમ્મુ અને કાશ્મીરને રેલવે લાઇન દ્વારા જોડવાનું આ સ્વપ્ન પૂર્ણ થશે. આ માટે બે વંદે ભારત ટ્રેનો ખાસ ડિઝાઇન કરવામાં આવી છે. આ બંને ટ્રેનો ઊંચાઈ અનુસાર ખાસ ડિઝાઇન સાથે બનાવવામાં આવી છે. પ્રધાનમંત્રી શુક્રવારે (6 જૂન) આ બંને ટ્રેનોને લીલી ઝંડી પણ આપશે.

અશ્વિની વૈષ્ણવે કહ્યું હતું કે, “કટરામાં માતા વૈષ્ણો દેવીના ભક્તોને કાશ્મીરમાં મુસાફરી કરવા માટે ખૂબ જ સુવિધા મળશે. જમ્મુ સ્ટેશન એક અલગ ફોર્મેટમાં બનાવવામાં આવી રહ્યું છે. વિશ્વના ઘણા દેશોમાં ઉપયોગમાં લેવાતી બ્રિજિંગ ટેકનોલોજીનો ઉપયોગ જમ્મુ સ્ટેશન પર હાઇ એલ્ટીટ્યૂટ પર જવા માટે કરવામાં આવશે. બ્રિજિંગનો અર્થ એ છે કે સામાન્ય ઊંચાઈ પર આવતા વાહનથી ઊંચાઈ પર જવા માટે બીજા વાહનમાં બેસવાની વ્યવસ્થા જમ્મુમાં કરવામાં આવશે.”

તેમણે કહ્યું હતુ કે, “જેમ વિશ્વના અન્ય દેશોમાં કરવામાં આવે છે, તેવી જ વ્યવસ્થા જમ્મુ રેલવે સ્ટેશન પર કરવામાં આવી છે. આ વ્યવસ્થા હેઠળ બે પ્લેટફોર્મ પર બે ટ્રેનો એકબીજાની સામે હશે અને તેમનો કોરેસ્પોંડેંસ સીટ-ટુ-સીટ રહેશે." અશ્વિની વૈષ્ણવે કહ્યું, "વડાપ્રધાન જે વંદે ભારતને લીલી ઝંડી આપશે તે શ્રીનગરથી જમ્મુ વંદે ભારત છે. કારણ કે હાલમાં જમ્મુ રેલવે સ્ટેશન પર કામ ચાલી રહ્યું છે, જે સપ્ટેમ્બર સુધીમાં પૂર્ણ થશે. સપ્ટેમ્બરમાં જ્યારે જમ્મુ રેલવે સ્ટેશન પર પ્લેટફોર્મ નંબર પાંચ અને છ તૈયાર થશે, ત્યારે આ વંદે ભારત જમ્મુથી શ્રીનગર સુધી દોડશે. હાલમાં આ ટ્રેન કટરાથી શ્રીનગર સુધી દોડશે.

અશ્વિની વૈષ્ણવ રેલ્વે મંત્રીએ કહ્યું, "ચિનાબ બ્રિજ ટેકનોલોજીનું એક અનોખું ઉદાહરણ છે. તેને બનાવવામાં ઘણા પડકારો હતા. જો આપણે આ પુલના ટેકનિકલ પરિમાણો પર નજર કરીએ તો આ પુલ ઝોન 5 અનુસાર 260 પ્રતિ કિલોમીટર પવનની ગતિ અને ભૂકંપનો સામનો કરવા માટે ડિઝાઇન કરવામાં આવ્યો છે. આ પુલ એક જટિલ પ્રક્રિયા દ્વારા ડિઝાઇન કરવામાં આવ્યો છે. જો આપણે આ પુલના પાયા વિશે વાત કરીએ તો તે ફૂટબોલ મેદાનના અડધા ભાગ જેટલો છે." તેમણે કહ્યું કે આ પુલ બનાવવા માટે 30,000 ટન સ્ટીલનો ઉપયોગ કરવામાં આવ્યો છે. આ વિશ્વનો સૌથી ઊંચો રેલવે પુલ છે."

ટ્રેન દ્વારા ચિનાબ પુલ સુધીની સફર મુસાફરો માટે યાદગાર રહેશે.

અશ્વિની વૈષ્ણવે કહ્યું, "હાઇવે પર ઘણી જગ્યાએ કેબલ પુલ બનાવવામાં આવ્યા છે, પરંતુ રેલવે માટે પહેલીવાર કેબલ પુલ બનાવવામાં આવ્યો છે. તેનું કારણ એ છે કે ટ્રેનનું વજન ખૂબ વધારે હોય છે. હાઇવે પર દોડતી ટ્રકનો સામાન્ય ભાર 40 થી 50 ટન હોય છે પરંતુ ટ્રેનનું વજન લગભગ 4,000 ટન હોય છે, તેથી સામાન્ય રીતે રેલવે કેબલ બ્રિજ બનાવવામાં આવતો નથી."

તેમણે કહ્યું કે આ કેબલ બ્રિજ એટલા માટે બનાવવામાં આવ્યો હતો કારણ કે પુલને ટેકો આપવા માટે થાંભલા બનાવવા માટે કોઈ જગ્યા નહોતી. આ યાત્રા પણ યાદગાર છે કારણ કે કટરાથી બનિહાલ સુધીની મુસાફરી 111 કિમીની છે, જેમાંથી 97 કિમી ટનલ દ્વારા આવરી લેવામાં આવશે.

પીએમ મોદીની રાજકીય ઇચ્છાશક્તિ તેમના સ્વપ્નને પૂર્ણ કરી રહી છે

રેલવે મંત્રીએ કહ્યું હતું કે, "આ ટનલ બનાવવા માટે ટનલ બનાવવાની એક નવી પદ્ધતિ શોધાઈ છે, જેને ટનલ બનાવવાની ભાષામાં હિમાલયન ટનલ પદ્ધતિ કહેવામાં આવે છે. જ્યારે આટલા મોટા કામ કરવા પડે છે, ત્યારે તેના માટે રાજકીય ઇચ્છાશક્તિ ખૂબ જ મહત્વપૂર્ણ છે. 2004 થી 2014 સુધી મેદાની વિસ્તારોમાં કામ કરવામાં આવ્યું હતું, પરંતુ તે સમયે મુશ્કેલ વિસ્તારોમાં કોઈ કામ હાથ ધરવામાં આવ્યું ન હતું. નરેન્દ્ર મોદીએ રાજકીય ઇચ્છાશક્તિ બતાવી, ટેકનિકલ લોકોનું માર્ગદર્શન લીધું અને મજબૂત ઇચ્છાશક્તિ સાથે કામ હાથ ધર્યું, તેથી આજે આ સ્વપ્ન સાકાર થઈ રહ્યું છે."

પીએમ મોદી 46,000 કરોડથી વધુના પ્રોજેક્ટ્સનું ઉદ્ઘાટન કરશે

પ્રધાનમંત્રી કાર્યાલય (PMO) દ્વારા જાહેર કરાયેલા એક નિવેદનમાં કહેવામાં આવ્યું છે કે પ્રધાનમંત્રી કટરામાં 46,000 કરોડ રૂપિયાથી વધુના અનેક વિકાસ પ્રોજેક્ટ્સનું ઉદ્ઘાટન કરશે. ચિનાબ પુલને સ્થાપત્યની અજોડ શ્રેષ્ઠ કૃતિ ગણાવતા નિવેદનમાં કહેવામાં આવ્યું છે કે તે નદીથી 359 મીટરની ઊંચાઈ પર છે. તે 1,315 મીટર લાંબો 'સ્ટીલ કમાન પુલ' છે, જે ભૂકંપ અને પવનની દરેક સ્થિતિનો સામનો કરવા માટે ડિઝાઇન કરવામાં આવ્યો છે.