DelhI: દિલ્હીમાં ફટાકડા ખરીદવા અને ફોડવા પર 200 રૂપિયાનો દંડ અને છ મહિનાની જેલ થઇ શકે છેઃ ગોપાલ રાય

Delhi Firecrackers Ban: દિલ્હીમાં ફટાકડા ખરીદવા અને ફોડવા પર 200 રૂપિયાનો દંડ અને છ મહિનાની જેલ થઈ શકે છે.

પ્રતિકાત્મક તસવીર

Delhi Firecrackers Fine: દિલ્હીમાં વાયુ પ્રદૂષણને જોતા અરવિંદ કેજરીવાલની સરકાર સતર્ક છે. હવે દિલ્હી સરકારે રાજધાનીમાં ફટાકડા ફોડવા અને ખરીદવા અંગે નવા નિયમની જાણકારી આપી હતી. પર્યાવરણ મંત્રી ગોપાલ રાયે કહ્યું  હતું કે કે દિલ્હીમાં ફટાકડા ખરીદવા અને ફોડવા પર 200 રૂપિયાનો દંડ અને છ મહિનાની જેલ થઈ શકે છે.

Purchasing, bursting of firecrackers in Delhi will be punishable with Rs 200 fine, 6 months in jail: Environment Minister Gopal Rai

— Press Trust of India (@PTI_News) October 19, 2022

ઉત્પાદન, સંગ્રહ અને વેચાણ પર પણ સજા થઈ શકે છે

આ સાથે તેમણે કહ્યું હતું કે રાજધાનીમાં ફટાકડાનું ઉત્પાદન, સંગ્રહ અને વેચાણ કરનારાઓને ત્રણ વર્ષની જેલ અને 5000 રૂપિયા સુધીનો દંડ થઈ શકે છે. ગોપાલ રાયે કહ્યું હતું કે દિવાળી પર દિલ્હીમાં ફટાકડા પર પ્રતિબંધ લાગુ કરવા માટે કુલ 408 પાર્ટીઓની રચના કરવામાં આવી હતી.

તહેવાર અને શિયાળાની મોસમમાં હવાની ગુણવત્તા ખરાબ ન થાય તે માટે દિલ્હી સરકારે ફટાકડા પર પ્રતિબંધ મૂક્યો છે. દિલ્હીમાં ફટાકડા પર પ્રતિબંધ લાગુ કરવા માટે દિલ્હી સરકારે કુલ 408 ટીમોની રચના કરી છે. આ સાથે દિલ્હી પોલીસે સહાયક પોલીસ કમિશનર હેઠળ 210 ટીમો બનાવી છે. મહેસૂલ વિભાગે 165 ટીમો બનાવી છે અને દિલ્હી પ્રદૂષણ નિયંત્રણ સમિતિએ 33 ટીમોની રચના કરી છે. દિલ્હી સરકારે 1 જાન્યુઆરી સુધી દિવાળી સહિત તમામ પ્રકારના ફટાકડાના ઉત્પાદન, વેચાણ અને ઉપયોગ પર સંપૂર્ણ પ્રતિબંધ લાદી દીધો હતો, જે છેલ્લા બે વર્ષથી જોવા મળી રહ્યો છે.

Congress New President: મલ્લિકાર્જુન ખડગે બન્યા કોંગ્રેસના નવા અધ્યક્ષ, શશિ થરૂરની મોટી હાર

Congress New President: કોંગ્રેસને આખરે નવા પ્રમુખ મળી ગયા છે. 80 વર્ષીય મલ્લિકાર્જુન ખડગે કોંગ્રેસના નવા અધ્યક્ષ તરીકે ચૂંટાયા છે. ખડગેએ શશિ થરૂરને સીધી હરીફાઈમાં મોટા અંતરથી હરાવ્યા હતા. મલ્લિકાર્જુન ખડગેને 7897 વોટ મળ્યા જ્યારે શશિ થરૂરને માત્ર 1072 વોટ મળ્યા. જ્યારે 416 મતો રદ થયા હતા. 17 ઓક્ટોબરે કુલ 9385 નેતાઓએ મતદાન કર્યું હતું. આ વખતે ગાંધી પરિવારમાંથી કોઈ સભ્ય પ્રમુખ પદની રેસમાં સામેલ નથી. છેલ્લા 24 વર્ષમાં આવું પહેલીવાર બન્યું છે જ્યારે ગાંધી પરિવારની બહારનો કોઈ નેતા પ્રમુખ પદે પહોંચ્યો હોય. અગાઉ સીતારામ કેસરી એવા પ્રમુખ હતા, જે ગાંધી પરિવારના નહોતા.

 

કોંગ્રેસ હેડક્વાર્ટરની બહાર ખડગેની જીતનો જશ્ન શરૂ થઈ ગયો છે. ખડગેના સમર્થકો ઢોલ વગાડીને તેમની જીતની ઉજવણી કરી રહ્યા છે. જીત બાદ સચિન પાયલટ, ગૌરવ ગોગોઈ, તારિક અનવર જેવા નેતાઓ ખડગેને મળવા પહોંચ્યા છે. આ સિવાય મોટી સંખ્યામાં કાર્યકર્તાઓ તેમના ઘરે પહોંચી ગયા છે. ખડગે સામે ચૂંટણી લડી રહેલા શશિ થરૂરે પણ તેમની જીત બદલ અભિનંદન પાઠવ્યા હતા. થરૂરે ટ્વીટ કર્યું, "આ બહુ સન્માન અને મોટી જવાબદારીની વાત છે. હું ખડગે જીને તેમના કામમાં સફળતાની કામના કરું છું." આ સિવાય ખડગેએ કોંગ્રેસના નેતાઓને મળેલા સમર્થન માટે પણ આભાર માન્યો હતો.