Rajya Sabha Election: રાજ્યસભાની 57 બેઠકો પર ચૂંટણી, જાણો ક્યાં રાજ્યમાં કેટલી બેઠકો માટે થશે મતદાન

રાજ્યસભાની ચૂંટણી(Rajya Sabha Election 2022) માટે તમામ પક્ષો તૈયારી કરી રહ્યા છે. 15 રાજ્યોમાં 57 સીટો પર ચૂંટણી યોજાવા જઈ રહી છે.

રાજ્યસભા

Rajya Sabha Election 2022 in 15 States: રાજ્યસભાની ચૂંટણી(Rajya Sabha Election 2022) માટે તમામ પક્ષો તૈયારી કરી રહ્યા છે. 15 રાજ્યોમાં 57 સીટો પર ચૂંટણી યોજાવા જઈ રહી છે. 15 રાજ્યોમાં રાજ્યસભાની 57 બેઠકો માટે 10 જૂને મતદાન થશે. ભાજપ, કોંગ્રેસ સહિત અનેક પ્રાદેશિક પક્ષો રાજ્યસભાની ચૂંટણી જીતવા રણનીતિ બનાવી રહ્યા છે. ઉમેદવારી પત્રો ભરવાનો સમય 31 મે સુધી છે. ઉમેદવારી પત્રોની ચકાસણી 1 જૂનના રોજ કરવામાં આવશે.  ઉમેદવારો 3 જૂન સુધી તેમના નામ પાછા ખેંચી શકશે.

રાજ્યસભા ચૂંટણી 2022 (Rajya Sabha Election 2022) માટે મતદાન 10 જૂને સવારે 9 વાગ્યાથી સાંજે 4 વાગ્યા સુધી યોજાશે. તે જ દિવસે સાંજે 5 વાગ્યાથી મતગણતરી શરૂ કરવામાં આવશે. આ અંગે 24 મેના રોજ એક નોટિફિકેશન બહાર પાડવામાં આવ્યું હતું. જણાવી દઈએ કે રાજ્યસભાની 245 બેઠકોમાંથી 15 રાજ્યોના 57 રાજ્યસભા સભ્યોનો કાર્યકાળ આ વર્ષે 21 જૂનથી 1 ઓગસ્ટની વચ્ચે સમાપ્ત થઈ રહ્યો છે.

રાજ્યસભાની 57 બેઠકો માટે ચૂંટણી

હાલમાં રાજ્યસભામાં ભાજપના 95 સભ્યો છે જ્યારે કોંગ્રેસ પાસે 29 સભ્યો છે. રાજ્યસભામાં ઉત્તર પ્રદેશમાં સૌથી વધુ 31 બેઠકો છે. તેમાંથી 11 રાજ્યસભા સાંસદોનો કાર્યકાળ 4 જુલાઈના રોજ પૂરો થઈ રહ્યો છે. મહારાષ્ટ્ર અને તમિલનાડુના 6-6 સભ્યોનો કાર્યકાળ સમાપ્ત થઈ રહ્યો છે. બિહારના 5 રાજ્યસભા સભ્યોનો કાર્યકાળ પૂરો થવા જઈ રહ્યો છે. તો આંધ્રપ્રદેશ, કર્ણાટક અને રાજસ્થાનના રાજ્યસભાના 4-4 સભ્યોનો કાર્યકાળ પૂરો થવા જઈ રહ્યો છે.

મધ્યપ્રદેશ અને ઓડિશાના રાજ્યસભાના ત્રણ સભ્યોનો કાર્યકાળ સમાપ્ત થઈ રહ્યો છે. છત્તીસગઢ, તેલંગાણા, ઝારખંડ, પંજાબ અને હરિયાણાના બે રાજ્યસભા સભ્યોનો કાર્યકાળ સમાપ્ત થઈ રહ્યો છે. પંજાબમાં અરવિંદ કેજરીવાલની આગેવાની હેઠળની આમ આદમી પાર્ટી (AAP) સરકારની રચના બાદ AAP ઉમેદવારો અહીં બંને બેઠકો કબજે કરી શકે છે.

કયા રાજ્યમાં રાજ્યસભાની કેટલી બેઠકો પર ચૂંટણી થાય છે?

ઉત્તર પ્રદેશ - 11
મહારાષ્ટ્ર - 6
તમિલનાડુ - 6
બિહાર - 5
આંધ્ર પ્રદેશ - 4
રાજસ્થાન - 4
કર્ણાટક - 4
ઓડિશા - 3
મધ્ય પ્રદેશ - 3
તેલંગાણા - 2
છત્તીસગઢ - 2
ઝારખંડ - 2
પંજાબ - 2
હરિયાણા - 2
ઉત્તરાખંડ - 1

રાજ્યસભાની ચૂંટણીમાં કોણ ભાગ લે છે?

રાજ્યસભામાં વધુમાં વધુ 250 સભ્યોની જોગવાઈ છે. તેમાંથી 238 સભ્યો વોટિંગ દ્વારા ચૂંટાય છે જ્યારે 12 સભ્યો રાષ્ટ્રપતિ દ્વારા નોમિનેટ કરવામાં આવે છે. રાજ્ય વિધાનસભાના ધારાસભ્યો (MLA) રાજ્યસભા (રાજ્યસભા ચૂંટણી 2022)ની ચૂંટણીમાં ભાગ લે છે. આ ચૂંટણીમાં રાજ્યોની લેજિસ્લેટિવ કાઉન્સિલ (MLC) ના સભ્યો મતદાન કરતા નથી અને સામાન્ય માણસ પણ મતદાન કરતા નથી. દેશના ઉપલા ગૃહ રાજ્યસભાના એક તૃતીયાંશ સભ્યોનો કાર્યકાળ દર બે વર્ષે સમાપ્ત થાય છે.