Ram Mandir Pran Pratishtha: PM મોદીએ રામ મંદિર નિર્માણ સાથે જોડાયેલા કારીગરો પર કરી પુષ્પ વર્ષા, જુઓ વીડિયો
PM Modi: સંબોધનમાં પીએમ મોદીએ કહ્યું કે આ કાર્ય દૈવી આશીર્વાદ અને દિવ્ય આત્માઓના કારણે પૂર્ણ થયું છે. હું પણ આ તમામ દિવ્ય ચેતનાઓને નમન કરું છું.
Ram Mandir Pran Pratishtha: લાંબા સમય બાદ આખરે રામલલા અયોધ્યામાં સ્થાયી થયા છે. પ્રાણ પ્રતિષ્ઠા કાર્યક્રમમાં દેશભરમાંથી અનેક મોટી હસ્તીઓએ ભાગ લીધો હતો. કાર્યક્રમ દરમિયાન પીએમ મોદીએ ત્યાં હાજર લોકોને સંબોધિત કર્યા હતા. તેમણે સિયાવર રામચંદ્રને વંદન કરીને પોતાના ભાષણની શરૂઆત કરી.
કાર્યક્રમને સંબોધતા પીએમ મોદીએ કહ્યું કે સિયાવર રામચંદ્ર કી જય! આપ સૌને નમસ્કાર, સૌને રામ-રામ! આજે આપણા રામ આવ્યા છે. તેમણે કહ્યું કે સદીઓની રાહ જોયા બાદ આપણા રામ આવ્યા છે. સદીઓની અભૂતપૂર્વ ધીરજ, અસંખ્ય બલિદાન, ત્યાગ અને તપસ્યા પછી આપણા ભગવાન રામનું આગમન થયું છે. આ શુભ અવસર પર આપ સૌને અને તમામ દેશવાસીઓને ખૂબ ખૂબ અભિનંદન. હું દિવ્ય ચેતનાના સાક્ષી તરીકે ગર્ભગૃહમાં તમારી સમક્ષ હાજર થયો છું.
#WATCH | Prime Minister Narendra Modi showers flower petals on the workers who were a part of the construction crew at Ram Temple in Ayodhya, Uttar Pradesh. pic.twitter.com/gJp4KSnNp6
— ANI (@ANI) January 22, 2024
આપણા રામલલા હવે તંબુમાં નહીં રહે. આપણા રામલલા હવે દિવ્ય મંદિરમાં રહેશે. હું દ્રઢપણે માનું છું અને અતૂટ શ્રદ્ધા રાખું છું કે જે કંઈ પણ થયું છે, દેશના અને વિશ્વના ખૂણે ખૂણે રહેલા રામ ભક્તો તેને અનુભવતા જ હશે. આ ક્ષણ અલૌકિક છે. આ ક્ષણ સૌથી પવિત્ર છે. આ વાતાવરણ, આ ક્ષણ આપણા બધા પર ભગવાન શ્રી રામના આશીર્વાદ છે.
પોતાના સંબોધનમાં પીએમ મોદીએ કહ્યું કે આ કાર્ય દૈવી આશીર્વાદ અને દિવ્ય આત્માઓના કારણે પૂર્ણ થયું છે. હું પણ આ તમામ દિવ્ય ચેતનાઓને નમન કરું છું. આજે હું ભગવાન શ્રી રામની પણ માફી માંગુ છું. આપણા પ્રયત્નોમાં, આપણા ત્યાગ અને તપમાં કંઈક તો કમી હોવી જોઈએ કે આપણે આટલી સદીઓ સુધી આ કામ ન કરી શક્યા. આજે એ ઉણપ ભરાઈ ગઈ છે. મને વિશ્વાસ છે કે ભગવાન રામ આજે આપણને ચોક્કસ માફ કરશે. લાંબા સમયથી અલગ રહેવાથી સર્જાતી સમસ્યાનો અંત આવ્યો છે.
પ્રાણ પ્રતિષ્ઠા બાદ સંબોધન કર્યા બાદ પીએમ મોદીએ પરિસરમાં સાધુ-સંતોને મળ્યા હતા. જે બાદ તેમણે અયોધ્યા રામ મંદિરના કન્સ્ટ્રક્શન કામમાં યોગદાન આપનારા શ્રમિકો પર પુષ્પવર્ષા કરી હતી.
અયોધ્યામાં પીએમ મોદીએ શબરી, જટાયું અને ખિસકોલીને યાદ કરી શું કહ્યું? જાણો
ટોપ સ્ટોરી
ટ્રેન્ડિંગ સમાચાર
