Maharashtra Politics: ઉદ્ધવ ઠાકરેને લાગી શકે છે ઝટકો, શિવસેનાના 18માંથી 11 સાંસદ આપી શકે છે એકનાથ શિંદેનો સાથ

શિવસેના સામે શિવસેનાની લડાઈ વચ્ચે ઉદ્ધવ ઠાકરેને વધુ એક મોટો આંચકો લાગી શકે છે. મુખ્યમંત્રી એકનાથ શિંદે જૂથની નજર હવે શિવસેનાના સાંસદો પર છે.

ઉદ્ધવ ઠાકરે

11 Shiv Sena MP to Join Eknath Shinde Camp: શિવસેના સામે શિવસેનાની લડાઈ વચ્ચે ઉદ્ધવ ઠાકરેને વધુ એક મોટો આંચકો લાગી શકે છે. મુખ્યમંત્રી એકનાથ શિંદે જૂથની નજર હવે શિવસેનાના સાંસદો પર છે. સૂત્રોના જણાવ્યા અનુસાર શિવસેનાના 18માંથી 11 સાંસદ એકનાથ શિંદેને સમર્થન આપી શકે છે.

આ સાંસદો શિંદે કેમ્પમાં જઈ શકે છે

શ્રીકાંત શિંદે (કલ્યાણ)
રાજન વિચારે (થાણે)
રાહુલ શેવાળે (દક્ષિણ મધ્ય મુંબઈ)
ભાવના ગવળી (યવતમાલ)
હેમંત ગોડસે (નાસિક)
કૃપલ તુમને (રામકેટ)
હેમંત પાટીલ (હિંગોલી)
પ્રતાપરાવ જાધવ (બુલઢાના)
સદાશિવ લોખંડે (શિરડી)
રાજેન્દ્ર ગાવિત (પાલઘર)
શ્રીરંગ બારને (માવલ)

ઉદ્ધવ સાથે સાંસદ

વિનાયક રાઉત (રત્નાગીરી)
અરવિંદ સાવંત (દક્ષિણ મુંબઈ)
ગજાનન કીર્તિકર (ઉત્તર પશ્ચિમ મુંબઈ)
ધૈરશીલ માને (હાતકલગલે)
સંજય માંડલિક (કોલ્હાપુર)
કલા બેન ડેલકર (દાદરા નગર હવેલી)
સંજય બંધુ જાધવ (પરભણી)
ઓમરાજે નિમ્બાલકર (ધારશિવ)

જણાવી દઈએ કે થોડા દિવસો પહેલા એકનાથ શિંદેએ શિવસેનામાં બળવો કર્યો હતો. ત્યારે શિવસેનાના 55માંથી 39 ધારાસભ્યો તેમની છાવણીમાં ગયા હતા. બાદમાં તેમણે ભાજપની મદદથી સરકાર બનાવી. ઉદ્ધવ કેમ્પ હવે પાર્ટીને મજબૂત કરવામાં વ્યસ્ત છે.

મંગળવારે જ પૂર્વ મુખ્યમંત્રી ઉદ્ધવ ઠાકરે(Uddhav Thackeray)એ પાર્ટી કાર્યકર્તાઓને કહ્યું હતું કે તે ધારાસભ્યો અને મંત્રીઓને તેમનો પક્ષ છોડતા જોવું ખૂબ જ દુઃખદાયક છે, જેમણે શિવસૈનિકોના કારણે જ જીત મેળવી અને બધું પ્રાપ્ત કર્યું.

ડેપ્યુટી સીએમ દેવેન્દ્ર ફડણવીસે દાવો કર્યો

મહારાષ્ટ્રમાં નવી સરકારની રચના સાથે રાજકીય સંકટનો અંત આવી ગયો છે. આ દરમિયાન, રાજ્યના ડેપ્યુટી સીએમ દેવેન્દ્ર ફડણવીસે દાવો કર્યો છે કે તેમણે જ ભાજપ નેતૃત્વ સમક્ષ મુખ્યમંત્રી પદ માટે એકનાથ શિંદેના નામનો પ્રસ્તાવ મૂક્યો હતો. સાથે જ તેમણે કહ્યું કે મેં પાર્ટીના ટોચના નેતાઓના કહેવા પર નાયબ મુખ્યમંત્રી પદ સ્વીકાર્યું છે.

તેમણે કહ્યું કે, બિલકુલ નક્કી હતું કે, હું સરકારની બહાર રહીને કામ કરીશ. પછી મને જેપી નડ્ડા, અમિત શાહનો ફોન આવ્યો અને કહ્યું કે બહાર રહીને સરકાર નથી ચાલતી. મેં વડાપ્રધાન સાથે વાત કરી. ત્યારબાદ જેપી નડ્ડા મીડિયાની સામે આવ્યા અને કહ્યું કે દેવેન્દ્ર ફડણવીસ નાયબ મુખ્યમંત્રી પદ પર બેસશે. જો મને ઘરે જવાનું કહેવામાં આવે તો પણ હું ખુશીથી ઘરે ગયો હોત. પાર્ટીના ટોચના નેતૃત્વના નિર્ણયનું હંમેશા સન્માન છે.