Delhi HC: સેક્સ વર્કર્સ તમામ અધિકારોના હકદાર છે, પરંતુ કાયદાના ઉલ્લંઘન પર વિશેષ સુવિધાનો દાવો ન કરી શકે

અરજદારે તેની માતાને તાત્કાલિક ઘૂંટણ બદલવાની સર્જરી કરાવવા માટે વચગાળાના જામીનની માંગ કરી હતી.

પ્રતિકાત્મક તસવીર

Delhi HC: સગીરને વેશ્યાવૃત્તિમાં ધકેલવાના ગંભીર ગુનાના આરોપી સેક્સ વર્કરને વચગાળાની રાહત નકારતા દિલ્હી હાઈકોર્ટે જણાવ્યું હતું કે સેક્સ વર્કર પણ નાગરિકને ઉપલબ્ધ તમામ અધિકારો મેળવવા માટે હકદાર છે, પરંતુ જો તેણે કોઈ કાયદા ઉલ્લંઘન કર્યું હશું તો તેને સમાન પરિણામોનો સામનો કરવો પડશે.

જસ્ટિસ આશા મેનનની બેન્ચે કહ્યું કે સેક્સ વર્કર આવા કેસમાં વિશેષ રાહતનો દાવો કરી શકે નહીં. આરોપી સેક્સ વર્કર પર આરોપ છે કે તેણે એક સગીર છોકરીને વેશ્યાવૃત્તિમાં ધકેલી હતી અને તેને વેશ્યાલયમાંથી બહાર ન જવા દીધી હતી.

ફરિયાદી પક્ષના જણાવ્યા અનુસાર, અરજદાર એક વેશ્યાલયમાં મળી આવી હતી, જ્યાં 13 વર્ષની સગીર છોકરીઓને છોડાવવામાં આવી હતી. સગીરને મુક્ત કર્યા પછી, આરોપીને POCSO એક્ટ, બળાત્કાર, અનૈતિક ટ્રાફિક (નિવારણ) સહિત અન્ય કલમો હેઠળ આરોપી બનાવવામાં આવી હતી.

અરજદારે તેની માતાને તાત્કાલિક ઘૂંટણ બદલવાની સર્જરી કરાવવા માટે વચગાળાના જામીનની માંગ કરી હતી. તે જ સમયે, દિલ્હી પોલીસે અરજીનો વિરોધ કરતા કહ્યું કે પીડિતાની હજુ પૂછપરછ થવાની બાકી છે અને જો તેને જામીન આપવામાં આવશે તો ટ્રાયલને નુકસાન થશે. એટલું જ નહીં, જો અરજદારને જામીન આપવામાં આવશે તો તે ફરીથી આવી જ ગતિવિધિઓમાં સામેલ થશે.

પોલીસે જણાવ્યું હતું કે કેસની પ્રકૃતિને ધ્યાનમાં રાખીને, વચગાળાના જામીન આપવાથી ટ્રાયલ પ્રક્રિયામાં જ અવરોધ આવશે. તે જ સમયે, ફરિયાદીએ દલીલ કરી હતી કે જો અરજદારને વચગાળાના જામીન પર છોડવામાં આવશે, તો તે પીડિતાને પ્રભાવિત કરવાનો પ્રયાસ કરશે.

તે જ સમયે, અરજદારે આરોપોને નકારી કાઢ્યા હતા અને કહ્યું હતું કે તે સગીરોની હેરફેર માટે જવાબદાર નથી કારણ કે તેની સામે કોઈ આરોપો મૂકવામાં આવ્યા નથી. તે એમ પણ કહે છે કે એક ફરિયાદી સિવાય, અન્ય તમામે નકારી કાઢ્યું હતું કે તેઓની હેરફેર કરવામાં આવી હતી અને પોલીસને જણાવ્યું હતું કે તેઓ પોતાની સ્વતંત્ર ઇચ્છાથી વેશ્યાલયમાં હતા.