હવે આધાર કાર્ડથી નવું સિમ કાર્ડ મિનિટોમાં થશે એક્ટિવેટ

નવી દિલ્લીઃ જો તમારી પાસે આધાર કાર્ડ છે તો નવું સિમ કાર્ડ એક્ટિવેટ કરાવવું સરળ બનશે. મુખ્ય મોબાઇલ ટેલિકૉમ ઑપરેટર્સ, ભારતી એરટેલ અને વોડાફોને આ સર્વિસને શરૂ કરી છે. હવે નવું સિમ કાર્ડ જલ્દી શરૂ કરાવવા માટે ગ્રાહકે પોતાનો આધારકાર્ડ નંબર આપવો પડશે. ત્યારબાદ અમુક મિનિટમાં સમ એક્ટિવ થઇ જશે. સ્ટોર પર સબમિટ કરવા પડશે ઇ-કેવાઇસી ગ્રાહકોએ આ કંપનીના સ્ટોર્સ પર જઇને નવું સિમ ખરીદવું પડશે અને ઇ-કેવાયસી માટે પોતાનો આધાર નંબર આપવો પડશે. કંપનીના સ્ટોરમાં હાલના કર્મચારી ગ્રાહક દ્વારા આપવામાં આવેલા આધાર નંબરને વેરિફાઇ કરશે. વેરિફિકેશન પ્રોસેસ થયા બાદ નવું સિમ કાર્ડ એક્ટિવેટ કરીને આપવામાં આવશે.