શોધખોળ કરો
Advertisement
![ABP Premium](https://cdn.abplive.com/imagebank/Premium-ad-Icon.png)
હૈદરાબાદઃ મહિલા ડોક્ટર પર રેપ બાદ હત્યા મામલે મોટો ખુલાસો, આરોપીઓએ કર્યું હતું સ્કૂટીમાં પંક્ચર
પોલીસે કહ્યું હતું કે, આરોપીઓએ યોજના બનાવી બળાત્કાર અને હત્યાને અંજામ આપ્યો છે. આરોપીએ યોજના અનુસાર સ્કૂટીમાં પંક્ચર પાડ્યુ હતું જેથી તે મહિલા ડોક્ટરને પોતાની જાળમાં ફસાવી શકે.
![હૈદરાબાદઃ મહિલા ડોક્ટર પર રેપ બાદ હત્યા મામલે મોટો ખુલાસો, આરોપીઓએ કર્યું હતું સ્કૂટીમાં પંક્ચર Telangana veterinary doctor rape-murder હૈદરાબાદઃ મહિલા ડોક્ટર પર રેપ બાદ હત્યા મામલે મોટો ખુલાસો, આરોપીઓએ કર્યું હતું સ્કૂટીમાં પંક્ચર](https://static.abplive.com/wp-content/uploads/sites/7/2019/11/30120048/3.jpg?impolicy=abp_cdn&imwidth=1200&height=675)
હૈદરાબાદઃ તેલંગણાની રાજધાની હૈદરાબાદમાં એક સરકારી મહિલા ડોક્ટર પર ગેંગરેપ અને હત્યા મામલામાં મોટો ખુલાસો થયો છે. પોલીસ તપાસમાં જાણવા મળ્યું છે કે આ જઘન્ય ગુનાના એક આરોપી મોહમ્મદ આરિફે હેવાનિયત દરમિયાન પીડિતાનું મોં દબાવી રાખ્યું હતું જેથી તેની બૂમ કોઇ સાંભળી શકે નહીં. તે તડપતી રહી. માનવામાં આવી રહ્યું છે કે શ્વાસ નહી લઇ શકવાના કારણે હૈદરાબાદની આ ‘નિર્ભયા’નું મોત થયું હતું. આ વચ્ચે પોલીસે કહ્યું હતું કે, આરોપીઓએ યોજના બનાવી બળાત્કાર અને હત્યાને અંજામ આપ્યો છે. આરોપીએ યોજના અનુસાર સ્કૂટીમાં પંક્ચર પાડ્યુ હતું જેથી તે મહિલા ડોક્ટરને પોતાની જાળમાં ફસાવી શકે.
પોલીસ તપાસમાં ખુલાસો થયો હતો કે ગેંગરેપ દરમિયાન મહિલા ડોક્ટરે મદદ માટે બૂમો પાડી હતી પરંતુ આરોપીઓએ પકડાઇ જવાના ડરે પીડિતાનું મોં બંધ કરી દીધુ જેથી તેનો અવાજ બહાર જઇ શકે નહીં. તેલંગણા પોલીસે મહિલા ડોક્ટર સાથે ગેંગરેપ, હત્યા અને સળગાવી દેવાના આરોપમાં ચાર આરોપીઓની ધરપકડ કરી છે. આરોપીઓની ઓળખ મોહમ્મદ આરિફ, નવીન, ચિંતાકુંતા કેશાવુલુ અને શિવાના રૂપમાં થઇ છે. પોલીસે જણાવ્યું કે, ગેંગરેપ બાદ આરોપી ડોક્ટરના મૃતદેહને એક ટ્રકમાં નાખીને હાઇવે પર આગળ વધ્યા હતા અને એક પેટ્રોલ પંપમાંથી પેટ્રોલ અને ડિઝલ ખરીદ્યું હતું.
સાઇબરાબાદ પોલીસ કમિશનર વીસી સજ્જનરે કહ્યું કે, આખી ઘટનાને કાવતરા હેઠળ અંજામ અપાયો છે. આરોપીઓએ એક મહિલાને ટોલ પ્લાઝા પાસે સ્કૂટી પાર્ક કરતા જોઇ હતી. બાદમાં તેઓએ ગેંગરેપની યોજના બનાવી હતી. મહિલા ડોક્ટર કેબ લઇને ગચિબોવલી ગઇ અને રાત્રે 9 વાગ્યે પોતાની સ્કૂટી લેવા પાછી ફરી હતી. તેણે જોયું કે તેની સ્કૂટીમાં પંકચર છે. દરમિયાન મોહમ્મદ આરિફ તેની મદદના બહાને ત્યાં આવ્યો હતો.
બાદમાં ચારેય આરોપીઓ મહિલા ડોક્ટરને નજીકમાં આવેલા એક ખાલી પ્લોટમાં લઇ ગયા અને તેમના પર ગેંગરેપ કર્યો હતો. નોંધનીય છે કે આ ઘટનાને લઇને રસ્તાથી લઇને સોશિયલ મીડિયા પર પીડિતા ડોક્ટરના હત્યારાઓને કડકમાં સજા અપાવવાની માંગ ઉઠી છે.
Khelo khul ke, sab bhool ke - only on Games Live
વધુ જુઓ
Advertisement
ટ્રેન્ડિંગ સમાચાર
Advertisement
Advertisement
ટોપ સ્ટોરી
ગુજરાત
ગુજરાત
ગુજરાત
ગુજરાત
Advertisement
![ABP Premium](https://cdn.abplive.com/imagebank/metaverse-mid.png)