કોરોનાની બીજી લહેરમાં ઓક્સિજનના અભાવે દેશમાં માત્ર એક જ વ્યક્તિનું મોત થયું હોવાનો કેન્દ્રનો દાવો ? જાણો મોદી સરકારે શું કહ્યું ?

આઉટલુક ઈન્ડિયાનો દાવો છે કે, લવ અગ્રવાલે, આરોગ્ય મંત્રાલયે કહ્યું છે કે, કોવિડ -19 ની બીજી લહેર દરમિયાન ઓક્સિજનની અછતને કારણે માત્ર 1 દર્દીનું મોત થયું છે.

પ્રતિકાત્મક તસવીર

નવી દિલ્હીઃ આરોગ્ય મંત્રાલયે બુધવારે કહ્યું કે, અત્યાર સુધી કોઈ પણ રાજ્યએ ઓક્સિજનને કારણે કોરોના દર્દીઓના મૃત્યુ અંગે કોઈ ડેટા આપ્યો નથી. દરમિયાન, કેટલાક મીડિયા રિપોર્ટ્સમાં કોરોના સમયગાળા દરમિયાન ઓક્સિજનની અછતને કારણે મૃત્યુ અંગે ઘણા અહેવાલો શેર કરવામાં આવ્યા છે. આઉટલૂકે તાજેતરમાં એક અહેવાલ પ્રકાશિત કર્યો હતો જેમાં એવું કહેવામાં આવ્યું હતું કે ઓક્સિજનના અભાવે માત્ર એક કોરોના દર્દીનું મોત થયું છે.

આઉટલુક ઈન્ડિયાનો દાવો છે કે, લવ અગ્રવાલે, આરોગ્ય મંત્રાલયે કહ્યું છે કે, કોવિડ -19 ની બીજી લહેર દરમિયાન ઓક્સિજનની અછતને કારણે માત્ર 1 દર્દીનું મોત થયું છે. હવે આ અંગે સરકાર તરફથી સ્પષ્ટતા આવી છે. સરકારની કમ્યુનિકેશન એજન્સી પીઆઈબીની ફેક્ટ ચેક ટીમે તે પત્રકાર પરિષદની ક્લિપ પણ બહાર પાડી છે. જેમાં લવ અગ્રવાલ તે સવાલનો જવાબ આપતા જોવા મળે છે.

આઉટલુકના રિપોર્ટ અંગે પીઆઈબીએ કહ્યું કે આ દાવો હકીકતમાં ખોટો છે. જોઇન્ટ સેક્રેટરી દ્વારા આવું કોઇ નિવેદન આપવામાં આવ્યું નથી. લવ અગ્રવાલે આ પીસીમાં કહ્યું હતું કે, શંકાસ્પદ મૃત્યુ અંગે માત્ર એક જ રાજ્યમાંથી અહેવાલો આવ્યા છે. પરંતુ તેણે એમ ન કહ્યું કે તેનું મૃત્યુ ઓક્સિજનના અભાવને કારણે થયું છે. સરકારે આઉટલુકના આ રિપોર્ટને ફગાવી દીધો છે.

.@Outlookindia claims that Lav Agarwal, JS @MoHFW_INDIA has stated that there has been only 1 death due to oxygen shortage during #COVID19 2nd wave#PIBFactCheck:This claim is factually incorrect. No such statement has been given by the Joint Secretary

🔗https://t.co/u5wLMkGI1A pic.twitter.com/M9TXe3zVuI

— PIB Fact Check (@PIBFactCheck) August 11, 2021

નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. કોઈ પણ પીઆઈબી ફેક્ટ ચેકનો સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.