ભારતમાં જલ્દી બનશે બીજો સૌથી લાંબો એક્સપ્રેસ-વે, જાણો આની સાથે જોડાયેલી ખાસ વાતો.....

આ એક્સપ્રેસ-વે 06 લેનો બનશે અને તમામ સંરચનાઓનુ નિર્માણ 08 લેની પહોળાઇમાં કરવામાં આવશે. એક્સપ્રેસ વેની રાઇટ ઓફ વેની પહોળાઇ 120 મીટર પ્રસ્તાવિત કરવામાં આવી છે. 

Expressways

નવી દિલ્હીઃ ભારતને બહુ જલ્દી બીજો સૌથી મોટો એક્સપ્રેસ-વે મળવાનો છે. નવો ગંગા એક્સપ્રેસ-વે 594 કિલોમીટર લાંબો હશે. જે ઉત્તરપ્રદેશના પશ્ચિમી ભાગને રાજ્યના પૂર્વીય ભાગ સાથે જોડશે. નવા એક્સપ્રેસ-વેનુ નિમાર્ણ આ વર્ષ સપ્ટેમ્બરમાં શરૂ થશે. આને લઇને યુપી રાજ્ય સરકારે જાહેરાત કરી છે કે એક્સપ્રેસ-વે માટે 83 ટકા ભૂમિ અધિગ્રહણ પ્રક્રિયા પહેલાથી પુરી થઇ ચૂકી છે. વાહનોને માત્ર વિશિષ્ટ ટૉલ પ્લાઝાના માધ્યમથી એક્સપ્રેસ-વેમાં પ્રવેશ કરવા કે બહાર નીકળવાની અનુમતિ હશે. સાથે જ અહીં બે મુખ્ય ટૉલ પ્લાઝા હશે, જે મેરઠ અને પ્રયાગરાજમાં બનશે. 

ગંગા એક્સપ્રેસ-વે સાથે જોડાયેલી જરૂરી વાતો.....
ગંગા એક્સપ્રેસ-વેને લઇને મેરઠમાં એનએચ -334થી શરૂ થઇને પ્રયાગરાજ સુધી બનવાનો પ્રસ્તાવ આપવામાં આવ્યો છે. 
આ પરિયોજનાથી લાભાન્વિત થનારા જિલ્લા છે મેરઠ, હાપુડ, બુલંદશહેર, અમરોહા, સંભલ, બદાયુ, શાહજહાંપુર, હરદોઇ, ઉન્નાવ, રાયબરેલી, પ્રતાપગઢ અને પ્રયાગરાજ. વળી આ એક્સપ્રેસ-વે સાથે લગભગ 519 ગામડાંઓ જોડાશે. એક્સપ્રેસ-વેની મદદથી દિલ્હી પ્રયાગરાજની વચ્ચે યાત્રાના સમયને હાલ 10-11 કલાકથી ઘટાડીને ફક્ત 6-7 કલાક કરવાની આશા છે. વળી ટૉપ સ્પીડ 120 કિમી પ્રતિ કલાક નિર્ધારિત કરવામાં આવી છે, જે ભારતમાં ઉચ્ચત્તમ ગતિ માનવામાં આવે છે.
આ એક્સપ્રેસ-વે 06 લેનો બનશે અને તમામ સંરચનાઓનુ નિર્માણ 08 લેની પહોળાઇમાં કરવામાં આવશે. એક્સપ્રેસ વેની રાઇટ ઓફ વેની પહોળાઇ 120 મીટર પ્રસ્તાવિત કરવામાં આવી છે. 
એક્સપ્રેસ-વેના એક કિનારા પર 3.75 મીટર પહોળાઇના સર્વિસ રૉડનુ નિર્માણ કરવામાં આવશે, જેનાથી પરિયોજના ક્ષેત્રની આપસાસના ગામડાઓના રહેવાસીઓને સુગમ પરિવહન મળી શકે.
એક્સપ્રેસ-વે પર એક હવાઇ પટ્ટી પણ બનાવવામાં આવશે, જેનાથી ભારતીય વાયુ સેનાના વિમાન આપાત સ્થિતિમાં ઉતરી શકે, હવાઇ પટ્ટીનુ નિર્માણ સુલ્તાનપુર જિલ્લામાં કરવામાં આવશે.
આ પરિયોજનાનો ખર્ચ 36,000 કરોડ રૂપિયાથી વધુ હોવાની સંભાવના છે, અને આગામી 26 મહિનાઓમાં આ કામ પુરુ થવાની આશા છે.