રાજસ્થાન બાદ દિલ્હીમાં તોડી પાડવામાં આવશે મંદિર, AAPના BJP પર પ્રહાર, જાણો શું છે સમગ્ર મામલો
આ નોટિસ બાદ દિલ્હીની આમ આદમી પાર્ટીએ કેન્દ્ર સરકાર પર આક્ષેપબાજી શરૂ કરી દીધી છે. આમ આદમી પાર્ટીનું કહેવું છે કે આ નિર્ણય દિલ્હી સરકારનો નથી, કેન્દ્ર સરકારનો આદેશ છે.
Delhi : દિલ્હીના શ્રીનિવાસપુરી વિસ્તારના આઈ બ્લોક માર્કેટમાં બનેલા નીલકંઠ મંદિરને લઈને ભાજપ અને આમ આદમી પાર્ટી આમને-સામને છે. દિલ્હીની કાલકાજી વિધાનસભાના ધારાસભ્ય આતિશીએ ટ્વીટ કરીને મંદિરને આપવામાં આવેલી નોટિસનો વિરોધ કર્યો છે.
નીલકંઠ મંદિરને નોટિસ
શ્રીનિવાસપુરીના નીલકંઠ મંદિરને હટાવવા માટે નોટિસ મળી છે. આ નોટિસમાં કહેવામાં આવ્યું હતું કે સરકારી જમીન પર મંદિર ખોટી રીતે બનાવવામાં આવ્યું છે, તેથી તેને દૂર કરવામાં આવે. હવે આમ આદમી પાર્ટી આનો વિરોધ કરી રહી છે અને ભાજપને સવાલ કરી રહી છે કે શું તે મંદિર પર પણ બુલડોઝર ચલાવશે?
આતિશીએ મંદિરમાં પૂજા કરી વિરોધ કર્યો
આ નોટિસને લઈને આમ આદમી પાર્ટીના ધારાસભ્ય આતિશીએ મંદિરમાં પૂજા કરી અને તેનો વિરોધ કર્યો. AAP ધારાસભ્ય આતિશીએ કહ્યું કે શ્રીનિવાસપુરીનું નીલકંઠ મહાદેવ મંદિર છે, સ્થાનિક લોકો કહી રહ્યા છે કે અહીં 20 થી 22 વર્ષ જૂનું મંદિર છે, લોકોને આ મંદિરમાં શ્રદ્ધા છે. તો અમે ભાજપને પૂછવા માંગીએ છીએ કે તેમની સમસ્યા શું છે, જો વિસ્તારની મહિલાઓ અહીં કીર્તન અને પૂજા કરવા આવે છે તો તેમને શું વાંધો છે કે તેઓ તેના પર બુલડોઝર કેમ ચલાવવા માંગે છે, શું આપણા દેશની આ હાલત થઈ ગઈ છે. હવે મંદિરો પર બુલડોઝર દોડશે.
भाजपा की केंद्र सरकार ने दिया श्रीनिवासपुरी स्थित नीलकंठ महादेव मंदिर पर बुल्डोज़र चलाने का आदेश pic.twitter.com/mEiTiCJXQu
— Atishi (@AtishiAAP) April 23, 2022
આદેશમાં સુપ્રીમ કોર્ટ અને હાઈકોર્ટના આદેશનો ઉલ્લેખ
આતિશીએ કહ્યું કે આ 10 વર્ષથી વધુ જૂના ઓર્ડર છે, આ આજનો ઓર્ડર નથી. ભાજપની કેન્દ્ર સરકારે 10 દિવસ પહેલા આદેશ આપ્યો છે કે જો મંદિર ખાલી નહીં કરવામાં આવે તો તેના પર બુલડોઝર ચલાવાશે. શું ભાજપ સામાન્ય લોકોના વિશ્વાસ પર આવા બુલડોઝર ચલાવશે?
તમને જણાવી દઈએ કે આ મંદિર 20 થી 22 વર્ષ જૂનું છે. સ્થાનિક લોકોનું કહેવું છે કે, બધા જાણે છે કે ઘણીવાર મંદિર હોય, મસ્જિદ હોય, લોકોના ઘર હોય, આખી દિલ્હીમાં ઘણા વર્ષોથી કોઈને કોઈ ગેરકાયદેસર બાંધકામ ચાલી રહ્યું છે. પરંતુ આજે ભાજપ અહીં આવીને મંદિર પર બુલડોઝર ચલાવીશું તેમ કહીને લોકોની આસ્થા સાથે રમત રમી રહી છે. લોકોએ કહ્યું કે આ કાર્યવાહી કેન્દ્ર સરકાર દ્વારા કરવામાં આવી રહી છે. અમે આનો વિરોધ કરી રહ્યા છીએ અને અહીંના લોકોએ નક્કી કર્યું છે કે અમે તેના પર બુલડોઝર નહીં ચલાવવા દઈએ.
ટ્રેન્ડિંગ સમાચાર
ટોપ સ્ટોરી
