Mundka Fire : મુંડકા અગ્નિકાંડ બાદ એક જ પરિવારની ત્રણ દિકરીઓ ગાયબ, પરિવાર જોઈ રહ્યો છે રાહ

Mundka Massive Fire : મધુના પિતાએ કહ્યું કે ગઈકાલે સવારે વાત થઈ હતી. દીકરી સાડા નવ વાગ્યાની આસપાસ ઓફિસે ગઈ હતી. તેણે તેના ભાઈને ફોન કર્યો હતો કે કંપનીમાં આગ લાગી છે.

Mundka Massive Fire

Delhi News : મુંડકા આગ દુર્ઘટનામાં એક જ પરિવારની ત્રણ દિકરીઓ ગુમ છે. અમારી દીકરીઓ કોઈપણ સ્થિતિમાં મળે, પછી ભલે તે જીવિત હોય કે મૃત. આ વાત મુંડકા અકસ્માતમાં ગાયબ  મધુ નામની દિકરીના પિતાએ કહી હતી. મુંડકામાં ગઈકાલે રાત્રે આગની ઘટના બની હતી, જેમાં અત્યાર સુધીમાં 27 લોકોના મોત થયા છે. હજી પણ ઘણા લોકો ગુમ છે. તેમાંથી એક જ પરિવારની ત્રણ દિકરીઓ હજી પણ  મળી નથી.

આ ત્રણેય દિકરીઓના પિતા સગા ભાઈઓ છે. એક ભાઈને બે દીકરીઓ છે અને બીજા ભાઈને એક દીકરી છે. આ ત્રણ યુવતીઓ કામ કરતી હતી જ્યાં ગતરોજ આગની ઘટના બની હતી. હવે આ બંને ભાઈઓ તેમની દીકરીઓને શોધવા ગઈકાલે રાતથી હોસ્પિટલ અને પોલીસ સ્ટેશનના ચક્કર લગાવી રહ્યા છે.

પરિવાર વલખા મારી રહ્યો છે
ગુમ થયેલ પ્રીતિ અને પૂનમના પિતાનું કહેવું છે કે પ્રીતિ 23 વર્ષની છે અને પૂનમ 20 વર્ષની છે. પિતા કહે છે કે ગઈ કાલે 4 વાગ્યે અમને ફોન આવ્યો. તેણે જણાવ્યું કે પિતા-માતાની કંપનીમાં આગ લાગી છે. તેની માતાએ અમને ફોન આપ્યો, પછી મેં કહ્યું કે જલ્દી સાચવો. પ્રીતિ અને પૂનમના પિતા વધુમાં કહે છે કે તે પછી ન તો ફોન આવ્યો કે ન તો કોઈ માહિતી મળી. પોલીસ સાથે તપાસ કરતા રહ્યા, પરંતુ કંઈ બહાર આવ્યું નહીં. ગુડગાંવ કોઈએ કહ્યું તો તેઓ ત્યાં ગયા. બહાદુરગઢ કહેતા તે ત્યાં ગયા. રામ મનોહર લોહિયા, સંજય ગાંધી બધા હોસ્પિટલ ગયા, પણ ક્યાંય મળી  નહીં.

અમારી દીકરીઓ ક્યાં છે? 
મધુના પિતા વધુમાં કહે છે કે અમે ગઈકાલથી પરેશાન છીએ, કોઈસમાચાર નથી મળ્યા. ખબર નથી કે અમારી દિકરીઓ  ક્યાં છે? અમારી એક જ વિનંતી છે કે અમારી દિકરીઓને કોઈપણ સ્થિતિમાં મેળવી આપો. ભલે તે જીવિત  હોય કે પછી તે મૃત હોય. જો તેની ઓળખ ન થાય તો ડીએનએ ટેસ્ટ કરાવો. 

મધુના પિતા કહે છે કે અમે પોલીસકર્મીઓ સાથે વાત કરી, પછી તેમણે મૃતદેહ  બતાવ્યાં, પણ તેઓ મૃતદેહની ઓળખ કરી શક્યા નહીં. આ મૃતદેહ ખુબ જ બાલી ગયા હોવાથી ઓળખ થઇ શકી નથી. મધુના પિતાનું કહેવું છે કે દીકરીની ઉંમર 21 વર્ષની છે અને તે દોઢ વર્ષથી કંપનીમાં કામ કરતી હતી. સરકારને એક જ વિનંતી છે કે અમારી દિકરીઓ મેળવી આપો.