India Weather: કાલે દેશના આ રાજ્યોમાં ભારેથી અતિભારે વરસાદનું એલર્ટ, જાણો હવામાનની આગાહી
IMD અનુસાર, હિમાચલ પ્રદેશ, જમ્મુ અને કાશ્મીર, લદ્દાખ, મુઝફ્ફરાબાદ અને ઉત્તરાખંડમાં 6 ઓગસ્ટ પછી 7 થી 11 ઓગસ્ટ સુધી મોટા ભાગના સ્થળોએ વરસાદની અપેક્ષા છે.
- ભારતીય હવામાન વિભાગે ઉત્તર પશ્ચિમ ભારતમાં સક્રિય ચોમાસાની આગાહી.
- ઉત્તર પ્રદેશ, રાજસ્થાન અને બંગાળમાં ભારે વરસાદની સંભાવના.
- છત્તીસગઢમાં ત્રણ દિવસ વરસાદ ચાલુ રહેશે, પછી ઘટશે.
ભારતીય હવામાન વિભાગ (IMD) એ ઉત્તર પશ્ચિમ ભારતમાં સક્રિય ચોમાસું રહેવાની આગાહી કરી છે. IMD અનુસાર, હિમાચલ પ્રદેશ, જમ્મુ અને કાશ્મીર, લદ્દાખ, મુઝફ્ફરાબાદ અને ઉત્તરાખંડમાં 6 ઓગસ્ટ પછી 7 થી 11 ઓગસ્ટ સુધી મોટા ભાગના સ્થળોએ વરસાદની અપેક્ષા છે. હવામાન વિભાગની આગાહી મુજબ આવતીકાલે દેશના 19 રાજ્યોમાં ભારે પવન સાથે ધોધમાર વરસાદ વરસી શકે છે.
ઉત્તર પ્રદેશમાં ભારે વરસાદની અપેક્ષા
હવામાન વિભાગે જણાવ્યું કે શુક્રવારે પણ ઉત્તર પ્રદેશના પ્રયાગરાજ, ફતેહપુર, મિર્ઝાપુર, સોનભદ્ર, રાયબરેલી, કાનપુર નગર, કાનપુર દેહાત, સહારનપુર, મુઝફ્ફરનગર, ઈટાવા, મૈનપુરી, ફિરોઝાબાદ, ઔરૈયા, જાલૌન અને હમીરપુરમાં ભારેથી અતિભારે વરસાદની સંભાવના છે.આ ઉપરાંત વારાણસી, ચંદૌલી, જૌનપુર, ઉન્નાવ, અમેઠી, સુલતાનપુર, મેરઠ, ગાઝિયાબાદ, ગૌતમ બુદ્ધ નગર, આગ્રા અને ઝાંસી જેવા જિલ્લાઓમાં પણ ભારે વરસાદની અપેક્ષા છે.
છત્તીસગઢમાં વધુ ત્રણ દિવસ વરસાદની આગાહી
છત્તીસગઢમાં ચોમાસાની પ્રવૃત્તિ સક્રિય છે. હવામાન વિભાગે આગામી ત્રણ દિવસ રાજ્યમાં વરસાદ ચાલુ રહેવાની આગાહી કરી છે. ઉત્તર છત્તીસગઢના કેટલાક વિસ્તારોમાં વાવાઝોડા અને વીજળી સાથે ભારે વરસાદની શક્યતા અંગે ચેતવણી જારી કરવામાં આવી છે. જોકે, 8 ઓગસ્ટ પછી રાજ્યમાં વરસાદની તીવ્રતા ધીમે ધીમે ઘટવાની ધારણા છે.
પશ્ચિમ બંગાળના અનેક જિલ્લાઓમાં ભારે વરસાદની આગાહી: IMD
IMD મુજબ, દક્ષિણ બંગાળના પૂર્વ અને પશ્ચિમ મેદિનીપુર અને બાંકુરા જિલ્લામાં અત્યંત ભારે વરસાદની ધારણા છે. વિભાગે જણાવ્યું હતું કે કોલકાતા, ઉત્તર અને દક્ષિણ 24 પરગણા, હાવડા, ઝારગ્રામ, પુરુલિયા અને પશ્ચિમ બર્ધમાન જિલ્લામાં શુક્રવાર સુધી ભારે વરસાદ પડવાની શક્યતા છે. IMD મુજબ, ઉપ-હિમાલયી પ્રદેશના દાર્જિલિંગ, કાલિમપોંગ, જલપાઇગુડી, અલીપુરદ્વાર અને કૂચબિહાર જિલ્લામાં પણ શુક્રવાર સુધી ભારે વરસાદ પડવાની શક્યતા છે.
આ પણ વાંચો- Gujarat Rain: ગુજરાતમાં ફરી જામશે વરસાદી માહોલ, 4 દિવસ ભારે વરસાદની આગાહી
રાજસ્થાનમાં ઘણી જગ્યાએ ભારેથી અતિ ભારે વરસાદ
વરસાદની પ્રવૃત્તિમાં વધારો થવાની સંભાવના છે અને શુક્રવાર, 7 ઓગસ્ટના રોજ ચોમાસું ફરી સક્રિય થશે. IMD મુજબ, 7 થી 10 ઓગસ્ટ દરમિયાન ભરતપુર, કોટા, અજમેર, જયપુર, ઉદયપુર, જોધપુર અને બિકાનેર વિભાગના કેટલાક ભાગોમાં કેટલાક સ્થળોએ મધ્યમથી ભારે વરસાદ પડશે. તેવી જ રીતે, 7-9 ઓગસ્ટના રોજ ભરતપુર, જયપુર, કોટા અને ઉદયપુર વિભાગના જિલ્લાઓમાં અલગ અલગ સ્થળોએ ભારે/ખૂબ જ ભારે વરસાદ પડવાની શક્યતા છે.
ટોપ સ્ટોરી
ટ્રેન્ડિંગ સમાચાર
