UP Election 2022 : મુખ્યમંત્રી યોગીની સામે ચૂંટણી લડશે ભીમ આર્મી પ્રમુખ ચંદ્રશેખર આઝાદ

યોગી આદિત્યનાથ પણ પહેલીવાર વિધાનસભા ચૂંટણી લડવા જઇ રહ્યાં છે. તે વર્ષ 2017માં મુખ્યમંત્રી બન્યા પહેલા લોકસભા સભ્ય હતા.

Chandrashekhar_Azad__01

UP Assembly Election 2022: ભીમ આર્મી પ્રમુખ ચંદ્રશેખર આઝાદે બીજેપી વિરુદ્ધ મોરચો ખોલી નાંખ્યો છે. તેમને ગોરખપુર બેઠક પરથી ચૂંટણી લડવાની જાહેરાત કરી દીધી છે. આ બેઠક પરથી સીએમ યોગી આદિત્યનાથ મેદાનમાં છે. 

ઉલ્લેખનીય છે કે યોગી આદિત્યનાથ પણ પહેલીવાર વિધાનસભા ચૂંટણી લડવા જઇ રહ્યાં છે. તે વર્ષ 2017માં મુખ્યમંત્રી બન્યા પહેલા લોકસભા સભ્ય હતા. યોગી 1998માં પહેલીવાર ગોરખપુર (Gorakhpur)થી લોકસભા સાંસદ બન્યા હતા. તે સતત પાંચ વાર ગોરખપુર લોકસભા બેઠક પરથી ચૂંટણી જીત્યા, પરંતુ મુખ્યમંત્રી બન્યા બાદ તેમને વિધાન પરિષદનો રસ્તો અપનાવ્યો હતો. 

ચંદ્રશેખર આઝાદે કહ્યું કે તેમની પાર્ટી કેટલાક લોકોની સામે પોતાનો ઉમેદવાર નહીં ઉતારે, જેમાં પ્રગતિશીલ સમાજવાદી પાર્ટી (પ્રસપા)ના રાષ્ટ્રીય અધ્યક્ષ શિવપાલ સિંહ યાદવ, સુહેલદેવ ભારતીય સમાજ પાર્ટીના મુખિયા અને ઓમપ્રકાશ રાજભર, રાષ્ટ્રીય લોકદળના પ્રમુખ જયંત ચૌધરી અને સ્વામી પ્રસાદ મૌર્યના નામ સામેલ છે. તેમેન કહ્યું કે જો અખિલેશ યાદવ ચૂંટણી લડે છે તે પાર્ટી તેમની સામે ઉમેદવાર નહીં ઉતારે.

आजाद समाज पार्टी काशीराम के राष्ट्रीय अध्यक्ष चन्द्र शेखर आजाद जी गोरखपुर सदर ( 322) से लड़ेंगे विधानसभा चुनाव। @BhimArmyChief pic.twitter.com/cwYWH4C3lm

— Azad Samaj Party (@AzadSamajParty) January 20, 2022

આઝાદ સમજ પાર્ટીના અધ્યક્ષ ચંદ્રશેખર આઝાદે મંગળવારે કહ્યું હતું કે જો સમાજવાદી પાર્ટી ઉત્તરપ્રદેશ વિધાનસભા ચૂંટણીમાં તેને 100 બેઠકો પણ આપશે તો, તેની સાથે તે ગઠબંધન નહીં કરે. આઝાદ સમાજ પાર્ટીના પ્રમખ ચંદ્રશેખર આઝાદે ગ્રેટર નોઇડામાં એક પ્રેસ કૉન્ફરન્સમાં કહ્યું કે તેમની પાર્ટી ઉત્તરપ્રદેશમાં એકલી ચૂંટણી લડશે અને તેમને સમાજવાદી પાર્ટી સાથે વાત ના બન્યા બાદ આ ફેંસલો કર્યો છે. 

આ પણ વાંચો.........