IND vs SA 1st ODI: Virat Kohliએ સચિન તેંડુલકરને પાછળ છોડી વધુ એક રેકોર્ડ પોતાના નામે કર્યો

સાઉથ આફ્રિકા સામે રમાયેલી પ્રથમ વન-ડેમાં ટીમ ઇન્ડિયાના પૂર્વ કેપ્ટન વિરાટ કોહલીએ એક મોટો રેકોર્ડ પોતાના નામે કર્યો છે.

Kohli_Virat

Highest run-scorer overseas for India in ODIs: સાઉથ આફ્રિકા સામે રમાયેલી પ્રથમ વન-ડેમાં ટીમ ઇન્ડિયાના પૂર્વ કેપ્ટન વિરાટ કોહલીએ એક મોટો રેકોર્ડ પોતાના નામે કર્યો છે. સાઉથ આફ્રિકા વિરુદ્ધ પ્રથમ વન-ડેમાં વિરાટ કોહલી નવમો રન ફટકાર્યો એ સાથે જ મોટી સિદ્ધિ હાંસલ કરી હતી.

વિદેશમાં સૌથી વધુ રન બનાવનાર બેટ્સમેન બન્યો કોહલી

સાઉથ આફ્રિકા સામેની પ્રથમ વન-ડેમાં વિરાટ કોહલીએ નવ રન ફટકારવાની સાથે જ વન-ડે ક્રિકેટમાં ભારત તરફથી વિદેશમાં સૌથી વધુ રન ફટકારનાર બેટ્સમેન બની ગયો છે. તેણે પૂર્વ મહાન બેટ્સમેન સચિન તેંડુલકરને પાછળ છોડી આ રેકોર્ડ પોતાના નામે કર્યો છે.

વન-ડેમાં વિદેશમાં સૌથી વધુ રન બનાવનાર ભારતીય બેટ્સમેન

 ખેલાડી                               મેચ                         રન

વિરાટ કોહલી                      108                          5066*

સચિન તેંડુલકર                      147                         5065

એમએસ ધોની                      145                         4520

રાહુલ દ્રવિડ                          117                        3998

 

નોંધનીય છે કે સાઉથ આફ્રિકાએ ત્રણ મેચની વન-ડે સીરિઝની પ્રથમ મેચમાં ભારતને 31 રનથી હાર આપી હતી. આ સાથે સાઉથ આફ્રિકાએ સીરિઝમાં 1-0ની લીડ મેળવી લીધી હતી. 297 રનના ટાર્ગેટનો પીછો કરતા ટીમ ઇન્ડિયા 50 ઓવરમાં આઠ વિકેટ ગુમાવી 265 રન જ બનાવી શકી હતી. ભારત તરફથી શિખર ધવને 79, વિરાટ કોહલીએ 51 અને શાર્દુલ ઠાકુરે અણનમ 50 રનની શાનદાર ઇનિંગ રમી હતી. સાઉથ આફ્રિકા તરફથી એનગિજી, તબરેઝ શમ્સી અને ફેબલુકવાયોએ બે-બે વિકેટ ઝડપી હતી.