Weather : ભરઉનાળે માવઠાની વણઝાર વચ્ચે અવકાશી આફતનું કમઠાણ, IMDએ આપ્યું એલર્ટ
જગતના તાતને લમણે હાથ મુકીને રડવાનો વારો આવ્યો છે. હજી આ કડાકુટમાંથી ઉંચા નથી આવ્યા ત્યાં વધુ એક અવકાશી આફત ત્રાટકવાની તૈયારીમાં છે. હવામાન વિભાગે આ કુદરતી આફતને લઈને આગાહી પણ કરી દીધી છે.
Cyclone Mocha Latest News: ભારતમાં એક તરફ ભરઉનાળે જાણે ચોમાસું હોય તેવો માહોલ જામ્યો છે. આ માવઠાથી લોકોને પારાવાર મુશ્કેલીઓનો સામનો કરવો પડી રહ્યો છે. જગતના તાતને લમણે હાથ મુકીને રડવાનો વારો આવ્યો છે. હજી આ કડાકુટમાંથી ઉંચા નથી આવ્યા ત્યાં વધુ એક અવકાશી આફત ત્રાટકવાની તૈયારીમાં છે. હવામાન વિભાગે આ કુદરતી આફતને લઈને આગાહી પણ કરી દીધી છે.
ભારતીય હવામાન વિભાગે વર્ષના પહેલા ચક્રવાતને લઈને એલર્ટ જાહેર કર્યું છે. આ ખતરનાક ચક્રવાતનું નામ 'મોચા' છે. હવામાનશાસ્ત્રીઓનું કહેવું છે કે, 6 મેના રોજ દક્ષિણ-પૂર્વ બંગાળની ખાડીમાં મોટું ચક્રવાત સર્જાઈ શકે છે. 8મી મેના રોજ આ ચક્રવાત ઉત્તર દિશામાં આગળ વધશે અને બંગાળની ખાડીની મધ્ય તરફ આગળ વધશે. હાલમાં, વૈજ્ઞાનિકોએ આ ચક્રવાત કયા માર્ગ પરથી પસાર થશે તે અંગે કોઈ ચોક્કસ ગણતરી કરી શક્યા નથી. વિજ્ઞાનીઓનું કહેવું છે કે, મોચા ચક્રવાતનો માર્ગ આગામી 7મી તારીખ બાદ જ જાણી શકાશે. જો કે તેનાથી જાન-માલને વધારે નુકસાન થવાની શક્યતા નથી પરંતુ સાવચેતીના ભાગરૂપે દરિયાકાંઠાના રાજ્યોમાં એલર્ટ જારી કરી દેવામાં આવ્યું છે.
આ રાજ્યોમાં એલર્ટ જારી કરવામાં આવ્યું
મોકાની મહત્તમ અસર પશ્ચિમ બંગાળથી ઓરિસ્સા સુધીના દરિયાકાંઠાના વિસ્તારોમાં 7 થી 11 મે વચ્ચે જોવા મળશે. ચક્રવાતના ખતરાને જોતા આ રાજ્યોમાં પહેલાથી જ ચેતવણી જારી કરવામાં આવી છે. હવામાન વિભાગે દરિયાકાંઠાના વિસ્તારોમાં રહેતા નાગરિકો, માછીમારો અને બોટ ચાલકોને વહેલી તકે સલામત સ્થળે ખસી જવાનો આદેશ આપ્યો છે. એક અંદાજ મુજબ ચક્રવાતની પવનની ઝડપ 40 થી 60 કિલોમીટર પ્રતિ કલાક હોઈ શકે છે, પરંતુ 10 મેના રોજ ઘણી જગ્યાએ 80 કિલોમીટર પ્રતિ કલાકની ઝડપે પવન ફૂંકાઈ શકે છે. આ ઉપરાંત 7-8 મેના રોજ આંદામાન-નિકોબારમાં હળવો વરસાદ જોવા મળી શકે છે.
આ રાજ્યોમાં પણ ખતરો
હવામાનશાસ્ત્રીઓએ આગાહી કરી છે કે, ચક્રવાતનો માર્ગ બાંગ્લાદેશ અને પશ્ચિમ બંગાળના દરિયાકાંઠા તરફ હોઈ શકે છે, પરંતુ મ્યાનમાર તેની અસરથી અછૂત નહીં રહે. ઓડિશા સરકારે દરિયાકાંઠાના વિસ્તારોમાં લોકોને એલર્ટ કર્યા છે. એવું માનવામાં આવે છે કે, મોચા ચક્રવાતની અસર દક્ષિણના રાજ્યો પર વધુ જોવા નહીં વર્તાય.
IMD Alert : શું મે મહિનામાં નહીં સતાવે ગરમીનો ત્રાસ? હવામાન વિભાગે કરી આગાહી
Weather Changing : માર્ચનો અંત અને એપ્રિલની શરૂઆત થતાં જ દેશના તમામ વિસ્તારોમાં ઉનાળાએ રૌદ્ર રૂપ ધારણ કર્યું હતું. પરંતુ એક જ સપ્તાહની આકરી ગરમી બાદ હવામાનમાં એવો વળાંક આવ્યો છે કે, અત્યાર સુધી કુલર અને એસીની જરૂર જ રહી ગઈ નથી. ભારતીય હવામાન વિભાગે આગામી સમયને લઈને પણ આગાહી કરી છે જે ગરમીમાંથી રાહત આપનારી સાબિત થઈ શકે છે.
ટોપ સ્ટોરી
ટ્રેન્ડિંગ સમાચાર
