ED Raids: પશ્ચિમ બંગાળમાં ઈડીની મોટી રેડ, એટલી રકમ મળી કે રુપિયાનો ઢગલો જોઈ દંગ રહી જશો

ED સૂત્રોના જણાવ્યા અનુસાર, આ દરોડા દરમિયાન એજન્સીએ 20 કરોડ રૂપિયાથી વધુની રોકડ રકમ રિકવર કરી છે.

EDએ મોટી રકમ જપ્ત કરી

West Bengal SSC Recruitment Scam:  એન્ફોર્સમેન્ટ ડિરેક્ટોરેટ (ED) એ આજે ​​પશ્ચિમ બંગાળના કથિત SSC કૌભાંડમાં દરોડા પાડ્યા હતા. ED સૂત્રોના જણાવ્યા અનુસાર, આ દરોડા દરમિયાન એજન્સીએ 20 કરોડ રૂપિયાથી વધુની રોકડ રકમ રિકવર કરી છે. EDએ તેની રોકડની તસવીર ટ્વીટ કરતા કહ્યું કે, "EDએ પશ્ચિમ બંગાળ શાળા સેવા આયોગ અને બંગાળ પ્રાથમિક શિક્ષણ બોર્ડની ભરતી સાથે સંબંધિત કૌભાંડના મામલામાં દરોડા પાડ્યા."

ED is carrying out search operations at various premises linked to recruitment scam in the West Bengal School Service Commission and West Bengal Primary Education Board. pic.twitter.com/i4dP2SAeGG

— ED (@dir_ed) July 22, 2022

અગાઉ, સૂત્રોએ જણાવ્યું હતું કે એન્ફોર્સમેન્ટ ડિરેક્ટોરેટ (ED) અધિકારીઓની ટીમે શુક્રવારે કથિત શિક્ષક ભરતી કૌભાંડની તપાસના સંદર્ભમાં પશ્ચિમ બંગાળના બે પ્રધાનો - પાર્થ ચેટર્જી અને પરેશ અધિકારીના ઘરો પર દરોડા પાડ્યા હતા.

સૂત્રએ જણાવ્યું હતું કે ઓછામાં ઓછા સાતથી આઠ ED અધિકારીઓ સવારે 8.30 વાગ્યાની આસપાસ ચેટરજીના નાકટલા ખાતેના નિવાસસ્થાને પહોંચ્યા હતા અને 11 વાગ્યા સુધી દરોડા પાડ્યા હતા. આ દરમિયાન સેન્ટ્રલ રિઝર્વ પોલીસ ફોર્સ (CRPF)ના જવાનો બહાર તૈનાત હતા.

એજન્સીના અધિકારીઓની બીજી ટીમ કૂચ બિહાર જિલ્લાના મેખલીગંજમાં અધિકારીના ઘરે પહોંચી અને તેના પરિવારના સભ્યોની પૂછપરછ કરી, એમ સૂત્રએ જણાવ્યું હતું. EDના સૂત્રના જણાવ્યા અનુસાર, અધિકારીઓએ શહેરના જાદવપુર વિસ્તારમાં સ્થિત પશ્ચિમ બંગાળ પ્રાથમિક શિક્ષણ બોર્ડના પૂર્વ અધ્યક્ષ માણિક ભટ્ટાચાર્યના ઘરે પણ દરોડા પાડ્યા હતા.

સેન્ટ્રલ બ્યુરો ઑફ ઇન્વેસ્ટિગેશન (CBI) હાઈકોર્ટના નિર્દેશો પર પશ્ચિમ બંગાળ શાળા સેવા આયોગની ભલામણો પર સરકાર દ્વારા પ્રાયોજિત અને સહાયિત શાળાઓમાં ગ્રુપ 'C' અને 'D' સ્ટાફ અને શિક્ષકોની ભરતીમાં કથિત અનિયમિતતાઓની તપાસ કરી રહી છે.   તે જ સમયે, એન્ફોર્સમેન્ટ ડિરેક્ટોરેટ આ કેસ સાથે સંબંધિત કથિત મની લોન્ડરિંગની તપાસમાં સામેલ છે.

પરેશ અધિકારીએ શું કહ્યું?

ચેટર્જી જે હવે ઉદ્યોગ અને વાણિજ્ય પ્રધાન છે, જ્યારે કથિત કૌભાંડ થયું ત્યારે તેઓ શિક્ષણ પ્રધાન હતા. સીબીઆઈએ તેમની બે વખત પૂછપરછ કરી છે. પહેલી પૂછપરછ 25 એપ્રિલે થઈ હતી જ્યારે બીજી વાર 18 મેના રોજ થઈ હતી. સીબીઆઈએ પશ્ચિમ બંગાળના શિક્ષણ રાજ્ય મંત્રી અધિકારીની પણ પૂછપરછ કરી છે. આ ઉપરાંત તેમની પુત્રીએ શાળામાં શિક્ષક તરીકેની નોકરી ગુમાવી દીધી છે.