Anant-Radhika ના લગ્ન અગાઉ અંબાણી પરિવારે જામનગરમાં બનાવ્યા 14 મંદિર, VIDEOમાં જુઓ ભવ્યતા
અગાઉ આ કપલના પ્રી-વેડિંગ ફંક્શન્સ માર્ચના પ્રથમ સપ્તાહમાં ગુજરાતના જામનગરમાં યોજાશે
Anant-Radhika Wedding: રિલાયન્સ ઈન્ડસ્ટ્રીઝના ચેરમેન મુકેશ અંબાણીનો નાનો પુત્ર અનંત અંબાણી ટૂંક સમયમાં રાધિકા મર્ચન્ટ સાથે લગ્ન કરવા જઈ રહ્યો છે. અગાઉ આ કપલના પ્રી-વેડિંગ ફંક્શન્સ માર્ચના પ્રથમ સપ્તાહમાં ગુજરાતના જામનગરમાં યોજાશે. હાલ અંબાણી પરિવારમાં ખુશીનો માહોલ છે. આ બધાની વચ્ચે, અનંત-રાધિકાના લગ્ન પહેલા અંબાણી પરિવારે ગુજરાતના જામનગરમાં 14 નવા મંદિરો બનાવવાની મોટી પહેલ કરી છે.
View this post on Instagram
અંબાણી પરિવારે જામનગરમાં 14 મંદિરો બનાવ્યા
આ મંદિરોના નિર્માણની પ્રથમ ઝલક નીતા મુકેશ અંબાણી કલ્ચરલ સેન્ટરના સોશિયલ મીડિયા હેન્ડલ દ્વારા શેર કરવામાં આવી હતી. એક વીડિયોમાં નીતા અંબાણી કેમ્પસની આસપાસ ફરતા અને કારીગરો અને સ્થાનિક લોકો સાથે વાત કરતા જોઈ શકાય છે. આ મંદિરો ભારતની સમૃદ્ધ સંસ્કૃતિ, વારસો અને પૌરાણિક કથાઓના પુરાવા તરીકે ઊભા છે.
નીતા મુકેશ અંબાણી કલ્ચરલ સેન્ટરે વીડિયોમાં મંદિરોની ઝલક બતાવી
જામનગરમાં અંબાણી પરિવાર દ્વારા બાંધવામાં આવેલા આ મંદિરો અત્યંત સુંદર અને સ્થાપત્યની અજાયબી છે, અને જટિલ રીતે કોતરેલા સ્તંભો, બહુવિધ દેવતાઓની મૂર્તિઓ અને રંગબેરંગી ફ્રેસ્કો સ્ટાઇલના ચિત્રોથી શણગારેલા છે. નીતા મુકેશ અંબાણી કલ્ચરલ સેન્ટરના અધિકૃત હેન્ડલ દ્વારા શેર કરાયેલ ઇન્સ્ટાગ્રામ પોસ્ટમાં લખવામાં આવ્યું છે કે મૂર્તિકારો દ્ધારા જીવંત કરવામાં આવી, મંદિરની કલા સદીઓ જૂની ટેકનિકો અને પરંપરાઓને પ્રતિબિંબિત કરે છે.
અનંત-રાધિકાના પ્રી-વેડિંગ ફંક્શન માર્ચમાં યોજાશે.
નોંધનીય છે કે અનંત અંબાણી અને રાધિકા મર્ચન્ટ બાળપણના મિત્રો છે. ડિસેમ્બર 2022માં રાજસ્થાનના નાથદ્વારામાં શ્રીનાથજી મંદિરમાં આયોજિત પરંપરાગત સમારોહમાં બંનેએ સગાઈ કરી હતી. હવે આ કપલ 12 જુલાઈએ મુંબઈમાં શાહી લગ્ન કરશે. તે પહેલા રાધિકા અને અનંત ગુજરાતના જામનગરમાં 1 થી 3 માર્ચ સુધી પ્રી-વેડિંગ ફંક્શન કરશે. આ કપલના પ્રી-વેડિંગ સેલિબ્રેશનમાં અમિતાભ બચ્ચનથી લઈને શાહરૂખ ખાન અને સલમાન ખાન સુધીના તમામ બોલિવૂડ સ્ટાર્સ ભાગ લેશે. અનંત અને રાધિકાના પ્રી-વેડિંગ ફંક્શનમાં આંતરરાષ્ટ્રીય સ્ટાર્સ પણ ભાગ લેશે.
ટ્રેન્ડિંગ સમાચાર
ટોપ સ્ટોરી
