Mehsana: બોગસ IELTS સર્ટિથી USAમાં પ્રવેશતા વધુ 7 પકડાયા, જાણો વિગત

Mehsana News: આ તમામ યુવાન મહેસાણા અને દિલ્હી ના એજન્ટ મારફતે કેનેડા ગયા હતા. અંગ્રેજીમાં ઢ છતાં 7 થી 8 બેન્ડના સર્ટી મળી આવ્યા છે.

ફાઈલ તસવીર

Mehsana News:  બોગસ આઈ ઇ એલ ટી એસ સર્ટી થી અમેરિકામાં પ્રવેશ કરતા વધુ 7 ગુજરાતી યુવાનો પકડાયા છે. સ્ટુન્ડ વિઝા ઉપર કેનેડા ગયેલા આ યુવાનો એ ક્યુબીક રૂટ થી ન્યુયોર્કમાં પ્રવેશવા જતા પકડાયા છે. આ તમામ યુવાનો મહેસાણા અને ગાંધીનગરના હોવાનું સામે આવ્યું છે. યુ એસ ઇમિગ્રેશન એન્ડ કસ્ટમ એન્ફોર્સમેન્ટ દ્વારા યુવાનોની ધરપકડ કરવામાં આવી છે. આ તમામ પાસે થી આઈ ઇ એલ ટી એસ ના બોગસ સર્ટી મળી આવ્યા છે. આ તમામ યુવાન મહેસાણા અને દિલ્હી ના એજન્ટ મારફતે કેનેડા ગયા હતા. અંગ્રેજીમાં ઢ છતાં 7 થી 8 બેન્ડના સર્ટી મળી આવ્યા છે.

આ પહેલા પણ પકડાયા હતા યુવકો

આ પહેલા પણ આઠ બેન્ડ મેળવી ચાર યુવકને અમેરિકા મોકલવાના કૌભાંડનો પર્દાફાશ થયો. તપાસમાં સમગ્ર કૌભાંડના તાર નવસારી સાથે જોડાયેલા હોવાનું સામે આવ્યું છે.  મહેસાણાના માંકણજ, ધામણવા, રામનગર અને સંગણપુરના યુવકોએ નવસારીની હોટલ ફન સીટીના બેંકવેટ હોલમાં પરીક્ષા આપી હતી. અંગ્રેજી ન આવડતું હોવા છતાં IELTSમાં 8 બેંડ આપી દેવામાં આવ્યા હતા.

ચારેય યુવકો પહેલા કેનેડા ગયા હતા.  કેનેડાથી અમેરિકા બોટ મારફતે જતા પકડાઈ ગયા.  પકડાયેલા યુવકોને અમેરિકાની કૉર્ટમાં રજૂ કરાતા સમગ્ર ભાંડો ફૂટ્યો હતો.  કૉર્ટમાં રજૂ કરતા કાર્યવાહીમાં આ યુવકો અંગ્રેજી  ન બોલી શક્યાનો પર્દાફાશ થયો. .8 બેંડ કેવી રીતે મળ્યા તેને લઈને પણ સવાલ છે.  અમેરિકન એમ્બસીએ ભારતમાં એમ્બસીને જાણ કરી હતી.  એમ્બસી તરફથી મહેસાણા પોલીસને જાણ કરવામાં આવી હતી.   જેના પગલે મહેસાણા પોલીસવડાએ SOGને તપાસ સોંપી છે.  અંગ્રેજી ન આવડતું હોવા છતાં 8 બેંડ મેળવી ધ્રુવ પટેલ, નીલ પટેલ, ઉર્વીશ પટેલ અને સાવન પટેલ વિદેશ પહોંચ્યા હતાં.  પોલીસે IELTS પરીક્ષા અને એજન્ટોની ઉલટ તપાસ શરૂ કરી છે.

આ પણ વાંચોઃ