![ABP Premium](https://cdn.abplive.com/imagebank/Premium-ad-Icon.png)
Viral Video: પિતા બાળકને સ્કૂલ મૂકવા જતાં હતા,આ દરમિયાન જે બન્યું જોઇ હૈયુ કંપી જશે
હાલ સોશિયલ મીડિયા પર એક વીડિયો વાયરલ થયો છે. જેમાં પિતાની હાલત જોઇને બાળક રસ્તા પર હૈયાફાટ રૂદન કરતો જોવા મળે છે.
![Viral Video: પિતા બાળકને સ્કૂલ મૂકવા જતાં હતા,આ દરમિયાન જે બન્યું જોઇ હૈયુ કંપી જશે Punjab mansa goons brutally beat father near school in front of his son watch viral video Viral Video: પિતા બાળકને સ્કૂલ મૂકવા જતાં હતા,આ દરમિયાન જે બન્યું જોઇ હૈયુ કંપી જશે](https://feeds.abplive.com/onecms/images/uploaded-images/2023/08/10/53479144dd402bd343d87f9ddbd6d6f1169167489303681_original.jpg?impolicy=abp_cdn&imwidth=1200&height=675)
Viral Video: વાયરલ વીડિયોમાં જોઈ શકાય છે કે, પિતા બાઇક પર બાળકને સ્કૂલે છોડવા જઇ રહ્યા છે. આ સમય દરમિયાન કેટલાક અસામાજિક તત્વો આવીને તેના પિતા પર તૂટી પડે છે અને તેને ઘેરી વળે છે અને માર મારવાનું ચાલુ કરે છે.
સોશિયલ મીડિયા પર એક વીડિયો વાયરલ થઈ રહ્યો છે, જેમાં કેટલાક ગુંડા બાળકને સ્કૂલે મૂકવા જઈ રહેલા પિતાને માર મારતા જોવા મળે છે. આ ઘટના પંજાબના માનસાની જણાવવામાં આવી રહી છે. સવારનો સમય હતો. પિતા રાબેતા મુજબ બાઇક પર બાળકને શાળાએ મુકવા જતા હતા. શાળાએ પહોંચીને, જ્યારે તેણે બાઇક રોક્યું, ત્યારે તેની પાછળ આવેલા કેટલાક ગુંડાઓએ તેને ઘેરી લીધો અને લાકડીઓ વડે નિર્દયતાથી મારવાનું શરૂ કર્યું. પિતાને મારતા જોઈને પુત્ર જોર જોરથી રડવા લાગ્યો.
વાયરલ વીડિયોમાં જોઈ શકાય છે કે, પિતા તેમના પુત્રને સ્કૂલે મૂકવા માટે બાઇક પર આવ્યા છે. તેમની આગળ એક બાળક બેઠેલું છે. પિતાને ખબર ન હતી કે કેટલાક ગુંડાઓ તેમની પાછળ આવી રહ્યા છે. શાળાએ પહોંચ્યા પછી પિતાએ બાઇક રોકી તો તરત જ 4-5 ગુંડાઓએ હુમલો કર્યો અને લાકડીઓ અને સળિયા વડે બેરહેમીથી માર મારવાનું શરૂ કર્યું. જ્યારે પિતાને માર મારવામાં આવી રહ્યો હતો, ત્યારે એક ગુંડાએ બાળકને બાઇક પરથી સલામત રીતે ઉતાર્યો અને પછી તેમના પિતા પર લાકડી વડે હુમલો કરી દીધો.
Visuals from Mansa where due to personal rivalry, six people broke both legs of a person who had come to drop his son off at school. They had a previous dispute as well, and earlier also an FIR under section 307 has been registered against them. pic.twitter.com/JEohspw5P8
— Gagandeep Singh (@Gagan4344) August 10, 2023
પોલીસે ફરિયાદ નોંધી તપાસ કરી શરૂ
આ ઘટના શાળાની સામે જ બની હતી. જે સમયે આ ઘટના બની તે સમયે આસપાસ ઘણા વાલીઓ હાજર હતા, જેઓ તેમના બાળકને શાળાએ મૂકવા આવ્યા હતા. કહેવામાં આવી રહ્યું છે કે ગુંડાઓ અને આ વ્યક્તિ વચ્ચે કોઈ વાતને લઈને વિવાદ ચાલી રહ્યો હતો. ગુંડાઓએ શા માટે આ ઘટનાને અંજામ આપ્યો તે હજું સુધી જાણી શકાયું નથી. જો કે, પોલીસે મામલાને ગંભીરતાથી લઈને આરોપીઓ સામે ગુનો નોંધ્યો છે. પોલીસે ગુનેગારો સામે IPC 307 કલમ હેઠળ (હત્યાના પ્રયાસ) હેઠળ કેસ નોંધ્યો છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)