રાજકોટઃ 10 ઇંચ કરતા વધુ વરસાદ પડતાં કયું ગામ બન્યું સંપર્ક વિહોણું? જાણો વિગત

ધોધમાર 10 ઇંચ જેટલો વરસાદ પડતા તાલુકાનું છેલ્લી ઘોડી ગામ સંપર્ક વિહોણું બન્યું છે. ગામના આગેવાનોએ અધિકારીને મદદ માટે જાણ કરી છે.

રાજકોટઃ જિલ્લાના પડધરી તાલુકાના ગ્રામ્ય વિસ્તારોમાં ધોધમાર 10 ઇંચ જેટલો વરસાદ પડતા તાલુકાનું છેલ્લી ઘોડી ગામ સંપર્ક વિહોણું બન્યું છે. આ અંગે જિલ્લા અને તાલુકાના અધિકારીઓને જાણ કરવામાં આવી છે. ગામના આગેવાનોએ અધિકારીને મદદ માટે જાણ કરી છે. તાલુકાના નારણકા, બાધી, ખંઢેરીમાં 10 ઈંચ જેટલો વરસાદ પડ્યો હતો. 24 કલાકમાં અંદાજે 8 થી 10 ઇંચ વરસાદ પડ્યો છે. પડધરી તાલુકાના હેઠવાસના વિસ્તારોમાં રહેતાં લોકોને નદીના પટમાં અવર-જવર ન કરવા આદેશ અપાયો છે. રાજકોટ જિલ્લામાં સાર્વત્રિક સવરસાદના કારણે જળાસયોની સપાટીમાં વધારો થઈ રહ્યો છે. પડધરી તાલુકાના રંગપર ગામ નજીક આવેલ ન્યારી ડેમ-૨ ઓવરફ્લો થયો છે. ડેમમાં ૧૩,૬૧૬ ક્યુસેક પાણીની આવક છે. ગામના હેઠવાસમાં આવેલા ગોવિંદપર, ખામટા, રામપર, તરધડી,  વણપરી ગામોમાં રહેતા લોકોને નદીના પટમાં અવર-જવર નહીં કરવા તેમજ સાવચેત રહેવા મોનીટરીંગ ઓફિસર ફ્લડ સેલ અને નાયબ કાર્યપાલક ઈજનેર દ્વારા સૂચના આપવામાં આવી છે.