Rajkot: જેતપુરમાં હીટરથી પાણી ગરમ કરતા લાગ્યો કરંટ, 11 વર્ષની બાળકીનું મોત
રાજકોટના જેતપુરમાં વીજ કરંટ લાગતા બાળકીનું મોત થયું હતું
રાજકોટના જેતપુરમાં વીજ કરંટ લાગતા બાળકીનું મોત થયું હતું. મળતી જાણકારી અનુસાર, જેતપુરમાં પાણિયારી શેરીમાં હીટરથી પાણી ગરમ કરતા સમયે 11 વર્ષની બાળકીને કરંટ લાગતા મોત થયું હતું. જેતપુરના ભદ્રેશ્વર મંદિર પાસે પાણિયારી શેરી વિસ્તારમાં 11 વર્ષની ખુશી મચ્છર પાણીની ડોલમાં હીટર મૂકી પાણી ગરમ કરી રહી હતી. દરમિયાન પાણી ગરમ થયું છે કે કેમ તેની તપાસ માટે પાણીની ડોલમાં હાથ નાખતા બાળકીને કરંટ લાગ્યો હતો. હીટરમાં ફોલ્ટ હોવાથી કરંટ લાગ્યો હોવાનું માનવામાં આવી રહ્યુ છે.
બાળકીને કરંટ લાગતા તે નીચે પટકાતા ઘરના સભ્યો દોડી આવ્યા હતા. બાદમાં બાળકીને જેતપુર સરકારી હોસ્પિટલમાં સારવાર માટે ખસેડાઇ હતી જ્યાં તેને મૃત જાહેર કરાઇ હતી. બાળકીના મૃતદેહને પીએમ અર્થે ખસેડવામાં આવ્યો હતો. બાળકીના મોતને પગલે પરિવારમાં શોકનો માહોલ ફેલાયો હતો. જેતપુર પોલીસે તપાસ હાથ ધરી હતી.
Rajkot: જેતપુરમાં હીટરથી પાણી ગરમ કરતા લાગ્યો કરંટ, 11 વર્ષની બાળકીનું મોત
જિલ્લાના જેતપુરમાં ગોદરા વિસ્તારમાં મકાન ધરાશાયી થવાની ઘટના સામે આવી છે. જેતપુરના ગોદરા વિસ્તારમાં આવેલ જૂનું મકાન ધરાશાયી થતા અફરાતફરી મચી જવા પામી છે. ઉપરના ભાગમાં આવેલ વર્ષો જૂની ગઢની રાંગની ભેખડ ધસી પડતાં આ બનાવ બન્યો હતો. ઉપર ભાગના વરસાદના કારણે પાણી વહેતું હોવાથી દુર્ઘટના ઘટી.
અંદાજે 100 વર્ષ જુના 6 મકાનો ધરાશાઈ થતાં અફરાતફરી મચી ગઈ છે. મકાનમાં રહેલ 8 વ્યક્તિઓ દટાયા હોવાની વિગતો સામે આવી છે. હાલમાં 2 નાની બાળકી અને 1 વૃદ્ધાનું મોત નિપજ્યું છે અને પાંચ લોકો ઈજા ગ્રસ્ત થયા છે. મૃતકમાં વૃદ્ધા જયાબેન રાજુભાઈ મકવાણા ઉ.વ. 50 તેમજ બે બાળકીઓ મેઘના અશોકભાઈ મકવાણા ઉ.વ.10 તેમજ સિદ્ધિ વિક્રમભાઈ સાસડા ઉ.વ.7નું મોત નિપજ્યું છે.
5 લોકો ઇજાગ્રસ્ત
- વંદના અશોકભાઈ મકવાણા ઉ.વ.14
- શીતલબેન વિક્રમભાઈ સાસડા ઉ.વ.30
- કરસનભાઇ દાનાભાઈ સાસડા ઉ.વ.40
- રિદ્ધિ વિક્રમભાઈ સાસડા ઉ.વ.8
- અશોકભાઈ રાજુભાઈ મકવાણા ઉ.વ33 નો સમાવેશ થાય છે.
હાલ તમામ ઈજાગ્રસ્ત લોકોને સારવાર જેતપુર સરકારી હોસ્પિટલ ચાલી રહી છે. મકાન ધરાશાયી થવાની ઘટનાને લઈને મોટી સખ્યામાં લોકો એકઠા થઈ ગયા હતા.
Join Our Official Telegram Channel:
ટ્રેન્ડિંગ સમાચાર
ટોપ સ્ટોરી
