Accident: રાજકોટ હાઇવે પર સ્કૂટર રેલિગ સાથે અથડાતા સર્જાયો અકસ્માત, સ્કૂટર પર ગોંડલ જતાં 2 યુવકનાં મોત

રાજકોટના જેતપુર નજીક હાઇવે પર સ્કૂટર પર જતો યુવક રેલિંગ સાથે અથડાતા ભયંકર અકસ્માત સર્જાયો હતો. અકસ્માતમાં 2 આશાસ્પદ યુવકના મોત થયા છે.

રાજકોટ હાઇવે પર અકસ્માત ( તસવીર-એબીપી અસ્મિતા)

Accident:રાજકોટના જેતપુર નેશનલ હાઇવે પર  કાગવડ નજીક સ્કૂટર પર જતાં યુવકનું બેલેન્સ બગડતાં અકસ્માત સર્જાયો હતો.સ્કૂટર ચાલકનું બેલેન્સ બગડતાં સ્કૂટર રેલિંગ સાથે અથડાયું હતુ . ઘટનામાં બે યુવકને ગંભીર ઇજા થતાં ઘટનાસ્થળે જ મોત થયા છે. ઘટના વીરપુર કાગવડ વચ્ચે સર્જાઇ હતી. આ યુવક સ્કૂટરમાં  જેતપુર થી ગોંડલ જઈ રહ્યો હતો. આ દરમિયાન સ્કૂટર  રેલિંગ સાથે અથડાતા મોત થયું છે. મતૃકની ઓળખ  20 વર્ષિય જલાલ કટારીયા,  અને 18 વર્ષિ.ય  નઝીર શાહમદાર તરીકે થઇ છે. બંને મૃતકના મૃતદેહને વીરપુર સરકારી હોસ્પિટલ પોસ્ટમોર્ટમ માટે લાવવામા આવ્યા હતા. ઘટનાની જાણ થતાં  વીરપુર પોલીસ ઘટનાસ્થળે પહોંચી હતી અને  અકસ્માતના બનાવમાં તપાસ હાથ ધરી છે.

અકસ્માતની ઘટના બાદ રાજકોટ હાઇવે પર વીરપુર કાગવડ વચ્ચે થોડો સમય માટે ટ્રાફિક જામ થઇ ગયો હતો. પોલીસ ઘટના સ્થળે પહોચીને ટ્રાફિક કિલયર કર્યો હતો અને આગળની તજવીજ હાથ ધરી હતી. ઘટનામાં બંને આશાસ્પદ યુવકના મોત નિપજતાં પરિવારમાં શોકનું મોજુ ફરી વળ્યું છે.