Gujarat Election 2022 : વજુભાઈ વાળાના અંગત મદદનીશની વધી મુશ્કેલી, જાણો શું છે કારણ?

વજુભાઈ વાળાના અંગત મદદનીશની મુશ્કેલી વધી શકે. વજુભાઈના અંગત મદદનીશ તેજસ ભટ્ટી સામે સામે કોર્પોરેશન અને સંબંધિત સંસ્થાઓ પગલા ભરી શકે છે. તેજસ ભટ્ટીએ ભાજપમાંથી 68 અને 69 બેઠક માટે દાવેદારી નોંધાવી છે.

તસવીરઃ વજુભાઈ વાળા

Gujarat Election 2022 :  વજુભાઈ વાળાના અંગત મદદનીશની મુશ્કેલી વધી શકે છે. વજુભાઈના અંગત મદદનીશ તેજસ ભટ્ટી સામે સામે કોર્પોરેશન અને સંબંધિત સંસ્થાઓ પગલા ભરી શકે છે. તેજસ ભટ્ટીએ ભાજપમાંથી 68 અને 69 બેઠક માટે દાવેદારી નોંધાવી છે. તેજસ ભટ્ટી મહાપાલિકાના જુનિયર ક્લાર્ક છે. તેજસ ભટ્ટી પ્રેસ કોન્ફ્રેરન્સમાં કહી ચુક્યા છે કે તેઓ ભાજપ માટે કામ કરતા રહે છે . કોર્પોરેશનના કર્મચારી હોવા છતાં કોઈ રાજકીય પાર્ટી માટે કામ કરવું એ નિયમ વિરુદ્ધ છે. ત્યારે તેજસ ભટ્ટી સામે કોર્પોરેશન અને સંબંધિત સંસ્થાઓ કાર્યવાહી કરી શકે છે.

Gujarat Election 2022 : ભાજપમાં પરિવારવાદ ચલાવવા ઈચ્છતા નેતાઓમાં હડકંપ 

Gujarat Election 2022 : ભાજપમાં પરિવારવાદ ચલાવવા ઈચ્છતા નેતાઓમાં હડકંપ છે. ભાજપે મિશન 2022 માટે લીધેલા નિર્ણયથી હડકંપ મચ્યો છે. વર્તમાન ધારાસભ્યો કે સાંસદોના સંતાનોને ભાજપ ટીકીટ નહિ આપે. સાંસદ મનસુખ વસાવા અને ભરતસિંહ ડાભીના અનુભવથી કેટલાક નેતાઓ ચિંતામાં મુકાયા છે. મનસુખ વસાવા અને ભરતસિંહ ડાભીએ સંતાનો માટે  ટિકિટ માગી હતી.

બંને સાંસદોને ભાજપના નેતૃત્વએ ટિકિટ આપવાની ના પાડી દીધી છે. ઉંમર વધતી હોય તેવા કેટલાક નેતાઓ સંતાનોને સેટ કરવા ઈચ્છતા હતા. ટર્મ વધતી હોય અને લોકપ્રિયતા ઘટતી હોય તેવા નેતાઓ પોતાના સંતાનોને સેટ કરવા ધમપછાડા કરતા હતા.

Gujarat Election 2022 : રાજીનામા અંગે મેં પાટીલને જાણ કરી હતીઃ જયનારાયણ વ્યાસ

Gujarat Election 2022 : ભાજપમાંથી રાજીનામું આપ્યા બાદ જયનારાયણ વ્યાસનું નિવેદન સામે આવ્યું છે. 32 વર્ષ ભાજપ સાથે ગાળ્યા. આજે પણ ભાજપ સાથે કોઈ વાંધો નથી. જિલ્લાની પરિસ્થિતિ સારી નથી. દર વખતે કાર્યકરોની અવગણના થાય. ભાજપના અધ્યક્ષના પાટણ જિલ્લા સાથેનું વલણ યોગ્ય નથી. પાટણ જિલ્લાની એક ટોળકી બધું બગાડે છે.

તેમણે કહ્યું કે, નાની બાબતમાં અધ્યક્ષને ફરિયાદ કરવી પીડા દાયક હતું. રાજ્યના અધ્યક્ષ સી આર પાટીલનું કાર્ય સારું છે. કોંગ્રેસમાંથી આવેલા નેતાઓ દ્વારા જિલ્લાનું વાતાવરણ બગડ્યું. આજે હું કાર્યકરો સાથે નક્કી કરીશ. હું ચૂંટણી લડીશ તેમાં બે મત નથી. રાજકારણમાં રહીને લોકોના કામ કરીશ. રાજકારણમાં નહિ રહ્યુ તો કોર્ટના માધ્યમથી લડીને લોકોના કામ કરીશ.

તેમણે કહ્યું કે, સિદ્ધપુરમાં મારું મકાન, દુકાન કે ઓફિસ કશું જ નથી. હું 11માં ધોરણ સુધી સિદ્ધપુર રહ્યો છું, મારે સિદ્ધપુરનું ઋણ ઉતારવું છે. રાજકારણ માટે મારી પાસે બે વિકલ્પ છે. કોંગ્રેસ અથવા આપમાં જોડાઇશ. મેં અગાઉ પણ રાજીનામું આપ્યું હતું, સી આર પાટિલે મને ત્યારે સમજાવ્યો હતો. 5 જેટલા લોકો સંગઠન પર હાવી થઈ ગયા છે. રાજીનામા અંગે મેં પાટીલને જાણ કરી હતી.