મોરબી ભાજપમાં ભાંજગડ, સાંસદ મોહન કુંડારિયા કાર્યકરોને ધમકાવતા હોવાનો આરોપ

આરોપો વચ્ચે મોરબીના પૂર્વ ધારાસભ્ય કાંતિ અમૃતિયાનું પણ નામ ઉછળ્યું છે. 

ફાઈલ તસવીરઃ સાંસદ મોહન કુંડારિયા

મોરબીના વાંકાનેર ભાજપના નેતા જીતુ સોમાણીએ રાજકોટના સાંસદ મોહન કુંડારિયા અને મોરબી જિલ્લા ભાજપ પ્રમુખ દુર્ભલભાઈ દેથરિયા પર સવાલોના તીર છોડ્યા છે. 

જીતુ સોમાણીનો આરોપ છે કે સાંસદ મોહન કુંડારિયા કાર્યકરોને ધમકાવી રહ્યા છે. એટલું જ નહીં.. કિન્નાખોરી રાખી મોહન કુંડારિયા તેમની કારકિર્દી ખતમ કરવાનો પ્રયાસ કરી રહ્યા છે.

તો જિલ્લા ભાજપ પ્રમુખ દુર્લભભાઈ દેથરિયાએ વાંકાનેર શહેર ભાજપ પ્રમુખ દીનુભાઈ વ્યાસને નોટિસ આપતા જીતુ સોમાણી રોષે ભરાયા છે. તો આરોપો વચ્ચે મોરબીના પૂર્વ ધારાસભ્ય કાંતિ અમૃતિયાનું પણ નામ ઉછળ્યું છે. 

કહેવાયું કે કાંતિ અમૃતિયાએ પાર્ટી વિરૂદ્ધ કામ કર્યા છતા તેમની સામે પગલા કેમ ન લેવામાં આવ્યા.