હવામાન વિભાગની આગાહી વચ્ચે રાજકોટ શહેરમાં શરુ થયો વરસાદ
હવામાન વિભાગની આગાહી વચ્ચે રાજકોટ શહેરમાં વરસાદ શરુ થયો છે. રાજકોટ સહિત સૌરાષ્ટ્રના અનેક વિસ્તારમાં વરસાદ શરુ થયો છે. વરસાદના કારણે કેરીના પાકને નુકશાન થવાનો ડર છે.
રાજકોટ: હવામાન વિભાગની આગાહી વચ્ચે રાજકોટ શહેરમાં વરસાદ શરુ થયો છે. રાજકોટ સહિત સૌરાષ્ટ્રના અનેક વિસ્તારમાં વરસાદ શરુ થયો છે. વરસાદના કારણે કેરીના પાકને નુકશાન થવાનો ડર છે. આજે સવારે દક્ષિણ ગુજરાતના વાતાવરણમાં પલટો આવ્યો હતો. રાજ્યમાં છેલ્લા બે દિવસથી વાદળછાયુ વાતાવરણ છે.
ગુજરાતના અનેક વિસ્તારોમાં વાતાવરણમાં પલટો, આ જગ્યાએ મેઘરાજાની પધરામણી
ગુજરાતમાં છેલ્લા બે દિવસથી ઘણા વિસ્તારોમાં વાતાવરણમાં પલટો જોવા મળી રહ્યો છે. વાદળછાયા વાતાવરણના કારણે લોકોને ગરમીમાંથી થોડી રાહત મળી છે. તો બીજી તરફ વલસાડના વાતાવરણમાં પલટો આવ્યો છે. વલસાડના આજુબાજુના વિસ્તારોમાં અમી છાંટણા થયા છે. વહેલી સવારથી આકાશમાં કાળા ડિબાંગ વાદળો જોવા મળી રહ્યા છે. તિથલ સહિત કાંઠા વિસ્તારોમાં ભારે પવન ફૂંકાયો જેને કારણે લોકોને ગરમીમાંથી થોડી રાહત મળી છે.
બીજી તરફ દાહોદ જિલ્લાના વાતાવરણમાં પણ પલટો આવ્યો છે. ધાનપુર અને દેવગઢ બારીયાના ગ્રામ્ય વિસ્તારોમાં વરસાદ પડ્યો છે. વરસાદના પગલે વાતાવરણ ઠંડક પ્રસરી છે. જિલ્લામાં ભારે પવન સાથે કેટલાક વિસ્તારમાં વાદળછાયુ વાતાવરણ જોવા મળી રહ્યું છે.
ડાયમંડ નગરી સુરતની વાત કરીએ તો વરસાદ બાદ શહેરમાં ગઈકાલે ઝડપી પવનો ફૂંકાયા હતા. આજે પણ વાદળછાયું વાતાવરણ જોવા મળી રહ્યું છે. ઝડપી પવનોને કારણે સુરતવાસીઓને ગરમીમાંથી રાહત મળી છે. 20 કિમીની ઝડપે પવન ફૂંકાવાને કારણે ઝાડ પડવાના બનાવો બન્યા છે. સુરત શહેરના અલગ અલગ વિસ્તારોમાં 10થી વધુ ઝાડ પડવાના કોલ મળ્યા છે. વાદળ તેમજ ભારે પવનને કારણે બે ફ્લાઇટ રદ્દ કરવામાં આવી હતી.
આ ઉપરાંત મહિસાગરમાં પણ સતત ત્રીજા દિવસે વાતાવરણમાં પલટો આવ્યો છે. વહેલી સવારથી વાદળછાયું વાતાવરણ સર્જાયું છે. આકાશમાં કાળાડિબાંગ વાદળો ઘેરાયા છે. લુણાવાડા, સંતરામપુર, બાલાસિનોર, વિરપુર સહિત તાલુકામાં વાદળ છાયું વાતાવરણ સર્જાયું છે. વાદળછાયા વાતાવરણની સાથે ઠંડા પવન ફુંકાતા ગરમીના પ્રમાણમાં ઘટાડો છે.
Before You Go
Jitu Vaghani Praises Nitin Patel : શંકર ચૌધરી બાદ જીતુ વાઘાણીએ નીતિન પટેલના કર્યા ભરપૂર વખાણ
ટોપ સ્ટોરી
ટ્રેન્ડિંગ સમાચાર
