Rajkot: શાપર, વેરાવળ અને આસપાસના વિસ્તારમાં ભૂકંપના આંચકા

Latest Rajkot News: ભૂકંપના આંચકાની તીવ્રતા અંગે વહીવટી તંત્ર વિગતો મેળવી રહ્યું છે.

ફાઈલ તસવીર

Source : PTI

Rajkot News: રાજકોટની ભાગોળે શાપર નજીક ભૂકંપના આંચકાઓ આવ્યા છે. શાપર, વેરાવળ અને આસપાસ વિસ્તારમાં આંચકાની અનુભૂતિ થઈ છે. આ પહેલા પણ શાપર અને આસપાસનાં વિસ્તારમાં આંચકાઓ આવ્યા હતા. ભૂકંપના આંચકાની તીવ્રતા અંગે વહીવટી તંત્ર વિગતો મેળવી રહ્યું છે.

થોડા દિવસ પહેલા ભાવનગરમાં ભૂકંપનો આંચકો અનુભવાયો હતો. 3.2 ની તીવ્રતાનો આંચકો અનુભવાતા ફફડાટ ફેલાયો હતો. મળતી માહિતી પ્રમાણે 15 થી 20 સેકન્ડ ભુકંપનું કંપન અનુભવાયું હતું. જેના કારણે લોકો ઘરની બહાર દોડી આવ્યા હતા. 3.2 તીવ્રતાનો ભૂકંપ 9 અને 52 મિનિટ પર અનુભવાયો હતો. ભાવનગરથી 17 કિલોમીટર ભૂકંપનું કેન્દ્ર બિંદુ હોવાની માહિતી સામે આવી હતી. ભાવનગરના ગ્રામ્ય વિસ્તાર અને શિહોર તાલુકાના ગ્રામ્ય વિસ્તારમાં આ ધરતીકંપનો આંચકો અનુભવાયો હતો.  ઘોઘા તાલુકાના સાણોદર કુકડ , ગોરિયાળી, કંટાળા ( રામપર) ભાખલ ,લાકડીયા , નવાગામ(નાના) , બાડી ,પડવા , ભંડારીયા સહિતના ગ્રામ્ય વિસ્તારોમાં રાત્રીના ૯.૫૨ મીનીટે ૩.૨ ની તીવ્રતા ભૂકંપ નો હળવો આંચકો અનુભવાયો હતો.

ભૂકંપની તીવ્રતા

રિક્ટર સ્કેલ પર 2.0 થી ઓછી તીવ્રતાવાળા ધરતીકંપોને સૂક્ષ્મ તરીકે વર્ગીકૃત કરવામાં આવે છે અને અનુભવી શકાતા નથી. રિક્ટર સ્કેલ પર સૂક્ષ્મ શ્રેણીના 8,000 ભૂકંપ વિશ્વભરમાં દરરોજ નોંધાય છે. તેવી જ રીતે, 2.0 થી 2.9 ની તીવ્રતાવાળા ધરતીકંપોને માઇનોર કેટેગરીમાં રાખવામાં આવ્યા છે. આવા 1,000 ધરતીકંપો દરરોજ આવે છે, જે આપણે સામાન્ય રીતે અનુભવતા પણ નથી. 3.0 થી 3.9 ની તીવ્રતાના અત્યંત હળવા ધરતીકંપ એક વર્ષમાં 49,000 વખત નોંધાયા છે. તેઓ અનુભવાય છે પરંતુ ભાગ્યે જ કોઈ નુકસાન પહોંચાડે છે. લાઇટ શ્રેણીના ધરતીકંપો 4.0 થી 4.9 તીવ્રતાના હોય છે જે સમગ્ર વિશ્વમાં એક વર્ષમાં લગભગ 6,200 વખત રિક્ટર સ્કેલ પર નોંધાય છે. આ આંચકા અનુભવાય છે અને તેના કારણે ઘરની વસ્તુઓ હલતી જોવા મળે છે. જો કે, તેઓ નજીવું નુકસાન પહોંચાડે છે.

ભૂકંપ આવે ત્યારે બચવા શું કરશો

• ભૂકંપ આવતા જો તમે ઘરમાં છો તો જમીન પર બેસી જાવ.
• મજબૂત ટેબલ કે કોઈ ફર્નીચરની નીચે શરણ લો.
• ટેબલ ન હોય તો હાથ વડે ચેહરા અને માથાને ઢાંકી લો.
• ઘરના કોઈ ખૂણામાં જતા રહો.
• કાંચ બારીઓ દરવાજા અને દિવાલથી દૂર રહો.
• પથારી પર છો તો સૂઈ રહો. ઓશિકા વડે માથુ ઢાંકી લો.
• આસપાસ ભારે ફર્નીચર હોય તો તેનાથી દૂર રહો.
• લિફ્ટનો ઉપયોગ કરતા બચો..
• પેંડુલમની જેમ હલીને દિવાલ સાથે લિફ્ટ અથડાઈ શકે છે
• લાઈટ જવાથી પણ લિફ્ટ રોકાય શકે છે.
• નબળી સીઢીઓનો ઉપયોગ ન કરો..
• સામાન્ય રીતે બિલ્ડિંગોમાં બનેલ સીઢીયો મજબૂત નથી હોતી.
• ઝટકો આવતા સુધી ઘરની અંદર જ રહો
• આંચકા આવતા બંધ થાય ત્યારે બહાર નીકળો.