![ABP Premium](https://cdn.abplive.com/imagebank/Premium-ad-Icon.png)
Gujarat Rain: આગામી ત્રણ દિવસ માવઠાની આગાહીથી સુરતના ખેડૂતો ચિંતિત, જાણો કયા પાકોને થશે નુકસાન.....
આજથી સમગ્ર ગુજરાતમાં કમોસમી વરસાદ માવઠુ થઇ શકે છે, સુરત જિલ્લામાં આજથી ત્રણ દિવસ સુધી ભારે વરસાદ થઇ શકે છે
![Gujarat Rain: આગામી ત્રણ દિવસ માવઠાની આગાહીથી સુરતના ખેડૂતો ચિંતિત, જાણો કયા પાકોને થશે નુકસાન..... Gujarat Rain: Unseasonable rainfall be come in surat and farmers going into worried in surat region Gujarat Rain: આગામી ત્રણ દિવસ માવઠાની આગાહીથી સુરતના ખેડૂતો ચિંતિત, જાણો કયા પાકોને થશે નુકસાન.....](https://feeds.abplive.com/onecms/images/uploaded-images/2023/11/20/082f7c922aa46c2a855be8d3cdb9073f170046952914577_original.jpg?impolicy=abp_cdn&imwidth=1200&height=675)
Gujarat Rain: શિયાળાની ઠંડીની વચ્ચે હવે ગુજરાતમાં માવઠાની આગાહીથી ખેડૂતોમાં ચિંતા પેઠી છે, હવામાન વિભાગ અનુસાર, આજથી આગામી ત્રણ દિવસ સુધી સમગ્ર ગુજરાતમાં માવઠાની આગાહી કરવામાં આવી છે, જેના કારણે ખેતરોમાં ઉભા પાકને મોટુ નુકસાન થઇ શકે છે.
આજથી સમગ્ર ગુજરાતમાં કમોસમી વરસાદ માવઠુ થઇ શકે છે, સુરત જિલ્લામાં આજથી ત્રણ દિવસ સુધી ભારે વરસાદ થઇ શકે છે, આ કમોસમી વરસાદને લઇને હવે સમગ્ર સુરત જિલ્લામાં ખેડૂતોમાં ચિંતા છે. સુરત જિલ્લામાં હવામાન વિભાગ દ્વારા આજથી એટલે કે, ૨૫, ૨૬ અને ૨૭ નવેમ્બર સુધી કમોસમી વરસાદની આગાહી કરવામાં આવી છે. ગઈકાલે રાત્રે ઓલપાડ તાલુકામાં માવઠું થયુ હતુ. હવામાન વિભાગે કરેલી આગાહીથી ખેડૂતોના ઉભા પાકને પણ મોટુ નુકસાન પહોંચી શકે છે. જો માવઠુ થશે તો જિલ્લામાં શાકભાજી, શેરડી, કપાસ સહિતના કેટલાય પાકને નુકસાન થશે. હાલ સહકારી મંડળીઓ દ્વારા મંડળીમાં ભેગી થયેલા પાકને ઢાંકી દેવામાં આવ્યો છે.
કમોસમી વરસાદની આગાહી
25 અને 26 નવેમ્બરે સૌરાષ્ટ્ર કચ્છ, ઉત્તર ગુજરાત તેમજ દક્ષિણ ગુજરાતમાં વરસાદની આગાહી કરવામાં આવી છે. 27 નવેમ્બરે દક્ષિણ ગુજરાતમાં છૂટો છવાયો વરસાદ રહી શકે છે. પૂર્વ દિશાના પવન અને ભેજ રહેતા વરસાદી માહોલ રહેશે. 3 દિવસ બાદ તાપમાન ઘટતા ઠંડી વધશે. ખેડૂતોના માથે સંકટના વાદળો ઘેરાયા છે ત્યારે માર્કેટ યાર્ડના સંચાલકોએ વેપારીઓ અને ખેડૂતોને સૂચના આપી છે. રાજ્યભરના માર્કેટયાર્ડના સત્તાધીશીઓએ સૂચના આપી છે ખેડૂતો અને વેપારીઓ પોતાની ખેત પેદાશોને સુરક્ષિત રીતે ઢાંકી દે. ડીસામાં માર્કેટયાર્ડના સંચાલકોએ માવઠાની આગાહીને લઈને ખેડૂતોને સૂચના આપી છે. પાટણ એપીએમસીએ પણ ખેડૂતો અને વેપારીઓ માટે સૂચના જાહેર કરી છે. ખેત પેદાશોને ઢાંકીને રાખવા અને સુરક્ષિત જગ્યાએ રાખવાની સૂચના અપાઈ છે.
ગુજરાતમાં ઠંડીનું જોર વધ્યું, 16.2 ડિગ્રી સાથે આ શહેર સૌથી ઠંડુ રહ્યું
ભેજનું પ્રમાણ વધતા રાજ્યભરમાં ઠંડીનું જોર વધ્યું છે. અનેક શહેરોમાં લઘુતમ તાપમાનનો પારો એકથી બે ડિગ્રી સુધી ગગડ્યો છે. નલિયા 16.2 ડિગ્રી સાથે રાજ્યનું સૌથી ઠંડુ શહેર બન્યું છે. ગાંધીનગરમાં 17 ડિગ્રી તો અમદાવાદમાં લઘુતમ તાપમાન 18.1 ડિગ્રી નોંધાયું છે. જ્યારે સુરતનું તાપમાન 21 ડિગ્રી નોંધાયું છે. રાજ્યભરમાં ઠંડીનો ચમકારો વધી રહ્યો છે. ભારે પવન સાથે રાજ્યભરમાં ઠંડીનો અનુભવ થઇ રહ્યો છે. રાજ્યના અનેક શહેરોમાં તાપમાનનો પારો 20 ડિગ્રીથી નીચે નોંધાયો છે. હવામાન વિભાગ દ્વારા આગાહી કરવામાં આવી છે કે, આગામી પાંચ દિવસ સુધી હવામાન શુષ્ક રહેશે. ગાંધીનગરમાં 17.0 ડિગ્રી તાપમાન નોંધાયું છે. રાજકોટમાં 19 ડિગ્રી અને ભાવનગરમાં 20 ડિગ્રી તાપમાન નોંધાયું છે. નલિયા 16.02 ડિગ્રી સાથે સમગ્ર રાજ્યનું સૌથી ઠંડુ શહેર રહ્યું છે. સુરત શહેરમાં 21 ડિગ્રી લઘુતમ તાપમાન પહોંચ્યું છે. સમગ્ર રાજ્યમાં ઠંડીનો જરોદાર ચમકારો જોવા મળી રહ્યો છે. છેલ્લા એક અઠવાડિયાથી રાજ્યમાં ઠંડીનો પારો ગગડી રહ્યો છે. રાજ્યમાં બેથી ત્રણ ડિગ્રી તાપમાનમાં ઘટાડો જોવા મળ્યો છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)