Surat : ઘરજમાઈએ સાળી સાથે શરીર સુખ માણી માણીને કરી દીધી પ્રેગ્નન્ટ, ફરિયાદ થતાં 20 વર્ષની થઈ સજા,પેરોલ પર આવ્યો બહાર ને........

આરોપી લગ્ન પછી તે ઘર જમાઇ તરીકે રહેતો હતો. આ સમયે તેણે પોતાની સાળી પર નજર બગાડી હતી વર્ષ 2018માં સગીર સાળી સાથે વારંવાર પરાણે શારીરિક સંબંધ બાંધી તેને ગર્ભવતી બનાવી દીધી હતી.

પ્રતિકાત્મક તસવીર.

સુરત : પનાસમાંથી 11 વર્ષીય સાળાનું અપહરણ કર્યા પછી તેની હત્યા કરવાના કેસમાં ચોંકાવનારી વિગતો સામે આવી છે. આ આરોપીને સગી સાળી પર બળાત્કાર ગુજારવાના કેસમાં 20 વર્ષી જેલની સજા થઈ છે. ત્યારે આ કેસમાં પેરોલ પર આવેલા આરોપીએ સાળી સાથે સમાધાન ન થતાં સાળાનું અપહરણ કરીને તેની હત્યા કરી નાંખી હતી. હત્યા પછી આરોપી બનેવી બિહાર ભાગી ગયો છે. ત્યારે પોલીસે તેની ધરપકડ કરવા ચક્રો ગતિમાન કર્યા છે. 

આ અંગેની વિગતો એવી છે કે, હત્યારા ડબલ્યુસીંગ રાજપૂતે મૃતકની મોટી બહેન સાથે લવ મેરેજ કર્યા છે. લગ્ન પછી તે ઘર જમાઇ તરીકે રહેતો હતો. આ સમયે તેણે પોતાની સાળી પર નજર બગાડી હતી વર્ષ 2018માં સગીર સાળી સાથે વારંવાર પરાણે શારીરિક સંબંધ બાંધી તેને ગર્ભવતી બનાવી દીધી હતી. આ અંગે સાળીએ પોલીસ ફરિયાદ કરી હતી અને આ ગુનામાં બનેવીને 20 વર્ષની સજા થઈ હતી. 

લાંબા સમયથી જેલમાં આરોપી તરીકે રહેલા યુવકને તેની પત્નીએ જ જામીન પર છોડાવ્યા હતો અને થોડા દિવસ પહેલા જામીન પર છૂટ્યો હતો. આ પછી તે સતત યુવતીના પરિવાર સાથે સમાધાન કરવા માટે પ્રેશર કરતો હતો. જોકે, સાળી સમાધાન કરવા માટે તૈયાર ના થતા આરોપી બનેવીએ પોતાના સગા સાળાનું અપહરણ કરી તેની હત્યા કરી પરિવાર સાથે બદલો લેવાનો પ્રયાસ કર્યો હોવાનો આક્ષેપ કરાઇ રહ્યો છે.

ગઈ કાલે આ બાળકની હત્યા કરાયેલી લાશ ડુમસ વિસ્તારમાંથી મળી આવી હતી. પોલીસ તપાસમાં લાજપોર જેલમાં બળાત્કારના ગુનામાં સંડોવાયેલા આરોપીએ જેલમાંથી છૂટ્યા બાદ સગા સાળાનું અપહરણ કરી તેની ઘાતકી હત્યા કરતા સમગ્ર વિસ્તારમાં ચકચાર મચી જવા પામી છે. પોલીસને હવે બાળકની લાશ મળી આવતા, પોલીસે આ મામલે તાત્કાલિક અસરથી હવે હત્યાનો ગુનો નોંધી આરોપીને પકડી પાડવા ચક્રો ગતિમાન કર્યા છે. ખટોદરા પોલીસની ટીમ હત્યારાને પકડવા માટે બિહાર રવાના થઈ છે. 

હત્યારા ડબલ્યુસીંગ રાજપૂત (રહે. ઘનકુંડગામ, બિહાર)એ 11 વર્ષના સાળાનું અપહરણ કરી તેને ડુમસ સાયલન્ટ ઝોન પાસે અવાવરુ ખંડેર જગ્યા પર લઈ જઈ માથામાં અને છાતીના ભાગે ગંભીર ઈજાઓ કરી મોતને ઘાટ ઉતારી દીધો હતો.આ પછી ત્યાંથી વતન બિહાર ભાગી ગયો હતો.