Surat: સુરતની હૉટલમાં હાઈપ્રૉફાઈલ સેક્સ રેકેટનો પર્દાફાશ, ચાર રૂપલલના સહિત એજન્ટ પકડાયા
Surat News: સુરતના સરથાણામાં બાપા સીતારામ ચોક નજીક આવેલી એક હોટલમાં ચાલતા હાઈ પ્રોફાઈલ સેક્સરેકેટનો ક્રાઈમ બ્રાંચે પર્દાફાશ કર્યો છે
Surat News: સુરતમાંથી એક સનસનીખેજ ઘટના સામે આવી છે, શહેરમાં સુરત પોલીસે એક હાઇ પ્રૉફાઇલ સેક્સ રેકેટનો પર્દાફાશ કર્યો છે. શહેરના સરથાણા વિસ્તારમાંથી એક હૉટલમાંથી પોલીસે દરોડા પાડીને દેહવ્યાપારના ધંધાનો પર્દાફાશ કર્યો છે, જેમાં 2 થાઇલેન્ડ, 1 યુગાન્ડા, 1 મુંબઇની લલનાઓને મુક્ત કરાવી છે અને બે ગ્રાહક સાથે એક એજન્ટની ધરપકડ કરી લીધી છે. હાલમાં આ સમગ્ર મામલે પોલીસે તપાસ હાથ ધરી છે.
સુરતના સરથાણામાં બાપા સીતારામ ચોક નજીક આવેલી એક હોટલમાં ચાલતા હાઈ પ્રોફાઈલ સેક્સરેકેટનો ક્રાઈમ બ્રાંચે પર્દાફાશ કર્યો છે. દરોડાની કાર્યવાહી દરમિયાન હૉટલમાંથી 2 થાઇલેન્ડ, 1 યુગાન્ડા અને 1 મુંબઇની રૂપલલના સાથે રંગરેલિયા મનાવવા આવેલા 2 ગ્રાહકોની ધરપકડ કરી લીધી છે, અને રૂપલલનાઓને મુક્ત કરાવી છે, સાથે સાથે એક દલાલ અને મેનેજરની પણ ધરપકડ કરવામાં આવી છે.
પોલીસને બાતમી મળી હતી તે પ્રમાણે, સરથાણાની હૉટલમાં હાઇફાઈ સેક્સરેકેટ ચાલી રહ્યું છે. આ માહિતીના આધારે પોલીસની ટીમે સાંજના સમયે હોટલમાં દરોડા પાડયા, જ્યાંથી રૂપલલનાઓ સાથે ગ્રાહક અને એજન્ટને દબોચી લીધા હતા. હોટલમાંથઈ 2 થાઇ, 1 યુગાન્ડા અને 1 મુંબઈની રૂપલલના મળી. હોટલમાં આવેલા બે ગ્રાહકો રાજ અશ્વિન ગાજીપરા અને શનિ લક્ષ્મણ ભોઇ પકડાયા હતા. રાજ સેલ્સમેન છે તો શનિ શાકભાજી વિક્રેતા છે. આ ઉપરાંત યુવતીઓ સપ્લાય કરતો લાલો ઉર્ફે ચિરાગ કિયાણી અને મેનેજર વિવેક કનુ પટેલ પણ પોલીસની ઝપટે ચઢી ગયા હતા. આ મામલે સરથાણા પોલીસમાં વિધિવત્ ગુનો નોંધાવી કાયદેસરની કાર્યવાહી હાથ ધરાઇ હતી. પોલીસે હોટલના તમામ રૂમોમાં પણ સર્ચ કરી રોકડા રૂપિયા ૫૦,૯૦૦, ૫ મોબાઈલ, નિરોધ સહિતનો મુદ્દામાલ જપ્ત કર્યો હતો.
ટોપ સ્ટોરી
ટ્રેન્ડિંગ સમાચાર
