Surat News: સુરતના કાપોદ્રામાં એસટી બસમાં લાગી આગ, તમામ 51 મુસાફરોનો આબાદ બચાવ 

Surat News:  સુરતમાં એસટી બસમાં આગ લાગી હોવાની ઘટના બની હતી. મળતી જાણકારી અનુસાર, શહેરના કાપોદ્રામાં મુસાફરો ભરેલી ST બસ સળગી હતી.

સુરતમાં એસટી બસમાં આગ લાગી હોવાની ઘટના બની હતી

Source : ફોટોઃ એબીપી અસ્મિતા

Surat News:  સુરતમાં એસટી બસમાં આગ લાગી હોવાની ઘટના બની હતી. મળતી જાણકારી અનુસાર, શહેરના કાપોદ્રામાં મુસાફરો ભરેલી ST બસ સળગી હતી. વરાછા-કાપોદ્રા વિસ્તારમાં રાત્રી દરમિયાન મેઈન રોડ પર અચાનક એસટી બસમાં આગ લાગતા અફરાતફરીનો માહોલ સર્જાયો  હતો. બસ કાપોદ્રા મેઈન રોડ પર પહોંચી ત્યારે
ડ્રાઈવર સાઈડમાંથી અચાનક ધૂમાડો નીકળવા લાગ્યો હતો. સમયનો વેડફાટ કર્યા વગર ડ્રાઈવરે તરત બસ રસ્તાની વચ્ચે જ ઉભી રાખી દીધી હતી અને અંદર સવાર તમામ 51 મુસાફરોને તાત્કાલિક નીચે ઉતારી દીધા હતા. મુસાફરો નીચે ઉતર્યાની ગણતરીની સેકન્ડમાં જ આખી બસ આગની ઝપેટમાં આવી ગઈ હતી. ટ્રાફિક વધુ હોવાના કારણે ફાયરની ગાડીને પણ સ્થળ પર પહોંચવામાં તકલીફ થઈ હતી. અંતે અડધા કલાકની ભારે જહેમત બાદ આગ પર કાબૂ મેળવ્યો હતો. ઘટનાની જાણ થતા જ કાપોદ્રા પોલીસનો કાફલો ઘટનાસ્થળે દોડી આવ્યો હતો અને ટ્રાફિક હળવો કરીને પરિસ્થિતિ થાળે પાડી હતી.

કાપોદ્રાના જલારામ ફર્નિચર પાસે બનેલી આ ઘટનામાં ડ્રાઈવરની સમયસૂચકતાને કારણે તમામ મુસાફરોનો આબાદ બચાવ થયો હતો. આગ એટલી વિકરાળ હતી કે ગણતરીની મિનિટોમાં જ આખી બસ બળીને ખાખ થઈ ગઈ હતી. સુરતથી તરસાડી જઈ રહેલી આ બસ જ્યારે કાપોદ્રા મેઈન રોડ પર પહોંચી ત્યારે ડ્રાઈવર સાઈડમાંથી અચાનક ધુમાડો નીકળવા લાગ્યો હતો. ડ્રાઈવરે સમય વેડફ્યા વગર બસ રસ્તાની વચ્ચે જ ઊભી રાખી દીધી હતી. અંદર સવાર 51 મુસાફરો કંઈ સમજે તે પહેલા ડ્રાઈવરે તમામને તાત્કાલિક નીચે ઉતરી જવા જણાવ્યું હતું. મુસાફરો નીચે ઉતર્યાના થોડી જ સેકન્ડોમાં આખી બસ સળગી ગઈ હતી. 

જ્યાં બસ સળગી રહી હતી તેની નજીક જ પેટ્રોલ પંપ આવેલો હતો. પેટ્રોલ પંપ પર વાહનોની ભારે ભીડ હોવાથી અને રોડ પર ટ્રાફિક જામ હોવાથી ફાયર બ્રિગેડને ઘટનાસ્થળ પર આવવામાં સમય લાગ્યો હતો. ફાયર બ્રિગેડને જાણ કરવામાં આવી ત્યારે ખૂબ ટ્રાફિક હતો. પેટ્રોલ પંપ પર વાહનોની ભારે ભીડ હોવાથી અને રોડ પર ટ્રાફિક જામ હોવાથી મોટી દુર્ઘટનાનો ભય સર્જાયો હતો. નજીકમાં જ કાપોદ્રા ફાયર સ્ટેશન આવેલું હોવા છતાં રસ્તા પર વાહનોની લાંબી કતારોને કારણે ફાયરના જવાનોને પહોંચવામાં મુશ્કેલી પડી હતી.  અંતે અડધા કલાકની ભારે જહેમત બાદ આગ પર કાબૂ મેળવ્યો હતો.  ઘટનાની જાણ થતા જ કાપોદ્રા પોલીસનો કાફલો ઘટનાસ્થળે દોડી આવ્યો હતો અને ટ્રાફિક હળવો કરીને પરિસ્થિતિ થાળે પાડી હતી.