Diwali Revenue: દિવાળી વડોદરા એસટીને ફળી, એક્સ્ટ્રા બસોથી એક જ અઠવાડિયામાં કરી કરોડોની કમાણી

દિવાળીના તહેવારો ચાલી રહ્યાં છે. રાજ્યમાં ઠેર ઠેર પ્રવાસીઓનો જોરદાર ઘસારો જોવા મળી રહ્યો હતો

પ્રતિકાત્મક તસવીર

Diwali 2023 News: દિવાળીના તહેવારો ચાલી રહ્યાં છે. રાજ્યમાં ઠેર ઠેર પ્રવાસીઓનો જોરદાર ઘસારો જોવા મળી રહ્યો હતો, આ દરમિયાન ખાનગી અને સરકારી વાહનોની આવકમાં જોરદાર વધારો જોવા મળ્યો છે. દિવાળીના તહેવારો દરમિયાન એસટી બસ ડિવિઝનને મસમોટી રકમની કમાણી થઇ છે. જેમાં વડોદરા એસડી બસ ડિવિઝન પણ પાછળ નથી રહ્યું. જાણો અહીં આંકડો... 

હાલ મળતી માહિતી પ્રમાણે, એસટી ડિવિઝનને રાજ્યમાં દિવાળીના તહેવારો ફળ્યા છે અને તોતિંગ કમાણી થઇ છે, વડોદરા એસટી ડિપાર્ટમેન્ટે આ દરમિયાન એક્સ્ટ્રા બસો દોડાવીને જબરદસ્ત કમાણી કરી છે. વડોદરા એસટી ડિવિઝનને છેલ્લા એક અઠવાડિયામાં એટલે કે 7 થી 15 નવેમ્બર સુધી કુલ 8 દિવસમાં 3.60 કરોડની આવક થઇ છે. દિવાળીના તહેવારમાં મુસાફરોની સુવિધા માટે રાજ્યના એસટી વિભાગ દ્વારા વધારાના 2200 બસો દોડાવવાનો નિર્ણય લેવામાં આવ્યો હતો, જેમાં વડોદરા સેન્ટ્રલ એસટી ડેપોએ પણ આ દરમિયાન પોતાની 50 વધુ એસટી બસ દોડાવી હતી. આ એક્સ્ટ્રા એસટી બસોથી વડોદરા ડિવિઝને 3.60 કરોડની કમાણી કરી લીધી છે, જે આંકડો ચોંકવનારો છે.

એસટી વિભાગને ફળ્યો દિવાળીનો તહેવાર, સાત કરોડ રૂપિયાથી વધુની થઇ આવક, સર્જાયો આ રેકોર્ડ

દિવાળીનો  તહેવાર ગુજરાત એસટી નિગમને ફળ્યો હતો. મળતી જાણકારી અનુસાર, દિવાળીના તહેવારોને લઇને એસટી વિભાગ દ્ધારા એકસ્ટ્રા બસોનું સંચાલન કરવામાં આવ્યું હતું. જેના કારણે એસટી વિભાગને દિવાળીના તહેવારોમાં એકસ્ટ્રા બસોના સંચાલનથી સાત કરોડ રૂપિયાથી વધુની આવક થઇ હતી. એટલું જ નહી ઓનલાઈન ટીકીટ બુકિંગમાં પણ નવો રેકોર્ડ સર્જાયો હતો. 7 અને 15 નવેમ્બરે 1 લાખથી વધારે ટિકિટનું એડવાન્સ ઓનલાઈન બુકિંગ થયું હતું. સામાન્ય દિવસોમાં 50 હજારથી 60 હજાર ટિકિટ બુક થતી હોય છે પરંતુ આ બંને દિવસ દરમિયાન ઓનલાઇન બુકિંગનો આંકડો એક લાખથી વધારે પહોંચ્યો હતો. 7 નવેમ્બરે 1 લાખ 184 ટિકિટ બુક થઈ જ્યારે 15 નવેમ્બરે 1 લાખ 21 હજાર 329 ટિકિટ બુક થઇ હતી જ્યારે દિવાળીના દિવસોમાં એક્સ્ટ્રા સંચાલનમાં પણ એસટી નિગમને 7 કરોડથી વધુની આવક થઈ હતી. દિવાળીના તહેવાર દરમિયાન ગુજરાત એસટી નિગમે ઓનલાઈન ટિકિટ બુકિંગમા રેકોર્ડ સર્જાયો હતો. દેશભરના પરિવહન સેવાની બસોમાં પ્રવાસ માટે એક જ દિવસમાં સૌથી વધારે ટિકિટ બુકિંગ બાબતે  પણ રેકોર્ડ બન્યો હતો. 7 અને 15 નવેમ્બરના રોજ 1 લાખથી વધારે એડવાન્સ ઓનલાઈન બુકિંગ થયું હતું. 7 નવેમ્બરે 1 લાખ 184 ટિકિટ બુક થઈ 15 નવેમ્બરે 1 લાખ 21 હજાર 329 ટિકિટ બુક થઈ હતી.

સુરત એસટી વિભાગ તરફથી દિવાળીમાં એકસ્ટ્રા બસ દોડાવવામાં આવી હતી. દિવાળીએ દોડાવેલી એકસ્ટ્રા બસ અને એકસ્ટ્રા ટ્રીપથી સુરત એસટી ડિવિઝનને કરોડો રૂપિયાની આવક થઇ હતી. દિવાળીના તહેવારને ધ્યાનમાં રાખીને સુરત એસટી વિભાગ તરફથી ઝાલોદ, દાહોદ, ઉત્તર ગુજરાત અને સૌરાષ્ટ્ર તરફ દોડાવાયેલી સ્પેશિયલ બસો દોડાવવામાં આવી હતી જેના કારણે સુરત એસટીની તિજોરી છલકાઇ ગઇ હતી. દિવાળી પહેલાના પાંચ દિવસમાં સુરત એસટીએ 1 હજાર 737 ટ્રીપ દોડાવી 97 હજાર મુસાફરોને પોતાના વતન પહોંચાડ્યા હતા. જેથી સુરત એસટી ડિવીઝનને અધધધ 3.42 કરોડ રૂપિયાની આવક થઈ હતી. સુરત એસટીના ઈતિહાસમાં પ્રથમ વખત આટલી આવક થઈ છે. આ પાંચ દિવસમાં સુરત એસટીની 1737 બસે અંદાજિત 6 લાખ 74 હજાર કિલોમીટરનું અંતર કાપ્યું હતું.  દિવાળી દરમિયાન સુરત એસટી ડિવિઝને સૌથી વધુ 68 ટ્રીપ ઝાલોદ અને 21 ટ્રીપ અમરેલી તરફ દોડાવી હતી. હવે દિવાળી સમયે ખાનગી બસના સંચાલકો બમણું ભાડું કરી દેતા હોવાથી લોકોએ સરકારી બસમાં જવાનો સારો વિકલ્પ મળ્યો હતો. જેના કારણે મોટી સંખ્યામાં લોકો એડવાન્સમાં ગ્રુપ બુકિંગ કરાવી રહ્યા છે જેથી એસટી વિભાગને કરોડોની આવક થઇ છે. આ વર્ષે સુરત એસટીના ઈતિહાસમાં પહેલી વખત આટલી મોટી આવક થઈ છે.