Brazil Apartment Collapse: બ્રાઝિલમાં અચાનક એક બિલ્ડિંગ ધરાશાયી, બે બાળકો સહિત 14નાં મોત
આ વિસ્તારમાં ભારે વરસાદને કારણે એક એપાર્ટમેન્ટ બિલ્ડીંગ ધરાશાયી થઈ હતી. જો કે, આ ઘટના પાછળ અન્ય કયા કારણો છે તે અંગે તપાસ કરવામાં આવી રહી છે.
Brazil Apartment Collapse: બ્રાઝિલમાં રહેણાંક ફ્લેટની બિલ્ડિંગ ધરાશાયી થવાને કારણે અત્યાર સુધીમાં 14 લોકોના મોત થયા છે. જ્યારે હજુ પણ ઘણા લોકો ઈમારતના કાટમાળમાં ફસાયા હોવાની આશંકા છે.આ ઘટના ઉત્તરપૂર્વીય રાજ્ય પરનામ્બુકોની રાજધાની રેસિફની બહારના જંગા પાડોશમાં શુક્રવારે બની હતી.
Apartment building collapse kills 14 in Brazil https://t.co/XSBNRqVjsY pic.twitter.com/pRZuPhTx3A
— Reuters (@Reuters) July 8, 2023
રોઇટર્સના જણાવ્યા અનુસાર, આ વિસ્તારમાં ભારે વરસાદને કારણે એપાર્ટમેન્ટ બિલ્ડિંગ ધરાશાયી થઈ હતી. જો કે, આ ઘટના પાછળ અન્ય કયા કારણો છે તે અંગે તપાસ કરવામાં આવી રહી છે. અત્યાર સુધીની તપાસમાં એવું જાણવા મળ્યું છે કે જ્યારે ઈમારત પડી ત્યારે ઈમારતમાં ઘણા લોકો હાજર હતા. આ દુર્ઘટના અંગે સિવિલ ડિફેન્સ દ્વારા જારી કરવામાં આવેલા નિવેદનમાં કહેવામાં આવ્યું છે કે ત્રણ લોકો અકસ્માતમાંથી બચવામાં સફળ થયા છે. આ અકસ્માત કયા કારણોસર થયો, તેનું કારણ હજુ સુધી સ્પષ્ટ થયું નથી. પરનામ્બુકોના ગવર્નર રાક્વેલ લિરાએ આ ઘટના અંગે ટ્વિટર પર શોક વ્યક્ત કર્યો હતો અને વચન આપ્યું હતું કે રાજ્ય સરકાર જરૂરિયાતમંદ પરિવારોને મદદ કરવા માટે કોઈ કસર છોડશે નહીં.
At least 8 dead after apartment building collapse in Brazil#brazillian #Recife #pernambuco pic.twitter.com/ud4jy8wA2a
— IPNA (@irannewsvideo) July 8, 2023
બ્રાઝિલના દૈનિક અખબાર ફોલ્હા ડી એસ પાઉલોના જણાવ્યા અનુસાર, બિલ્ડિંગ પર બેઘર લોકોનો કબજો હતો, જોકે 2010થી ત્યાં લોકોના રહેવા પર પ્રતિબંધ હતો. બિલ્ડિંગ અંગે શહેરના અધિકારીઓએ બિલ્ડિંગને 'કોફિન બ્લોક' જાહેર કરી હતી. બિલ્ડિંગને કોફી બ્લોક નામ આપવું એ એક રીતે મૃત્યુને આમંત્રણ આપવા જેવું હતું.
હજુ પણ આવી ઘણી જૂની ઇમારતો છે
સિટી હૉલના નિવેદનો કહે છે કે પૉલિસ્ટામાં એવી ઘણી જૂની ઇમારતો છે કે જેઓ પાસે પોતાનું ઘર નથી અથવા જેઓ ઘરવિહોણા છે, અને આ સમસ્યા નવી નથી. અધિકારીઓએ બ્રાઝિલના રાષ્ટ્રપતિની તાજેતરની મુલાકાત દરમિયાન પણ આ મુદ્દો ઉઠાવ્યો હતો. રાષ્ટ્રપતિ પણ પૂર્વોત્તર રાજ્યમાંથી આવે છે.
ત્રણ મહિનામાં બીજી ઘટના
કહેવામાં આવી રહ્યું છે કે પરનામ્બુકોમાં ત્રણ મહિનાથી ઓછા સમયમાં આ બીજી ઘટના છે. એપ્રિલમાં, પરનામ્બુકો નજીક ઓલિંડામાં એક ઇમારત ધરાશાયી થઈ હતી, જેમાં ઓછામાં ઓછા પાંચ લોકોના મોત થયા હતા. બિલ્ડીંગ પડી તે પહેલા શહેરમાં ભારે વરસાદ થયો હતો. જેના કારણે અનેક જગ્યાએ જળબંબાકારની સ્થિતિ સર્જાઈ છે.
ટ્રેન્ડિંગ સમાચાર
ટોપ સ્ટોરી
