![ABP Premium](https://cdn.abplive.com/imagebank/Premium-ad-Icon.png)
Airlines: હવે અમેરિકાની ફ્લાઈટમાં થયો પેસાબકાંડ, મુસાફરે અન્ય પર કર્યું ટોઈલેટ
ફ્લાઇટ શુક્રવારે એટલે કે 3 માર્ચ રાત્રે 9:16 વાગ્યે ન્યૂયોર્કથી ઉડાન ભરી હતી અને 14 કલાક 26 મિનિટ પછી શનિવારે 4 માર્ચે રાત્રે 10:12 વાગ્યે દિલ્હીના IGI એરપોર્ટ પર લેન્ડ થઈ હતી.
![Airlines: હવે અમેરિકાની ફ્લાઈટમાં થયો પેસાબકાંડ, મુસાફરે અન્ય પર કર્યું ટોઈલેટ Airlines: Pee gate in American Airlines, Drunk Passenger Urinated on Friend Airlines: હવે અમેરિકાની ફ્લાઈટમાં થયો પેસાબકાંડ, મુસાફરે અન્ય પર કર્યું ટોઈલેટ](https://feeds.abplive.com/onecms/images/uploaded-images/2023/03/05/2b9e3f8bb482c783914ccda139e825d3167801735414381_original.jpg?impolicy=abp_cdn&imwidth=1200&height=675)
Passenger Urinated In American Flight: ન્યૂયોર્કથી નવી દિલ્હી જતી અમેરિકન એરલાઈન્સની ફ્લાઈટમાં નશામાં ધૂત પેસેન્જરે કથિત રીતે તેના મિત્ર પર પેશાબ કર્યો હતો. ફ્લાઈટ દિલ્હીના ઈન્દિરા ગાંધી ઈન્ટરનેશનલ (IGI) એરપોર્ટ પર ઉતર્યા બાદ તરત જ તેની ધરપકડ કરવામાં આવી હતી. રિપોર્ટ અનુસાર, આ સમગ્ર ઘટના AA292 અમેરિકન એરલાઈન્સની ફ્લાઈટ વિશે જણાવવામાં આવી રહી છે.
ફ્લાઇટ શુક્રવારે એટલે કે 3 માર્ચ રાત્રે 9:16 વાગ્યે ન્યૂયોર્કથી ઉડાન ભરી હતી અને 14 કલાક 26 મિનિટ પછી શનિવારે 4 માર્ચે રાત્રે 10:12 વાગ્યે દિલ્હીના IGI એરપોર્ટ પર લેન્ડ થઈ હતી. આરોપી કથિત રીતે અમેરિકાની એક યુનિવર્સિટીનો વિદ્યાર્થી છે અને તેણે નશાની હાલતમાં સૂતી વખતે પેશાબ કર્યો હતો. તેનું કહેવું છે કે, તેણે જાણી જોઈને આવું નથી કર્યું. ઊંઘમાં જ તેનો પેશાબ બહાર નીકળી ગયો હતો અને સાથી મુસાફર પર પડ્યો હતો. જેણે લઈને ક્રૂને ફરિયાદ કરવામાં આવી હતી.
આરોપીએ માફી માંગી
સૂત્રોએ જણાવ્યું હતું કે, વિદ્યાર્થીએ આ માટે માફી માંગી હતી. ત્યારબાદ પીડિત મુસાફરે તેની સામે કેસ નોંધવાનો ઇનકાર કર્યો હતો. કારણ કે તેનાથી તેની કારકિર્દી બગાડી શકે છે. જોકે, એરલાઈને આ ઘટનાને ગંભીરતાથી લીધી છે અને આઈજીઆઈ એરપોર્ટ પર એર ટ્રાફિક કંટ્રોલ (એટીસી)ને જાણ કરી હતી. ATCએ CISFના જવાનોને એલર્ટ કર્યા હતાં. જેમણે આરોપી મુસાફરને દિલ્હી પોલીસને સોંપી દીધો.
આરોપી અમેરિકન એરલાઇન્સમાં મુસાફરી કરી શકશે નહીં
અમેરિકન એરલાઈન્સે આરોપી સામે કડક કાર્યવાહી કરી છે. અમેરિકન એરલાઈન્સે એક નિવેદનમાં જણાવ્યું હતું કે, આ વ્યક્તિને ભવિષ્યમાં અમેરિકન એર પર મુસાફરી કરવાની મંજૂરી આપવામાં આવશે નહીં અને તેણે તેની રિટર્ન ટિકિટ પણ રદ કરી દીધી છે.
આ પહેલા પણ ઘટી ચુકી છે આ પ્રકારની ઘટનાઓ
ગયા વર્ષે નવેમ્બરમાં પણ આવો જ એક કિસ્સો પ્રકાશમાં આવ્યો હતો. જેમાં ન્યૂયોર્કથી નવી દિલ્હી જતી એર ઈન્ડિયાની ફ્લાઈટમાં નશામાં ધૂત વ્યક્તિ (શંકર મિશ્રા)એ એક વૃદ્ધ મહિલા પર કથિત રીતે પેશાબ કર્યો હતો. આ ઘટનાના લગભગ એક મહિના બાદ મિશ્રા વિરુદ્ધ FIR દાખલ કરવામાં આવી હતી. હવે જ્યારે આવો બીજો કિસ્સો આવ્યો ત્યારે અમેરિકન એરલાઈન્સે તેને ગંભીરતાથી લીધો.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)