Elon Musk: 'હું ના હોત તો ચૂંટણી ન જીતી શક્યા હોત ટ્રમ્પ', રાષ્ટ્રપતિએ નારાજગી વ્યક્ત કરી તો ભડક્યા એલન મસ્ક
અમેરિકાના રાષ્ટ્રપતિએ તેમના નજીકના મિત્ર મસ્કની ટીકા એવા સમયે કરી છે જ્યારે થોડા દિવસો પહેલા ટેસ્લાના સીઈઓએ રાષ્ટ્રપતિના ખર્ચ બિલનો વિરોધ કર્યો હતો
Donald Trump Disappointed With Elon Musk: રિપબ્લિકન ટેક્સ બિલને લઈને અમેરિકાના રાષ્ટ્રપતિ ડોનાલ્ડ ટ્રમ્પ અને ટેસ્લાના વડા એલન મસ્ક સામસામે આવી ગયા છે. તેમની ગાઢ મિત્રતામાં તિરાડ પડી હોય તેવું લાગે છે. જ્યારે ડોનાલ્ડ ટ્રમ્પે ટેક્સ બિલને લઇને પર નારાજગી વ્યક્ત કરી, ત્યારે મસ્કે જવાબ આપ્યો કે જો તેઓ ના હોત તો ડોનાલ્ડ ટ્રમ્પ ચૂંટણી જીતી શક્યા ન હોત.
#BREAKING Musk says he won election for Trump, slams 'ingratitude' pic.twitter.com/7OsP6jmbVm
— AFP News Agency (@AFP) June 5, 2025
મસ્કે X પર લખ્યું હતું કે, "મારા વિના ટ્રમ્પ ચૂંટણી હારી ગયા હોત. ડેમોક્રેટ્સ હાઉસ પર નિયંત્રણ કરી લેતા અને અને રિપબ્લિકન સેનેટમાં 51-49 મતો ધરાવતા હોત." અગાઉ ડોનાલ્ડ ટ્રમ્પે કહ્યું હતું કે તેઓ મસ્કથી ખૂબ નિરાશ છે કારણ કે તેમણે રિપબ્લિકન ટેક્સ બિલનો વિરોધ કર્યો હતો. ટ્રમ્પે કહ્યું હતું કે મસ્કને વ્હાઇટ હાઉસની યાદ આવે છે અને તે ટ્રમ્પ ડિરેન્જમેન્ટ સિન્ડ્રોમથી પીડાય છે. સમાચાર એજન્સી એસોસિએટેડ પ્રેસ અનુસાર, ડોનાલ્ડ ટ્રમ્પે કહ્યું હતું કે, "હું મસ્કથી ખૂબ નિરાશ છું. મેં મસ્કની ખૂબ મદદ કરી છે."
Trump and Musk alliance melts down in blazing public row.
— AFP News Agency (@AFP) June 6, 2025
The pair hurled insults at each other on social media, with Musk vowing to end a critical US spaceship program and Trump threatening to “terminate Elon's Governmental Subsidies and Contracts”https://t.co/EqQahCLFQV pic.twitter.com/jwY2axY1Zz
અમેરિકાના રાષ્ટ્રપતિએ તેમના નજીકના મિત્ર મસ્કની ટીકા એવા સમયે કરી છે જ્યારે થોડા દિવસો પહેલા ટેસ્લાના સીઈઓએ રાષ્ટ્રપતિના ખર્ચ બિલનો વિરોધ કર્યો હતો અને તેને ઘૃણાસ્પદ ગણાવ્યું હતું.
મસ્કે શું કહ્યું?
મસ્કે સોશિયલ મીડિયા પ્લેટફોર્મ X પર લખ્યું હતું કે, "મને દુખ છે પરંતુ હું તેને સહન કરી શકતો નથી. આ વિશાળ, અત્યાચારી, ડુક્કરના માંસથી ભરેલું કોંગ્રેસનું સ્પેન્ડિંગ બિલ ખૂબ જ ઘૃણાસ્પદ છે. એ લોકો પર શરમ આવે છે જેમણે આ માટે મતદાન કર્યું છે. તમે જાણો છો કે તમે ખોટું કર્યું છે.
બિલની ટીકા કરતા મસ્કે લોકોને આગ્રહ કર્યો હતો કે તેઓ પોતાના સાંસદોનો સંપર્ક કરીને આ કાયદાનો અંત કરે. તેમણે લખ્યું હતું કે "આ ખર્ચ બિલમાં યુએસ ઇતિહાસમાં દેવાની મર્યાદામાં સૌથી મોટો વધારો સામેલ છે! આ દેવાની ગુલામીનું બિલ છે."
વ્હાઇટ હાઉસે શું કહ્યું?
મસ્કની આ ટીકા એવા સમયે થઈ છે જ્યારે ટ્રમ્પ સેનેટમાં બિલ પર રિપબ્લિકનોને વ્યક્તિગત રીતે લોબિંગ કરી રહ્યા છે. વ્હાઇટ હાઉસે બિલ અંગે મસ્કની જાહેર ટીકા વિશે કહ્યું કે રાષ્ટ્રપતિ તેના પર પોતાનો અભિપ્રાય બદલશે નહીં.
વ્હાઇટ હાઉસના પ્રેસ સેક્રેટરી કેરોલિન લેવિટે કહ્યું હતું કે, "રાષ્ટ્રપતિ પહેલાથી જ જાણે છે કે આ બિલ પર મસ્કનું વલણ શું છે. તેનાથી રાષ્ટ્રપતિનો અભિપ્રાય બદલાતો નથી. તે એક મોટું, સુંદર બિલ છે અને તે તેના પર અડગ છે."
ટોપ સ્ટોરી
ટ્રેન્ડિંગ સમાચાર
