Donald Trump: શપથ લીધા બાદ ડોનાલ્ડ ટ્રમ્પનો મોટો નિર્ણય, WHOમાંથી બહાર થયું અમેરિકા, 1500 લોકોને માફી
Donald Trump: ડોનાલ્ડ ટ્રમ્પે સોમવારે અમેરિકાના રાષ્ટ્રપતિ તરીકે શપથ લીધા હતા. આ સાથે તેઓ સત્તાવાર રીતે દેશના રાષ્ટ્રપતિ બન્યા છે
Donald Trump: ડોનાલ્ડ ટ્રમ્પે સોમવારે અમેરિકાના રાષ્ટ્રપતિ તરીકે શપથ લીધા હતા. આ સાથે તેઓ સત્તાવાર રીતે દેશના રાષ્ટ્રપતિ બન્યા છે. ટ્રમ્પે પદ સંભાળ્યા પછી અનેક એક્ઝિક્યુટિવ ઓર્ડર પર હસ્તાક્ષર કર્યા છે. આમાં અમેરિકાને વિશ્વ આરોગ્ય સંગઠન (WHO) ના સભ્યપદમાંથી હટી જવાનો આદેશ પણ સામેલ છે.
#BREAKING Trump signs order to pull US from World Health Organization pic.twitter.com/wUaGmcvx5u
— AFP News Agency (@AFP) January 21, 2025
શપથ લીધા પછી ટ્રમ્પ ઓવલ ઓફિસ પહોંચ્યા હતા. તેમણે અહીં અનેક એક્ઝિક્યુટિવ ઓર્ડર પર હસ્તાક્ષર કર્યા હતા. આ સમયગાળા દરમિયાન તેમણે બાઇડન સરકારના 78 નિર્ણયો મોટી સંખ્યામાં રદ કર્યા છે. આ સાથે તેમણે પેરિસ ક્લાઈમેટ એગ્રીમેન્ટમાંથી અમેરિકાના ખસી જવાની જાહેરાત કરી હતી.
ટ્રમ્પે કહ્યું કે અમે એક્ઝિક્યુટિવ ઓર્ડર પર હસ્તાક્ષર કરવા જઈ રહ્યા છીએ. સૌ પ્રથમ હું છેલ્લી સરકાર દ્વારા લેવામાં આવેલા 80 વિનાશક નિર્ણયોને રદ કરીશ. આ અમેરિકન ઇતિહાસની સૌથી ખરાબ સરકાર હતી.
અમેરિકાના રાષ્ટ્રપતિ ડોનાલ્ડ ટ્રમ્પે કહ્યું હતું કે, અમેરિકાનો સુવર્ણ યુગ હમણાં જ શરૂ થયો છે. આ દિવસથી આપણો દેશ ફરી ખીલશે અને સમગ્ર વિશ્વમાં તેનું સન્માન થશે. અમેરિકા ફરીથી મોટું અને મહાન બનશે. હવે અમેરિકામાં ઝડપથી પરિવર્તન આવશે. અમે અમેરિકામાં ઘૂસણખોરી થવા દઈશું નહીં. અમેરિકા ફર્સ્ટ નીતિ પર કામ કરશે. અમેરિકા ટૂંક સમયમાં પહેલા કરતાં વધુ મહાન, મજબૂત અને વધુ અસાધારણ બનશે. હું આત્મવિશ્વાસ સાથે રાષ્ટ્રપતિ પદ પર પાછો ફરું છું અને આશા રાખું છું કે આપણે રાષ્ટ્રીય સફળતાના એક નવા રોમાંચક યુગની શરૂઆત કરી રહ્યા છીએ. દેશમાં પરિવર્તનની લહેર છે.
શપથ લેતાની સાથે જ ટ્રમ્પે કઈ ફાઇલો પર સહી કરી
- શપથ ગ્રહણ કરવાની સાથે ટ્રમ્પે 6 જાન્યુઆરી, 2021ના રોજ કેપિટલ હિલ પર થયેલા હુમલાના દોષિત 1500 લોકોને માફ કરવાના આદેશ પર હસ્તાક્ષર કર્યા છે.
- ડ્રગ કાર્ટેલને આતંકવાદી સંગઠન જાહેર કરવામાં આવશે.
- અમેરિકાની દક્ષિણ સરહદ દ્વારા ગેરકાયદેસર રીતે દેશમાં પ્રવેશતા લોકોથી અમેરિકન લોકોને સુરક્ષિત રાખવામાં આવશે.
- મેક્સિકો અને કેનેડા પર 25 ટકા ટેરિફ લાદવામાં આવશે. આ 1 ફેબ્રુઆરીથી અમલમાં આવી શકે છે.
- અમેરિકા પેરિસ ક્લાઇમેટ એગ્રીમેન્ટમાંથી બહાર નીકળી જશે
- સંઘીય સરકારમાં નિમણૂકો યોગ્યતાના આધારે કરવામાં આવશે.
- અમેરિકામાં સરકારી સેન્સરશીપનો અંત લાવવામાં આવશે અને અમેરિકામાં વાણી સ્વાતંત્ર્યને પુનઃસ્થાપિત કરાશે.
- અમેરિકામાં થર્ડ જેન્ડર અમાન્ય જાહેર
ટોપ સ્ટોરી
ટ્રેન્ડિંગ સમાચાર
