પીએમ કિસાન યોજનાનો ફાયદો લેવા જરૂર કરો આ કામ, નહી તો અટકી જશે આગામી હપ્તો

પીએમ કિસાન યોજનાનો લાભ મેળવવા માટે ખેડૂત ભાઈઓએ ઈ-કેવાયસી કરાવવું ફરજિયાત છે. જો તમે પ્રધાનમંત્રી કિસાન સન્માન નિધિ યોજનાના લાભાર્થી છો, તો ખેડૂતો તેને ઓનલાઈન અને ઓફલાઈન બંને રીતે કરાવી શકે છે

પ્રતિકાત્મક તસવીર

પીએમ કિસાન યોજનાનો લાભ મેળવવા માટે ખેડૂત ભાઈઓએ ઈ-કેવાયસી કરાવવું ફરજિયાત છે. જો તમે પ્રધાનમંત્રી કિસાન સન્માન નિધિ યોજના (PM કિસાન યોજના) ના લાભાર્થી છો, તો ખેડૂતો તેને ઓનલાઈન અને ઓફલાઈન બંને રીતે કરાવી શકે છે તો તમારા માટે કેટલીક બાબતો જાણવી ખૂબ જ મહત્વપૂર્ણ છે. આ યોજના દ્વારા સરકાર દ્વારા ખેડૂતોને આર્થિક સહાય આપવામાં આવે છે.

પ્રધાનમંત્રી કિસાન સન્માન નિધિ યોજના હેઠળ સરકાર ખેડૂતોને દર વર્ષે 6 હજાર રૂપિયાની આર્થિક સહાય પૂરી પાડે છે, જે ત્રણ હપ્તામાં (રૂ. 2-2 હજાર) આપવામાં આવે છે.

આ યોજનાનો લાભ મેળવવા માટે ખેડૂતે ઇ-કેવાયસી કરાવ્યું હોય તે જરૂરી છે, જો તે નહીં કરાવે તો તેને યોજનાનો લાભ મળશે નહીં.

મીડિયા રિપોર્ટ્સ અનુસાર, પીએમ કિસાન યોજના હેઠળ 19મો હપ્તો જાન્યુઆરી મહિનામાં જાહેર કરવામાં આવી શકે છે.

ઇ-કેવાયસી વિના ખેડૂતોને યોજનાનો આગામી એટલે કે 19મા હપ્તાનો લાભ મેળવી શકશે નહીં. તેથી તેઓએ આ કામ તાત્કાલિક પૂર્ણ કરવું જોઈએ.

ઑફલાઇન ઇ-કેવાયસી માટે ખેડૂતોએ તેમના નજીકના CSC કેન્દ્ર (કોમન સર્વિસ સેન્ટર)ની મુલાકાત લેવી જોઈએ. ત્યાં તમારું આધાર કાર્ડ અને બાયોમેટ્રિક વિગતો રજીસ્ટર કરો. તમારું ઇ-કેવાયસી CSC કેન્દ્ર પર સફળતાપૂર્વક પૂર્ણ થશે.

ઓનલાઈન ઈ-કેવાયસી માટે પહેલા પીએમ કિસાન યોજનાની સત્તાવાર વેબસાઈટ pmkisan.gov.in પર જાવ. હોમપેજ પર આપેલા 'e-KYC' વિકલ્પ પર ક્લિક કરો. અહીં તમારો આધાર નંબર દાખલ કરો અને સર્ચ બટન પર ક્લિક કરો. તમારા રજિસ્ટર્ડ મોબાઈલ નંબર પર એક OTP આવશે. OTP દાખલ કરો અને સબમિટ કરો.